மைக்ரோசாப்ட் சாம்பியன்ஷிப்: தரமான சாதனத்தை உருவாக்கி இந்திய மாணவர்கள் அசத்தல்.!

வாஷிங்டன் மாகாணத்தில்

கடந்த மே 6-ம் தேதி அமெரிக்காவின் வாஷிங்டன் மாகாணத்தில் இருக்கும் சியாட்டில் நகரில் இந்த இமேஜின் கோப்பை உலக சாம்பியன்ஷிப் நடைபெற்றது. இதில் இந்தியாவிலிருந்து பரீதாபாத் நகரில் உள்ள மனவ் ரச்னா ஆய்வு நிறுவனத்தை சேர்ந்த பதானா, வாசு கௌசிக், பாரத் ஆகிய மூன்று மாணவர்கள் கொண்ட குழு உருவாக்கிய Caeli என்ற கருவிக்கு இரண்டாவது பரிசு கிடைத்துள்ளது.

சிறப்பம்சம்

இந்த மாணவர்கள் உருவாக்கிய Caeli என்ற கருவியின் முக்கிய சிறப்பம்சம் என்னவென்றால் சுவாசிக்கும் காற்றை சுத்தமாக்கி சிரமம் இல்லாமல் மூச்சுவிட உதவுகிறது.

ஆஸ்துமா மற்றும் நாள்பட சுவாசக் கோளாறு

மேலும் இது ஆஸ்துமா மற்றும் நாள்பட சுவாசக் கோளாறு கொண்டவர்களுக்கு இந்த கருவி மிகவும் பயனுள்ளதாக இருக்கும் என மாவணவர்கள் சார்பில் தெரிவிக்கப்பட்டுள்ளது.

டெல்லி

குறிப்பாக தலைநகர் டெல்லி உட்பட வட இந்தியப் பகுதிகளில் வசிக்கும் மக்களுக்கு ஏற்படும் சுவாசப் பிரச்சனைக்கு இந்த கருவி சிறந்த தீர்வாக இருக்கும் என மாணவர்கள் நம்பிக்கை தெரிவித்துள்ளனர்.