550 சேனல்.. 14 OTT.. 1 Gbps வேகத்தில் சூப்பர் ஸ்பீட் டேட்டா.. ரூ.599 முதல் Jio AirFiber திட்டங்கள் சென்னையில்.

ஜியோ இந்தியாவில் அதன் புதிய வயர்லெஸ் இணைய சேவையான ஜியோ ஏர்ஃபைபர் (JioAirFiber) சேவையை இப்போது எட்டு நகரங்களில் அறிமுகப்படுத்தியுள்ளது. இதன் மூலம் இப்போது தமிழ்நாட்டு பயனர்களும் ஜியோஏர்ஃபைபர் சேவையானது அதிவேக இணை வசதியுடன், OTT நன்மையுடன் மற்றும் பிற நன்மைகளை வழங்குகிறது.

ஜியோ ஏர்ஃபைபர் (Jio AirFiber) இப்போது அதிவேக டேட்டா, OTT மற்றும் பிற அம்சங்களுடன் ஆறு திட்டங்களை வழங்குகிறது. சரி, முதலில் எந்த 8 நகரங்களில் இந்த சேவை கிடைக்கிறதென்று தெரிந்துகொள்ளலாம். UPI முதல் அரசாங்க வசதிகளை டிஜிட்டல் மயமாக்குவது வரை, மக்கள் தொடர்ந்து வேலை செய்ய வேகமான இணையம் அவசியமாகிவிட்டது.

இருப்பினும், மொபைல் நெட்வொர்க் பெரும்பாலும் நம்பமுடியாததாக உள்ளது. அதேபோல், கேபிள் ஃபைபர் நெட்வொர்க்குகள் எல்லா இடங்களிலும் கிடைக்காது சிக்கலாக இருக்கிறது. எனவே, வயர்லெஸ் இணைப்பு மூலம் மக்கள் வேகமான இணைய சேவையை அணுக, ஜியோ இறுதியாக செப்டம்பர் 2023 இல் ஜியோ ஏர்ஃபைபர் திட்டத்தை அறிமுகம் செய்து வழங்கத் தொடங்கியது.

ஜியோ ஏர்ஃபைபர் என்பது ஜியோவின் வயர்லெஸ் இணைய சேவையாகும். இது அதிவேக இணைய இணைப்பை வழங்க 5ஜி தொழில்நுட்பத்தைப் பயன்படுத்துகிறது. இது வீட்டு பொழுதுபோக்கு, ஸ்மார்ட் ஹோம் சேவைகள் மற்றும் அதிவேக பிராட்பேண்ட் ஆகியவற்றின் தேவைகளைப் பூர்த்தி செய்யும் வகையில் வடிவமைக்கப்பட்டுள்ளது. இது பாரம்பரிய ஃபைபர்-ஆப்டிக் இணைப்புகளுடன் ஒப்பிடக்கூடிய வேகத்தை வழங்குகிறது.

ஜியோ ஏர்ஃபைபர் அதன் பயனர்களுக்கு 1 ஜிபிபிஎஸ் வரை வேகத்தை வழங்குகிறது. ஜியோ ஏர்ஃபைபர் வயர்லெஸ் 4ஜி டாங்கிள்களைப் போன்றது. ஆனால், 5ஜி வழியாக பிராட்பேண்ட் போன்ற வேகம் போன்ற கூடுதல் நன்மைகளைக் கொண்டுள்ளது. இது 30Mbps, 100Mbps, 150Mbps, 300Mbps, 500Mbps மற்றும் 1Gbps என்று வெவ்வேறு வேகத்தை அடங்கிய திட்டங்களுடன் இப்போது பயன்பாட்டிற்கு கிடைக்கிறது.

ஜியோ ஏர்ஃபைபர் சேவையை நாடு முழுவதும் அறிமுகப்படுத்துகிறது. இருப்பினும், ஆரம்பகட்டமாக இந்த சேவை அகமதாபாத், பெங்களூரு, சென்னை, டெல்லி, ஹைதராபாத், கொல்கத்தா, மும்பை மற்றும் புனே ஆகிய எட்டு நகரங்களில் மட்டுமே கிடைக்கிறது. உங்கள் பகுதியில் ஜியோ ஏர்ஃபைபர் இருக்கிறதா என்று பார்க்க, ஜியோ இணையதளம், மை ஜியோ ஆப்ஸ் அல்லது ஜியோ வாடிக்கையாளர் ஆதரவைத் தொடர்புகொள்ளவும்.

60008-60008 என்ற எண்ணுக்கு மிஸ்டு கால் கொடுத்து அல்லது உங்கள் அருகிலுள்ள ஜியோ ஸ்டோருக்குச் சென்று புதிய இணைப்பைப் பதிவு செய்யலாம். இந்த ஜியோ ஏர்ஃபைபர் சேவையுடன் உங்களுக்கு WiFi ரூட்டர், 4K ஸ்மார்ட் செட்-டாப் பாக்ஸ் மற்றும் வாய்ஸ் கண்ட்ரோல் ரிமோட் ஆகியவற்றை உள்ளடக்கிய உங்கள் ஜியோ ஏர்ஃபைபர் இணைப்பைப் பெறுவீர்கள். ஒரு அவுட்டோர் யூனிட்டை ஜியோ உங்கள் வீட்டின் மொட்டை மாடியில் நிருவும்.

கூடுதல் கட்டணமின்றி ஜியோ புதிய இணைப்பை வழங்குகிறது என்பதை நினைவில் கொள்ளவும். இருப்பினும், நிறுவல் சேவைக்கு நீங்கள் ரூ.1,000 செலுத்த வேண்டும். நீங்கள் வருடாந்திர திட்டத்தைத் தேர்வுசெய்தால் இந்தக் கட்டணம் தள்ளுபடி செய்யப்படும். வருடாந்திர திட்டத்தின் பலன்களை அனுபவிக்கும் அதே வேளையில், கிரெடிட்/டெபிட் கார்டு அடிப்படையிலான EMI ஐப் பயன்படுத்தி, பயனர்கள் மாதாந்திர அடிப்படையில் பணம் செலுத்துவதற்கான விருப்பமும் உள்ளது.

ஜியோவின், ஜியோ ஏர்ஃபைபர் சேவை இப்போது சென்னையில் உள்ள வாடிக்கையாளர்கள் அனைவருக்கும் கிடைக்கிறது. விருப்பம் உள்ள வாடிக்கையாளர்கள் உடனே ஜியோவின் அதிகாரப்பூர்வ இணையதளம் அல்லது ஜியோ அலுவலகம் வழியாக விண்ணப்பித்து பயனடையலாம். ஜியோ ஏர்ஃபைபர் திட்டங்கள் ரூ.599 விலை முதல் துவங்குகிறது. ஜியோ மொத்தம் 6 திட்டங்களை வழங்குகிறது.