பின் நம்பரோ.? பேட்டர்ன் லாக்கோ.? ஈசியாக திருடி விடலாம். எப்படி.?

பெருமளவில் பாதிக்கப்பட போவது..

இந்த புதிய திருட்டு வழிமுறையில் பெருமளவில் பாதிக்கப்பட போவது ஆண்ட்ராய்டு பயனர்கள் தான் என்பது வெளிப்படை. அதாவது இந்த புதிய பாஸ்வேர்ட்/பின் திருட்டு முறையில் தெர்மல் கேமராக்கள் பயன்படுத்தப்படுகின்றனர்.

விரல்களின் அச்சு

அதாவது நீங்கள் உங்கள் கருவியில் பாஸ்வேர்ட் சார்ந்த இலக்கங்கள் தட்டிய பிறகு, தீங்குவிளைப்பவர்கள் திரையில் ஒட்டியுள்ள உங்கள் விரல்களின் அச்சுகளை வெப்பத்தின் மூலம் தெர்மல் கேமராக்கள் பயன்படுத்தி குறிப்பிட்டு கொள்வர்.

வெப்பப்புள்ளி

இந்த வெப்பப்புள்ளிகள் சிறிது எல்லாம் கழித்து மங்கலான ஒரு நிலையை அடைந்து விடும் ஆக ஸ்வைப் மாதிரியான வரையப்பட்ட பாஸ்வேர்ட் (finger-drawn pattern) கொண்ட பயனர்கள் தான் இந்த புதிய திருட்டு முறையில் அதிகம் பாதிக்கப்படுவர்.

எச்சரிக்கை

தனிப்பட்ட புகைப்படங்கள், அழைப்பு பதிவுகள், வங்கி கணக்குகள், மற்றும் மின்னஞ்சல்கள் போன்ற தனிப்பட்ட மொபைல் தரவுகளின் தொகையை பொறுத்து தீங்கிழைக்கும் தாக்குதல்களில் பல்வேறு வகையான முறைகளில் நாம் எதிர்கொள்ள நேரிடும் என்று ஆராய்ச்சியாளர்கள் எச்சரிக்கை விடுத்துள்ளனர்.

மையப்படுத்திய விசாரணைகள்

முதலில் பாதுகாப்பு சமூகத்தினர் சமீபத்தில் போன்ற ஷோல்டர்சர்பிங், அதாவது நெரிசலான பகுதிகளில் உங்களின் முதுகிற்கு பின்பக்கமாய் நின்று உங்களில் பாஸ்வேர்ட்களை திருடும் முறை மற்றும் அழுக்கு தடம் கொண்டு பாஸ்வேர்ட்களை திருடுதல் போன்ற தாக்குதல்களை மையப்படுத்திய விசாரணைகள் தான் கவனத்தில் கொள்ளப்பட்டு வந்தது.

டச் திரை

தற்போது சமீபத்தில் தான் ஒரு புதிய அச்சுறுத்தல் மீது அதாவது, மொபைல் சாதனங்களின் டச் திரைகளில் மீதுள்ள வெப்ப தாக்குதல்கள் சார்ந்த திருட்டின் மீது பாதுகாப்பு ஆராய்ச்சி சமூகத்தினர் கவனம் செலுத்த தொடங்கியுள்ளனர்.

விரைவில்

இதர திருட்டு வழிமுறைகளில் இருந்து பாதுகாப்பு அம்சங்கள் வலிமைப்படுத்தப்பட்டது போல இதிலிருந்தும் தப்பிக்க வழிமுறைகள் விரைவில் கண்டறியப்படும் வரை பயனர்கள் இன்னும் அதிக கவனத்தோடு செயல்பட பரிந்துரைக்கப்படுகிறார்கள்.