சீனாவை ஓரே அடியாக பின்னுக்கு தள்ளி முதலிடம் பிடித்த இந்தியா.!

சீனா மக்கள் தொகை:

சீனாவில் மக்கள் தொகை 138.64 கோடியாக இருக்கின்றது. மேலும், அங்கு பொருளாதார நிலையிலும் இந்தியாவை விட சீனா வலிமையாக இருக்கின்றது. கல்வி மற்றும் தொழில்நுட்பம், வணிகம் , விண்வெளி என அனைத்து துறைகளிலும் முன்னிலையில் இருந்து வருகின்றது.

இந்திய மக்கள் தொகை:

இந்தியாவில் மக்கள் தொகை 132.92 கோடியாக இருக்கின்றது. மேலும், பொருளாரத்திலும் வேகமாக வளர்ந்து வருகின்றது. மேலும் கல்வி , தொழில்நுட்பம், வணிகம், விண்வெளி என அனைத்து துறைகளிலும் வளர்ந்த நாடுகளுடன் போட்டி போடும் வகையில் இருக்கின்றது.

இந்தியாவுக்கு குறிவைக்கும் பன்னாடுகள்:

இந்தியாவில் மக்கள் தொகை பெருக்கம் அதிகமாக இருந்தாலும், இங்கு வசிப்போர் அதிகமாக செல்போன் அழைபேசி உள்ளிட்டவை நீண்ட நேரம் பயன்படுத்தி வருகின்றனர். இதனால் இந்தியாவில் பன்னாட்டு செல்போன், தொலைபேசி நிறுவனங்களும் குறி வைத்து நுழைந்து விடுகின்றனர் .

120 கோடி செல்போன்கள்:

இந்தியாவில் 120 கோடி செல்போன்கள் உள்ளன. கடந்தாண்டில் மட்டும் இந்தியர்கள், ஆயிரத்து 200 கோடிமுறை செல்போன் செயலிகளை பதிவிறக்கம் செய்துள்ளனர், இந்தியாவில் 56 கோடி பேர் இணையத்தை பயன்படுத்துகின்றனர்.

டுவிட்டரில் பதிவு:

இணையள சேவை பயன்படுத்துவது தொடர்பாக நிதி ஆயோக் அமைப்பின் தலைமை செயல் அதிகாரி அமிதாப் காந்த் தனது ட்விட்டர் பக்கத்தில் பதிவு ஒன்றை போட்டுள்ளார்.

இந்தியர்கள் பயன்படுத்தும் டேட்டா:

சீனர்கள் ஒரு மாதத்துக்கு சராசரியாக 5.5 ஜி.பி. டேட்டாவை பயன்படுத்துகின்றனர். ஆனால், இந்தியர்கள் 8.3 ஜி.பி. டேட்டாவை பயன்படுத்துகின்றனர்.

வேகமான வளர்ச்சி:

"டிஜிட்டல் நுகர்வோராக இந்தியர்கள் மிகப்பெரிய மற்றும் வேகமான வளர்ச்சி அடைந்துள்ளதனர்" என்றும் நிதி ஆயோக் அமைப்பின் தலைமை செயல் அதிகாரி அமிதாப் காந்த் குறிப்பிட்டுள்ளார்.