ஐபாட் மினி 6 அம்சங்கள் குறித்து வெளியான தகவல்!

ஐபாட் மினி 6 அம்சங்கள்

ஐபாட் மினி 6 அம்சங்கள் இணையத்தில் கசிந்துள்ளது. இதுகுறித்த டிப்ஸ்டரின் அறிக்கையின்படி, அடுத்த ஜெனரேஷன் ஐபாட், மினி ஐபாட் ஏர் 4 உடன் பல ஒருமித்த அம்சங்களை பெற்றுள்ளது. ஐபாட் மினி 6 ஆப்பிள் பென்சில் 2 ஆதரவு மற்றும் ஏ 14 பயோனிக் சிப் ஆகிய அம்சங்களோடு வரும். கடந்தாண்டு நடைபெற்ற ஐபாட் மினி 5 வெளியீட்டு நிகழ்வில் ஆப்பிள் ஐபாட் மினி மேம்படுத்தப்பட்ட அம்சங்களோடு வரும் என தெரிவிக்கப்பட்டது.

டிப்ஸ்டர் வெளியிட்டுள்ள அறிக்கை

டுவிட்டரில் 0-0-0 என்ற எண்ணுடன் ஐபாட் 6 மினி அம்சங்களை டிப்ஸ்டர் வெளியிட்டுள்ளது. புதிய சலுகை சமீபத்திய வெளியான ஐபாட் ஏர் மற்றும் ஐபாட் ப்ரோ மாடல்களைப் போன்ற ஒரு பாக்ஸி டிசைனுடன் ஐபாட் 6 வரும் என தெரிவிக்கப்படுகிறது.

8.5 இன்ச் டிராப் ரெட்டினா டிஸ்ப்ளே

ஐபாட் மினி 6 8.5 இன்ச் டிராப் ரெட்டினா டிஸ்ப்ளே கொண்டிருக்கும் என்றும் 4 ஜிபி ரேம் கொண்ட ஏ 14 பயோனிக் சிப் மூலம் இயக்கப்படும் என்றும் டிப்ஸ்டர் தெரிவித்துள்ளது. ஐபாட் மினி 6 சாதனத்தில் இரண்டு பேட்டரிகள் மற்றும் யூ.எஸ்.பி டைப்-சி போர்ட் உள்ளது. அதேபோல் ஐபாட் 5 மாறுபாட்டில் இருந்து மாறுபட்டதாக இருக்கிறது. புதிய ஐபாட் மினி மாடல் ஆப்பிள் பென்சில் 2-வை ஆதரிக்கும் என்று கூறப்படுகிறது.

வெளியீட்டு தேதி குறித்த தகவல்

ஐபாட் மினி 6 வெளியீட்டு தேதி குறித்து டிப்ஸ்டர் எந்த தகவலையும் வெளியிடவில்லை. அதேபோல் ஆப்பிள் ஆய்வாளர் மிங்-சி குவோ., ஜூன் மாதம் வெளியிட்ட ஒரு தகவலில் 8.5 அங்குல ஐபாட் மினி 2021 நடுப்பகுதியில் தொடங்கப்படலாம் என தெரிவித்தார். அதேபோல் 20W பவர் அடாப்டருடன் இந்த சாதனம் வரும் என தெரிவிக்கப்படுகிறது.