செப்டம்பர் 13 தேதியை குறிச்சுவச்சுகோங்க.. ஆப்பிள் iPhone 15 அறிமுகம் உறுதி? என்ன எதிர்பார்க்கலாம்?

ஆப்பிள் (Apple) ரசிகர்களுக்கு உற்சாகமான செய்தி தற்போது வெளியாகியுள்ளது. ஆப்பிள் நிறுவனத்தின் புதிய மாடலான ஐபோன் 15 (iPhone 15) சீரிஸ் சாதனங்கள் வரும் செப்டம்பர் 13 (September 13) அன்று அறிமுகம் செய்யப்படும் என்று தகவல் வெளியாகியுள்ளது.

செப்டம்பர் 13 ஆம் தேதி ஆப்பிள் தனது மிகவும் எதிர்பார்க்கப்பட்ட ஐபோன் 15 தொடர் மாடல்களை வெளியிடும் என்று எதிர்பார்க்கப்படுகிறது. இந்த தகவல் ஆப்பிள் ரசிகர்களின் எதிர்பார்ப்பை இப்போது இன்னும் அதிகமாகியுள்ளது. 9to5Mac போன்ற நம்பகமான ஆதாரங்களின் படி, மொபைல் கேரியர்கள் தங்கள் ஊழியர்களுக்கு இந்த நாளில் விடுமுறை எடுக்க வேண்டாம் என்று அறிவுறுத்தியுள்ளன.

இது ஆப்பிள் நிறுவனத்தின் குறிப்பிடத்தக்க ஸ்மார்ட்போன் அறிவிப்பைக் குறிக்கிறது. வரவிருக்கும் நிகழ்வு மிகப்பெரியதாக இருக்கும் என்று அறிக்கை தெரிவிக்கிறது. மேலும் iPhone 15 வரிசை பற்றிய சிலிர்ப்பான செய்திகளை ரசிகர்கள் எதிர்பார்க்கலாம் என்றும் கூறப்பட்டுள்ளது. இந்த புதிய வரிசையில் வழக்கம்போல ஆப்பிள் நிறுவனம் 4 சாதனங்களை அறிமுகம் செய்யுமென்று கூறப்படுகிறது.

இந்த புதிய ஐபோன் 15 சீரிஸ் வரிசையில், ஐபோன் 15 (iPhone 15), ஐபோன் 15 பிளஸ் (iPhone 15 Plus), ஐபோன் 15 ப்ரோ (iPhone 15 Pro), ஐபோன் 15 ப்ரோ மேக்ஸ் (iPhone 15 Pro Max) ஆகிய மாடல்கள் இடம்பெறும் என்று கூறப்படுகிறது. ஆப்பிள் இந்த அறிவிப்பை வெளியிடும் என்பது இன்னும் உறுதிப்படுத்தப்படவில்லை.

இருப்பினும், ஆப்பிள் நிறுவனத்தின் வரலாற்று ரீதியாக பார்க்கையில், நிறுவனம் எப்போதும் அதன் புதிய ஐபோன்களை செப்டம்பர் மாதத்தில் வெளியிட்டுள்ளனர் என்பது குறிப்பிடத்தக்கது. இதுவும் பொதுவாக குபெர்டினோவில் உள்ள அவர்களின் தலைமையகத்திலிருந்து நடைபெறும் என்பது குறிப்பிடத்தக்கது. இதற்கு முன்பு பெரும்பாலான ஐபோன் நிகழ்வுகள் செவ்வாய்க் கிழமைகளில் நிகழ்ந்துள்ளன.

ஆனால் கடந்த ஆண்டு ஆப்பிள் இன் நிகழ்வானது புதன்கிழமையன்று நடப்பதன் மூலம் வழக்கத்திலிருந்து விலகிச் சென்றது. சுவாரஸ்யமாக, இந்த ஆண்டு செப்டம்பர் 13 புதன்கிழமையும் வருகிறது. ஆப்பிள் விநியோக சிக்கல்களை எதிர்கொண்டது, இது ஐபோன் விற்பனையில் தாமதத்திற்கு வழிவகுத்தது. கடந்த ஆண்டு, ஐபோன் 14 முன்கூட்டிய ஆர்டர்கள் செப்டம்பரில் தொடங்கியது.

ஆனால், விநியோக சவால்கள் காரணமாக அக்டோபர் வரை விற்பனை அதிகாரப்பூர்வமாக தொடங்கவில்லை. 2020 இல் ஐபோன் 12 இல் இதேபோன்ற சிக்கலை எதிர்கொண்டது. ஐபோன் 15-க்கு ஆப்பிள் மீண்டும் விநியோக சவால்களை எதிர்கொள்ளக்கூடும் என்று தகவல் அறிக்கைகள் குறிப்பிடுகின்றன. இது உற்பத்தி செயல்முறை சிக்கல்களால் கூறப்படுகிறது.

ஐபோன் 15 ப்ரோ அதன் வெளியீட்டின் போது குறிப்பிடத்தக்க பற்றாக்குறையை சந்திக்கும் என்பது குறிப்பிடத்தக்கது. இந்தக் கவலைகளை நிவர்த்தி செய்யும் வகையில், சப்ளை செயின் சீராகும் வரை குறைந்த அளவிலேயே ஃபோன்களை விற்பனை செய்ய ஆப்பிள் முதலில் முடிவு செய்துள்ளதாக கூறப்படுகிறது. அதனால், விருப்பமுள்ள வாடிக்கையாளர்கள் ஐபோன் 15 சாதனத்தை வாங்க விரும்பினால் முந்திக்கொள்வது சிறந்தது.

ஐபோன் 15 சீரிஸ் அறிமுகத்திற்கான உற்சாகம் இப்போதே ரசிகர்களுக்கு மத்தியில் அதிகரித்து வருகிறது. ஆப்பிள் ரசிகர்கள் செப்டம்பர் 13 நிகழ்வுக்கு ஆவலுடன் காத்திருக்கிறார்கள். தொழில்நுட்ப நிறுவனமான iPhone 15 தொடரில் என்ன ஆச்சரியங்கள் உள்ளன என்பதைப் பார்க்க மிகவும் ஆர்வமாக உள்ளது. ஐபோன் 15 இந்த வருடம் மிகவும் அதிகப்படியான விலையுடன் அறிமுகம் செய்யப்படும் என்றும் கூறப்படுகிறது. இந்த முறை வெளிவரும் ஐபோன் 15 சீரிஸ் மாடலில் யுஎஸ்பி டைப்-சி போர்ட் இடம்பெறும் என்றும் கூறப்பட்டுள்ளது.