சிலர் மட்டுமே அறிந்த உண்மை.. ஸ்மார்ட் ரிங்-கை எப்படி பார்த்து வாங்குணும் தெரியுமா?

ஸ்மார்ட் சாதனங்களின் பயன்பாடு பெருகிவிட்டது. ஸ்மார்ட் கேட்ஜெட்கள் தான் இப்போது டிரெண்ட்டில் உள்ளது. ஸ்மார்ட் கேட்ஜெட் வரிசையில் புதிதாக ஸ்மார்ட் ரிங் (Smart Ring) என்ற சாதனம் சேர்க்கப்பட்டுள்ளது. இது தான் அடுத்த டிரெண்டிங் சாதனமாக மாறப்போகிறது.

இந்தியாவில் போட் (BoAt) மற்றும் நாய்ஸ் (Noise) உள்ளிட்ட பிராண்டுகள் இப்போது ஸ்மார்ட் ரிங்க்-கை அறிமுகம் செய்துள்ளது. இந்த ஸ்மார்ட் மோதிரங்கள் வழக்கமான நார்மல் வளையத்திலிருந்து வேறுபடுகின்றன. இது ஒரு குட்டி ஸ்மார்ட்வாட்ச் போல உங்கள் தூக்கம், இதயத் துடிப்பு, பிற அசைவுகள் மற்றும் ஆரோக்கிய விபரங்களை கண்காணிக்க உதவுகின்றன.

ஸ்மார்ட்வாட்ச் (Smartwatch) சாதனம் பற்றி நாம் அனைவருக்குமே விபரங்கள் தெரியும். ஸ்மார்ட் ரிங் பற்றி பெரும்பாலானோருக்கு விபரங்களே தெரியவில்லை. உண்மையை சொல்ல போனால் இது என்ன செய்யுமென்ற ஐடியாவே நம்மில் பலருக்கு தெரியவில்லை. சரி, இப்போது நீங்களும் ஒரு ஸ்மார்ட் ரிங் சாதனத்தை வாங்க விரும்பினால், நீங்கள் தெரிந்து கொள்ள வேண்டிய சில விஷயங்களை பற்றி இப்போது நாம் பார்க்கலாம்.

அளவு (Size)
உங்களுக்கு நன்றாகப் பொருந்துவதற்கு மோதிரங்கள் உங்கள் விரலின் அளவிலேயே இருக்க வேண்டும். மிகவும் தளர்வாக இருந்தால், உங்கள் விரலில் இருந்து ஒரு ஸ்மார்ட் மோதிரம் விழுக்கூடிய வாய்ப்பு அதிகம். மிகவும் இறுக்கமாக மோதிரம் அணியக்கூடாது. மோதிரம் சரியான அளவில் இருக்க வேண்டும். இது ஒரு ஸ்மார்ட் ரிங் என்பதனால், மோதிரத்தின் அளவு மற்றும் பொருத்தம் பல்வேறு ஆரோக்கிய அளவீடுகளின் துல்லியத்தையும் பாதிக்கும் என்பதை மனதில் வைத்துக்கொள்ளுங்கள்.

நாய்ஸ் (Noise) நிறுவனத்தின் விஷயத்தில், அதன் லூனா ரிங் (Luna Ring) சாதனத்தை நீங்கள் ஆர்டர் செய்தவுடன், ஒரு அளவு கிட் உங்களுக்கு அனுப்பப்படும் என்று நிறுவனம் கூறுகிறது. இந்த அளவீட்டு கருவியின் அடிப்படையில், உங்கள் சரியான பொருத்தத்தை நீங்கள் தேர்ந்தெடுக்கலாம் என்று நாய்ஸ் நிறுவனம் கூறியுள்ளது.

தரம் (Quality)
நீங்கள் அணியும் ஸ்மார்ட் ரிங், உங்கள் நாள் முழுவதும் பல மேற்பரப்புகளுடன் இயங்கும். அத்தகைய சூழல்களைத் தாங்குவதற்கு, அதற்கு வலுவான உருவாக்கத் தரம் தேவை. ஒரு மென்மையான மோதிரம் லேசான தாக்கங்களுக்குப் பிறகு எளிதில் உடைந்துவிடும். ரிங் இன் உட்புற பொருள், உங்கள் விறல் தோலுக்கு ஏற்றதாக இருக்க வேண்டும். அதனால் உங்களுக்கு எந்த எரிச்சலையும் ஒவ்வாமையையும் ஏற்படுத்த பொருளாக இருக்க வேண்டும்.

வாட்டர் ரெசிஸ்டன்ஸ் (Water resistance)
இந்த புள்ளியை உருவாக்க தரத்தின் கீழ் சேர்த்திருக்கலாம் என்றாலும், இது தனித்தனியாக முன்னிலைப்படுத்தப்பட காரணம் இருக்கிறது. ஏனெனில், இது ஸ்மார்ட் ரிங்கில் இருக்க வேண்டிய மிக முக்கியமான அம்சங்களில் ஒன்றாகும். ஸ்மார்ட் ரிங் கண்டிப்பாக வாட்டர் ரெசிஸ்டன்ஸ் கொண்டதாக இருக்க வேண்டும். ஒரு நாளைக்கு பல முறை அதை அணிந்து கைகளை நீங்கள் கழுவ வேண்தியா சூழ்நிலை உருவாகும்.

பேட்டரி ஆயுள்
ஸ்மார்ட் ரிங்கின் பேட்டரி ஆயுள் நீண்டதாக இருக்க வேண்டும், ஏனெனில் ஓரிரு நாட்களில் அதை சார்ஜ் செய்வது தொந்தரவாகிவிடும். குறைந்தபட்சம் ஒரு வாரம் முழுவதும் பேட்டரி ஆயுள் நீடித்திருக்க வேண்டும். எனவே ஒவ்வொரு நாளும் அதை சார்ஜ் செய்வதை நீங்கள் நினைவில் கொள்ள வேண்டியதில்லை.

துல்லியம் & நுண்ணறிவு
உங்கள் ஆரோக்கியத்தைப் பற்றிய நுண்ணறிவுக்காக நீங்கள் ஸ்மார்ட் மோதிரத்தை வாங்குகிறீர்கள் என்றால், மோதிரம் நீங்கள் எதிர்பார்க்கும் அளவீடுகளைத் துல்லியமாக அளவிட வேண்டும். அல்காரிதம்கள் எந்த தாமதமும் அல்லது பிற சிக்கல்களும் இல்லாமல் உங்கள் ஆரோக்கிய அளவீடுகளைத் தீர்மானிக்கும் அளவுக்கு ஸ்மார்ட்டாக இருக்க வேண்டும்.

பயன்பாட்டு ஆதரவு
கடைசியாக, ஸ்மார்ட் ரிங் பயன்பாட்டின் இணக்கத்தன்மை மிகவும் முக்கியமானது. காரணம், ஸ்மார்ட் ரிங்கில் அதன் அளவீடுகளின் முடிவுகளை உங்களுக்குக் காண்பிக்கும் டிஸ்பிளே இல்லை. எனவே அனைத்தும் பயன்பாட்டைச் சார்ந்துள்ளது. உங்கள் ஸ்மார்ட்போன் இயங்கும் மற்றும் ரிங் இணைக்கப்படும் Android மற்றும் iOS போன்ற OS உடன் ஆப்ஸ் இணக்கமாக இருக்க வேண்டும். இந்த அணைத்து விஷயங்களையும் நீங்கள் கவனித்த பிறகு, உங்களுக்கு பொருத்தமான ஸ்மார்ட் ரிங் டிவைஸை வாங்கலாம்.