பட்ஜெட் விலைக்கும் குறைவான விலையில் அறிமுகமான Infinix Hot 11 2022.. விலை என்ன தெரியுமா?

Published: Friday, April 15, 2022, 23:14 [IST]

இந்தியாவில் பட்ஜெட் சாதனங்களுக்காக பெரிதும் அறியப்பட்ட ஹாங்காங்கை தளமாகக் கொண்ட மொபைல் உற்பத்தியாளர் நிறுவனமான Infinix நிறுவனம், அதன் பிரபலமான இன்பினிக்ஸ் ஹாட் 11 (Infinix Hot 11) ஸ்மார்ட்போனின் 2022 பதிப்பை நாட்டில் அறிமுகப்படுத்தியுள்ளது. இந்த சாதனத்தின் இந்த ஆண்டு பதிப்பில் கொண்டுவரப்பட்ட புதுப்பிப்புகளில் பெரிய பேட்டரி, யுனிசாக் சிப்செட், புதிய வடிவமைப்பு மொழி மற்றும் போன்ற பல அம்சங்கள் இதில் அடங்கும். புதிதாக அறிமுகப்படுத்தப்பட்ட Infinix Hot 11 2022 இன் விவரக்குறிப்புகள் மற்றும் விலை விவரங்கள் கீழே குறிப்பிடப்பட்டுள்ளன.

Infinix Hot 11 2022 ஸ்மார்ட் போனின் விவரக்குறிப்புகள்

Infinix Hot 11 2022 ஸ்மார்ட் போன் ஆனது 6.67' இன்ச் அளவு கொண்ட முழு HD+ டிஸ்ப்ளேவுடன் 89.5% ஸ்கிரீன் டு பாடி ரேஷியோ, 550nits பிரகாசம் மற்றும் 114% sRGB வண்ண வரம்பு ஆகியவற்றைக் கொண்டுள்ளது. இந்த டிஸ்பிளே 90Hz புதுப்பிப்பு வீதம் எதிர்பார்க்கப்பட்டாலும், சாதனமானது நிலையான 60Hz புதுப்பிப்பு வீதத்தை மட்டுமே ஆதரிக்கிறது. இந்த புதிய சாதனம் மாலி G52 GPU உடன் இணைக்கப்பட்ட octa-core UniSoC T610 மூலம் இயக்கப்படுகிறது.

Infinix Hot 11 2022 ஸ்மார்ட் போன் ஸ்டோரேஜ்

இந்த புதிய சாதனம் Infinix Hot 11 2022 ஸ்மார்ட் போன் 4ஜிபி ரேம் மற்றும் 64ஜிபி உள் சேமிப்புடன் கூடிய ஸ்டோரேஜ் அம்சத்துடன் வருகிறது. இந்த சாதனம் மைக்ரோ எஸ்டி கார்டு ஸ்லாட் வழியாக விரிவாக்க கூடிய ஸ்டோரேஜ் ஆதரவையும் வழங்குகிறது. இந்த புதிய Infinix Hot 11 2022 ஸ்மார்ட் போனின் கேமரா அம்சம் பற்றி பார்க்கையில், இந்த புதிய சாதனமானது 13MP முதன்மை லென்ஸுடன் 2MP டெப்த் சென்சார் கொண்ட இரட்டை பின்புற கேமரா அமைப்புடன் வருகிறது. இது முன்புறத்தில் 8MP செல்ஃபி ஷூட்டர் கொண்டுள்ளது.

Infinix Hot 11 2022 ஸ்மார்ட் போனின் பேட்டரி

இந்த புதிய Infinix Hot 11 2022 ஸ்மார்ட் போன் நிலையான 10W சார்ஜிங் ஆதரவுடன் 5,000mAh பேட்டரி மூலம் சக்தி பெறுகிறது. Infinix Hot 11 2022 இன் வடிவமைப்பைக் கருத்தில் கொண்டால், அது உடலைச் சுற்றியுள்ள தட்டையான விளிம்புகளுடன் ஹாலோகிராபிக் வடிவமைப்புடன் வருகிறது. பின்புறத்தில் ஒரு மேஜிக் டிரெயில் வடிவமும் உள்ளது. ஸ்மார்ட்போனில் பாதுகாப்பு நோக்கங்களுக்காக பக்கவாட்டில் பொருத்தப்பட்ட கைரேகை ஸ்கேனர் உள்ளது. சாதனத்தின் மேற்புறத்தில் 3.5mm ஹெட்ஃபோன் ஜாக் வைக்கப்பட்டுள்ளது.

Infinix Hot 11 2022 ஸ்மார்ட் போனின் விலை என்ன தெரியுமா?

Infinix Hot 11 2022 ஸ்மார்ட் போன் இந்தியாவில் ஒற்றை வேரியண்ட் மாடலாக மட்டுமே அறிமுகம் செய்யப்பட்டுள்ளது. இந்த புதிய Infinix Hot 11 2022 ஸ்மார்ட் போன் 4GB ரேம் மற்றும் 64GB இன்டெர்னல் ஸ்டோரேஜ் உடன் வெறும் ரூ.8,999 என்ற விலையில் அறிமுகப்படுத்தப்பட்டுள்ளது. இந்த சாதனம் ஏப்ரல் 22 முதல் Flipkart இல் விற்பனைக்கு வரும். Infinix Hot 11 2022 அரோரா கிரீன், போலார் பிளாக் மற்றும் சன்செட் கோல்ட் வண்ண விருப்பங்களில் அறிமுகப்படுத்தப்பட்டது. பட்ஜெட் விலைக்கும் குறைந்த விலையில் புதிய ஸ்மார்ட்போன் வாங்க விரும்பும் வாடிக்கையாளர்கள் இந்த Infinix Hot 11 2022 மாடலை கருத்தில்கொள்ளலாம்.