ஆப்பிள் நிறுவனத்தை காப்பியடிக்கும் சீனாவின் சியோமி,!!

By Meganathan

Published: Tuesday, December 15, 2015, 12:10 [IST]

சீனா நாட்டினர் போலிக்கு பெயர் போனவர்கள் என்பது உலகம் அறிந்த ஒன்று தான். சிறிய கருவியில் துவங்கி, ஸ்மார்ட்போன், உணவு, வங்கி என நாம் கற்பனையில் நினைக்காதவற்றையும் போலியாக தயாரித்து விற்பனை செய்து வருகின்றனர்.

இது போன்ற போலி சந்தையில் இருந்து அறிமுகமாகி, கடந்த சில ஆண்டுகளாக ஸ்மார்ட்போன் சந்தையில் வேகமாக வளர்ந்து வரும் நிறுவனம் தான் சியோமி. சீனாவின் ஆப்பிள் நிறுவனம் என்ற பெருமையை பெற்றிருக்கும் இந்த நிறுவனத்தின் சில கருவிகள் அச்சு அசலாக ஆப்பிள் கருவிகளை போன்றே இருக்கின்றது.

சியோமி எம்ஐ4

மெட்டல் வடிவமைப்பு, ஸ்பீக்கர், ஆன்டெனா பொருத்தப்பட்டிருக்கும் முறை என பல்வேறு அம்சங்கள் சியோமி நிறுவனத்தின் எம்ஐ4 கருவியை ஐபோன் போன்று காட்டுகின்றது.

வார்த்தை

இதே போல் எம்ஐ4 கருவியின் வெளியீட்டு விழாவில் ஸ்டீவ் ஜாப்ஸ் அடிக்கடி பயன்படுத்தும் வார்த்தை மற்றும் அவர் சாயலில் உடையணிந்து வந்திருந்தார் சியோமி நிறுவனத்தின் தலைமை நிர்வாக அதிகாரியான ஹியுகோ பாரா.

எம்ஐ பேட்

பார்க்க ஐபேட் மினி போன்றே காட்சியளிக்கும் இந்த கருவி சியோமியின் எம்ஐ பேட் கருவியாம். இரண்டும் ஒரே மாதிரி காட்சியளிப்பதோடு, ஐஓஎஸ் 7 போன்றே காட்சியளிக்கும் வகையில் இண்டர்ஃபேஸ் வடிவமைக்கப்பட்டிருப்பதும் குறிப்பிடத்தக்கது.