பெரிய காத்திருப்புக்கு பிறகு கடந்த 21ம் தேதி ஐபோன்-5 ஸ்மார்ட்போன் வெளியிடப்பட்டது. ஆனால் இந்த ஸ்மார்ட்போன் இன்னும் இந்தியாவில் அறிமுகம் செய்யப்படவில்லை. இதற்கு முந்தைய வெர்ஷனான ஐபோன் 4-எஸ் ஸ்மார்ட்போன் நமது நாட்டில் வாடிக்கையாளர்கள் மத்தியில் சிறந்த வரவேற்பினை பெற்றது.
இதனால் ஐபோன்-5 ஸ்மார்ட்போனிற்கும் சிறந்த நமது நாட்டில் சிறந்த விற்பனையை கொடுக்கும் என்று எதிர்பார்க்கப்படுகிறது. ஆனால் இந்த ஐபோன்-5 ஸ்மார்ட்போன் நமது இந்திய சந்தையில் இன்னும் அதிகார பூர்வமாக அறிமுகம் செய்யப்படவில்லை.
இருப்பினும் இந்த புதிய ஐபோன்-5 ஸ்மார்ட்போன் நிறைய ஆன்லைன் வலைத்தளக்களில் ப்ரீ-ஆர்டரில் வழங்கப்பட்டு வருகிறது. அதிகார பூர்வமான அறிவிப்பு இன்றி ஐபோன்-5 ஸ்மார்ட்போனின் ஆரம்ப விலையே ரூ.75,000 இருக்கும் என்று கருதப்படுகிறது. இன்னும் வநாடுகளில் இந்த ஸ்மார்ட்போனின் விலை 1 லட்சத்தை எட்டும் என்றும் கூறப்படுகிறது.
ஆப்பிளின் அதிகார பூர்வமான அறிமுகமத்திற்கு பிறகு, இந்த ஐபோன்-5 ஸ்மார்ட்போனின் விலை, இப்போது ஆன்லைன் வலைத்தளங்களில் இருக்கும் விலையினை விடவும் குறைய வாய்ப்பிருக்ககிறது. இன்னும் சொல்ல போனால் ஐபோன் வாங்க வேண்டும் என்று அதிக எதிர்பார்ப்போடு காத்திருக்கும் வாடிக்கையாளர்கள், ஆப்பிளின் அதிகார பூர்வமான அறிவிப்பு வரை காத்திருப்பது சிறந்தது என்று கூறலாம்.
