டிக்டாக் வரப்போகுதுனு இன்ஸ்டாக்ராமின் ரீல்ஸ் அம்சத்தில் இனி 60 வினாடி ஷார்ட் வீடியோவா? பலே.!

சீனா பயன்பாடான டிக்டாக் நாட்டில் தடை செய்யப்பட்ட பின்னர், பல நாடுகளில் புதிய புதிய ஷார்ட் வீடியோ பிளாட்ஃபார்ம் தளங்கள் உருவாகின. அதேபோல், இன்ஸ்டாகிராம் நிறுவனம் கூட டிக்டாக் செயலிக்குப் போட்டியாக ரீல்ஸ் என்ற புதிய ஷார்ட் வீடியோ தளத்தால் தனது பயன்பாட்டில் அறிமுகம் செய்தது. இந்த அம்சத்தை இன்ஸ்டாகிராம் பயனர்கள் அதிகளவில் பயன்படுத்தத் துவங்கினர். இதன் காரணமாக ரீல்ஸ் அம்சத்தின் ஷார்ட் வீடியோ பதிவு நேரம் தற்பொழுது முன்பை விட அதிகமாக்கப்பட்டுள்ளது.

இதன்படி, சமீபத்தில் இன்ஸ்டாகிராம் நிறுவனம் வெளியிட்ட தகவலின் படி, ரீல்ஸ் அம்சத்தின் கால அளவு தற்பொழுது 60 நொடிகளாக அதிகரிக்கப்பட்டுள்ளது என்று தெரிவிக்கப்பட்டுள்ளது. ரீல்ஸ் அம்சத்தில் முந்தைய ஷார்ட் வீடியோ பதிவிற்கான கால அளவு வெறும் 30 நொடிகளாக இருந்தது, இதை தற்பொழுது நிறுவனம் மாற்றி அமைத்துள்ளது. ரீல்ஸ் அம்சத்தில் மேற்கொள்ளப்பட்டு இருக்கும் மாற்றம் இன்ஸ்டாகிராமின் அதிகாரப்பூர்வ டிவிட்டர் பக்கத்தில் பதிவிடப்பட்டு உள்ளது.

இது இன்ஸ்டாகிராமில் உள்ள ரீல்ஸ் பயனர்களைக் குஷி அடையச் செய்துள்ளது. இத்துடன் ஆடியோவை எழுத்துக்களாக மாற்றும் கேப்ஷன் ஸ்டிக்கர் அம்சமும் இன்ஸ்டாவில் புதிதாக சேர்க்கப்பட்டு இருக்கிறது. முன்னதாக இந்த கேப்ஷன் ஸ்டிக்கர் அம்சம் ஆங்கிலம் பயன்படுத்தப்படும் வெளிநாடுகளில் மட்டுமே வழங்கப்பட்டு வந்தது. ஆனால், தற்போது வெளியான சமீபத்திய அப்டேட்டின் படி, இந்த அம்சம் பயனர்களுக்கு வழங்கப்பட்டு வருகிறது.

இதேபோல், யூடியூப் ஷார்ட்ஸ் மற்றும் ஸ்னாப்சாட்டின் ஸ்பாட்லைட் 60 வினாடிகள் வரை வீடியோக்களை ஆதரிக்கின்றன. மே மாதத்தில், யூடியூப் ஷார்ட்ஸ் 2021 மற்றும் 2022 ஆம் ஆண்டுகளில் சிறந்த ஷார்ட்ஸ் படைப்பாளர்களிடையே விநியோகிக்க 100 மில்லியன் டாலர் படைப்பாளி நிதியை அறிமுகப்படுத்தியது. ஸ்னாப்சாட் ஸ்பாட்லைட் படைப்பாளர்களுக்கு ஒரு நாளைக்கு 1 மில்லியன் என்ற விதத்தில் நவம்பர் 2020 ஆம் ஆண்டின் இறுதி வரை அறிமுகப்படுத்தியது. பேஸ்புக் மற்றும் இன்ஸ்டாகிராம் டிஜிட்டல் படைப்பாளிகளில் முதலீடு செய்வதில் உறுதியாக உள்ளன.

இந்த அம்சத்தை அணுக, புதிய ரீலை உருவாக்கச் செல்லவும், பின்னர் மெனுவை வெளிப்படுத்தத் திரையின் இடது பக்கத்தில் உள்ள கீழ் பொத்தானை அழுத்தவும். 15-வினாடி, 30-வினாடி அல்லது 60-வினாடி ரீலை உருவாக்க விருப்பங்களில் மாறுவதற்கு "length" தட்டவும். எல்லா படைப்பாளிகளுக்கும் இன்னும் 60-வினாடி ரீல்ஸ்களுக்கான அணுகல் இல்லை, ஆனால் இது விரைவில் எல்லா பயனர்களுக்கும் கிடைக்கும் என்று நிறுவனம் கூறியுள்ளது.