பாகிஸ்தானை பழி தீர்த்த இந்தியர்கள்..!

சந்தேகம் :

ஹேக் செய்யப்பட்ட கேரள வலைதளத்தில் இந்திய கொடி தீப்பிடித்து எரிவது போன்ற ஒரு புகைப்படமும் பாகிஸ்தானை சார்ந்த சில ஸ்லோகன்களும் (Pro-Pakistan Slogans) எழுதப்பட்டுள்ளத்தால் இது பாகிஸ்தானின் செயலாக இருக்கலாம் என்று நம்பப்படுகிறது.

போர் நோக்கம் :

இதை போர் நோக்கத்தோடு செய்யப்பட்ட ஒரு செயலாக கருதுவதாக கேரளாவின் உள்த்துறை அமைச்சர் ரமேஷ் சென்னிதல (Ramesh Chennithala) தெரிவித்துள்ளதும் குறிப்பிடத்தக்கது.

பதிலடி :

இதற்கு தக்க பதிலடி கொடுக்கும் வகையில் இந்தியாவை சேர்ந்த சைபர் வாரியர்ஸ்கள், 200க்கும் மேற்பட்ட பாகிஸ்தான் வலைதளங்களை 'ஹேக்' செய்து பழி தீர்த்துள்ளனர்.

பெயர் :

பாகிஸ்தானுக்கு பதிலடி கொடுக்கும் இந்த ஹேக்கிங் வேலைக்கு, இந்திய ஹேக்கர்கள் #ஓப்பாக் (#OpPak) என்று பெயர் சூட்டி பாகிஸ்தானை நிலைகுலைய வைத்துள்ளனர்.

முடக்கம் :

பாகிஸ்தான் ஹேக்கர்கள், கேரள அரசு வலைதளத்தை 'ஹேக்' செய்த சில மணி நேரத்திலேயே இந்தியா ஹேக்கர்கள் பாகிஸ்தானின் முக்கிய வலைதளங்களை முடக்கினர் என்பது குறிப்பிடத்தக்கது.

பாக். பிரதமர் வலைதளம் :

ஹேக் செய்யப்பட்ட பாகிஸ்தான் வலைதளங்களில், பாகிஸ்தான் பிரதமரின் அதிகாரப்பூர்வ வலைதளமான pakistan.gov.pk வலைதளமும் அடங்கும் என்பது குறிப்பிடத்தக்கது..!

உடைப்பு :

மேலும் பாகிஸ்தான் முன்னேற்ற அமைப்பின் வலைதளமான culture.gov.pk மற்றும் பாகிஸ்தானின் e-government.gov.pk வலைதளம் ஆகியவைகளும் இந்திய ஹேக்கர்களால் உடைக்கப்பட்டது என்பதும் குறிப்பிடத்தக்கது.

பழி நடவடிக்கை :

இந்திய ஹேக்கர்கள் இதை பாகிஸ்தானுக்கு எதிராக பழிவாங்கும் ஒரு நடவடிக்கையாக நடத்தி உள்ளனர் என்கின்றன இந்தியாவில் உள்ள ஹேக்கிங் அமைப்புகள்.

ஹெல் ஷீல்டு ஹேக்கர்ஸ் :

"இந்திய அரசாங்கம் எதுவும் செய்யாது. நாங்கள் செய்வோம். எந்த லாபத்தையும் எதிர்பாராது இந்தியாவை பாதுகாக்க நாங்கள் இருக்கிறோம்..!" என்று கூறி உள்ளது 'ஹெல் ஷீல்டு ஹேக்கர்ஸ்' (Hell Shield Hackers) அமைப்பு.

ஆஃப்லைன் :

மேலும் 'ஹெல் ஷீல்டு ஹேக்கர்ஸ்' அமைப்பு "பாகிஸ்தான் எங்கள் நாட்டு வலைதளத்தை ஹேக் செய்தனர், பதிலுக்கு நாங்கள் அவர்களை ஆஃப்லைனுக்கு (Offline) துரத்தினோம் என்றும் கூறியுள்ளது.

பதிவு :

இந்திய ஹேக்கர்கள் தாங்கள் ஹேக் செய்த பாகிஸ்தான் வலைதளங்களின் பட்டியலை பேஸ்ட்பின்.காம் (pastebin.com) என்ற வலைதளத்தில் பதிவு செய்து கொண்டே இருக்கின்றனர் என்பதும் குறிப்பிடத்தக்கது.

எச்சரிக்கை :

ஹேக்டிவிஸ்ட்ஸ் (hacktivists) என்ற அமைப்பு ஆகஸ்ட் 15, 2015-க்கு பிறகு இந்திய ஹேக்கர்கள் ஒரு பாகிஸ்தான் வலைதளத்தை கூட ஹேக் செய்யவில்லை என்று கோரியுள்ளது.

குற்றம் :

இருந்த போதும் பாகிஸ்தானின் ஃபாஸல் அஃப்ஸல் (Faisal Afzal) கேரள அரசு வலைதளத்தை 'ஹேக்' செய்துவிட்டது என்றும் குற்றம் சாட்டியுள்ளது ஹேக்டிவிஸ்ட்ஸ் அமைப்பு.

நசுக்கி விடுவோம் :

மேலும் அந்த அமைப்பானது "நாங்கள் ஒன்றும் இங்கே தூங்கிக் கொண்டிருக்கவில்லை, நீங்கள் ஏதேனும் இந்திய வலைதளத்தை சீண்டினால், நாங்கள் உங்களை நசுக்கி விடுவோம்..!" என்றும் எச்சரிததுள்ளது.

வல்லுநர் கருத்து :

"கடந்த 2010-ஆம் ஆண்டில் இருந்தே இரு நாடுகளுக்கு இடையேவும் இந்த ஹேக் யுத்தம் நடக்கிறது. இது ஒரு தேசப்பற்று போல் ஆகிவிட்டது" என்று கருத்து தெரிவித்துள்ளார் சைபர் குற்ற வல்லுநரான பேனில்ட் ஜோசப் (Benild Joseph).

நடிகர் மோகன் லால் :

மலையாள நடிகர் மோகன் லாலின் அதிகாரப்பூர்வ வலைதளம் என கடந்த ஆண்டு அக்டோபர் இறுதியில் இதே போன்றொரு சைபர் யுத்தத்தில் இரு நாட்டு ஹேக்கர்களும் ஈடுப்பட்டனர் என்பது குறிப்பிடத்தக்கது.

அதிக பாதிப்பு :

அந்த ஹேக்கிங் யுத்தத்தில் பாகிஸ்தான் வாங்கிய அடியை விட தற்போது தான், பாகிஸ்தானின் முக்கிய அரசு வலைதளங்கள், பொது சேவை வலைதளங்கள் ஹேக் செய்யப்பட்டு அதிகம் நிலை குலைந்து போனது என்பதும் குறிப்பிடத்தக்கது.

பாதிக்கும் :

பாகிஸ்தானுக்கு எதிரான இது போன்ற பதிலடிகள், பாகிஸ்தானை அடிப்படையாக கொண்ட ஹேக்கர்களை அமைதி இழக்க வைக்கும் என்றும் வல்லுநர்கள் எச்சரித்து உள்ளனர்.

பலவீனம் :

மேலும் ஐடி துறையில் இந்தியா டாப் 10 இடங்களுக்குள் இருக்கும் அதே நேரத்தில், இந்தியாவின் பாதுகாப்பு பலவீனமாகத்தான் இருக்கிறது என்பதையும் வல்லுநர்கள் நினைவுப்படுத்த விரும்புகின்றனர் என்றும் கருத்து தெரிவித்துள்ளார் பேனில்ட் ஜோசப்.

தமிழ் கிஸ்பாட் :

மேலும் இதுபோன்ற தொழில்நுட்ப செய்திகளை உடனுக்குடன் பெற - தமிழ் கிஸ்பாட் ஃபேஸ்புக் பக்கம் மற்றும் தமிழ் கிஸ்பாட் வலைதளம்..!