ஹூவாய் நோவா ஒய் 60 மலிவு விலையில் அறிமுகம்.. இந்தியாவில் எப்போது அறிமுகம்?

Huawei Nova Y60 ஸ்மார்ட்போன் அறிமுகம்

ஹூவாய் அதிகாரப்பூர்வ இணையதளம் வழியாக வாங்குவதற்குக் கிடைக்கும் தகவல்கள் மற்றும் முக்கிய சிறப்பம்ச தகவல்களைப் நாம் இப்போது பார்க்கப்போகிறோம். Huawei Nova Y60 சாதனம் HD பிளஸ் டிஸ்பிளேவுடன், மூன்று பின்புற கேமரா அமைப்பையும் கொண்டுள்ளது. இது மீடியாடெக் ஹீலியோ P35 சிப்செட் உடன் வருகிறது. இது 5,000mAh பேட்டரியுடன் வருகிறது.

ஹூவாய் நோவா ஒய் 60 டிஸ்பிளே அம்சம்

ஹூவாய் நோவா ஒய் 60 ஒரு வாட்டர் டிராப் நாட்ச் வடிவமைப்பைக் கொண்டுள்ளது. பின்புறத்தில், ஒரு சதுர வடிவ மூன்று கேமரா அமைப்பை கொண்டுள்ளது. இந்த ஹூவாய் நோவா ஒய் 60 ஸ்மார்ட்போன் HD பிளஸ் உடன் 720 x 1600 பிக்சல்கள் தீர்மானம் கொண்ட 6.6 இன்ச் LCD திரையைக் கொண்டுள்ளது. பரிமாண வாரியாக, இது 165.26x76.02x9.2 மிமீ மற்றும் 185 கிராம் எடையைக் கொண்டுள்ளது. இது க்ரஷ் கிரீன் மற்றும் கருப்பு வண்ண விருப்பங்களில் வெளிவரும் என்று எதிர்பார்க்கப்படுகிறது.

ஹூவாய் நோவா ஒய் 60 கேமரா அம்சம்

ஹூவாய் நோவா ஒய் 60 ஆனது 13 எம்பி பிரதான கேமராவை கொண்டுள்ளது.
13 எம்பி (எஃப்/1.8) முதன்மை சென்சார், 5 எம்பி (எஃப்/2.2) அல்ட்ரா-வைட் லென்ஸ் மற்றும் 2 எம்பி (எஃப்/2.4) ஆழம் கொண்ட ஸ்னாப்பர் கொண்ட மூன்று பின்புற கேமரா அமைப்பைக் கொண்டுள்ளது. செல்ஃபி மற்றும் வீடியோ அழைப்புக்கு, 8MP (f/2.0) முன்பக்க கேமரா உள்ளது.

மீடியாடெக் ஹீலியோ பி 35 சிப்செட் உடன் சக்தி பெரும் Huawei Nova Y60

ஹூவாய் நோவா ஒய் 60 மீடியாடெக் ஹீலியோ பி 35 சிப்செட் மூலம் இயக்கப்படுகிறது. இதில் 4 ஜிபி ரேம் மற்றும் 64 ஜிபி ஸ்டோரேஜ் உள்ளது. இத்துடன் இதில் உங்களுக்கு ஸ்டோரேஜ்ஜை விரிவாக்கக்கூடிய சேமிப்பும் உள்ளது.
ஹூட்டின் கீழ், இது ஆண்ட்ராய்டு 11 அடிப்படையிலான EMUI 11.0.1 இல் இயங்குகிறது. இது மிக பெரிய சக்தி கொண்ட 5,000 mAh பேட்டரியை பேக் செய்கிறது. இது ஹிஸ்டன் 6.1 ஆடியோ தொழில்நுட்பத்தையும் வழங்குகிறது. சாதனம் வைஃபை, ப்ளூடூத் 5.1, ஜிபிஎஸ், ஹெட்போன் ஜாக் மற்றும் டைப்-சி போர்ட் ஆகியவற்றுக்கான ஆதரவை வழங்குகிறது.

ஹவாய் நோவா ஒய் 60 விலை மற்றும் கிடைக்கும் தன்மை

Huawei Nova Y60 அதன் தனி 4 ஜிபி மற்றும் 64 ஜிபி மாடலுக்கு ZAR 3,099 விலையில் அறிமுகம் செய்யப்பட்டுள்ளது.
இந்திய மதிப்பின் படி இந்த சாதனம் தோராயமாக ரூ. 15,350 விலை நிர்ணயிக்கப்பட்டுள்ளது. ஹுவாய் தென்னாப்பிரிக்கா வலைத்தளம் வழியாக இந்த கைபேசி கையகப்படுத்தப்படுகிறது. இந்தியாவிலோ அல்லது பிற சந்தைகளிலோ அதன் கிடைக்கும் தன்மை பற்றிய விவரங்கள் இப்போது வெளியாகவில்லை. ஆனால், கண்டிப்பாக நாம் காத்திருக்க வேண்டும்.