இந்த வசதி பயன்படுத்தி இறுதி நேரத்தில் கூட காலி இடத்தை கிளிக் பண்ணி புக் செய்துகொள்ளலாம்.!

முன்பதிவு செய்த பயணிகளின் பட்டியல் வெளியிட்டபின் ரயில்களில் உள்ள காலி இடங்களைத் தெரிந்துகொள்வதற்கு டிடிஇ பின்னால் கால் கடுக்க செல்வது இன்று வரை தொடர்ந்து கொண்டிருக்கிறது.

| Updated: Friday, March 8, 2019, 10:35 [IST]

முன்பதிவு செய்த பயணிகளின் பட்டியல் வெளியிட்டபின் ரயில்களில் உள்ள காலி இடங்களைத் தெரிந்துகொள்வதற்கு டிடிஇ பின்னால் கால் கடுக்க செல்வது இன்று வரை தொடர்ந்து கொண்டிருக்கிறது. இந்த பழக்கத்தை மாற்றுவதற்காக இந்திய ரயில்வே துறை புதிய சேவை ஒன்றை நேற்று அறிமுகம் செய்துள்ளது.

ஆன்லைன் பயணிகளின் பட்டியல்

ரயில்களில் டிக்கெட் முன்பதிவு செய்தபின், பயணிகளின் இடங்களைப் பற்றிய முழு விபரங்களைப் பார்த்துக்கொள்வதற்காகப் பயணிகளின் பட்டியல் வெளியிடப்படும், இந்த பயணிகளின் பட்டியலை இனிமேல் ஆன்லைன் இல் பார்த்துக்கொள்ளும் அனுமதியை தற்பொழுது ரயில்வே துறை அறிமுகம் செய்துள்ளது.

சார்ட்ஸ் / வேகன்சிஸ்

ஐ.ஆர்.சி.டி.சி இன் அதிகாரப்பூர்வ வலைத்தளத்தில் சார்ட்ஸ் / வேகன்சிஸ் என்ற புதிய பிரிவு அறிமுகம் செய்யப்பட்டுள்ளது. இந்த முறையின்படி பயனர்கள் தாங்கள் பயணிக்கப் போகும் பெர்த்தின் விபரங்கள் மற்றும் முன்பதிவு செய்ய நினைக்கும் காலியாக உள்ள பெர்த்தின் விபரங்களையும் இனி எளிதில் தெரிந்துகொள்ள முடியும்.

காலி இடங்கள்

பயணிகளின் பட்டியல் தயார் செய்யப்பட்ட பிறகு, ரயிலில் உள்ள காலி இடங்களைப் பார்ப்பதற்காகவும் அதை எளிதில் புக் செய்துகொள்வதற்காகவும் இந்திய ரயில்வே துறை இந்த புதிய முறையை அறிமுகம் செய்துள்ளதாக இந்திய ரயில்வே துறை அமைச்சர் பியூஸ் கோயால் தெரிவித்துள்ளார்.

மொபைல் மூலம் புக் செய்துகொள்ளும் சேவை

மொபைல் மூலம் அல்லது லேப்டாப் மூலம் இந்த தளத்திற்குச் சென்றால், பயணிகளின் பட்டியலை ஆன்லைன் இல் உடனுக்குடன் பார்த்து, காலியாக உள்ள இடங்களைப் பயணிகள் புக் செய்துகொள்ளும் படி இந்த சேவை உருவாக்கப்பட்டுள்ளது.