உங்க வீட்டில் WiFi சிக்னல் வேகமாக இல்லையா? அப்போ இந்த டிப்ஸை யூஸ் பண்ணுங்க.. ஃபுல் ஸ்பீட் வேகம் நிச்சயம்..

இந்த டிஜிட்டல் யுகத்தில், குறிப்பாக இந்தியாவில், உங்கள் வீட்டு வைஃபை நெட்வொர்க் சிறப்பாக இயங்குகிறது என்பதை உறுதிப்படுத்துவது ஸ்ட்ரீமிங், கேமிங் மற்றும் வீட்டிலிருந்து வேலை செய்வது போன்ற செயல்பாடுகளுக்கு மிகவும் முக்கியமானது. உங்கள் ரவுட்டரின் செயல்திறனை அதிகரிக்க, கீழே குறிப்பிட்டுள்ள சில செட்டிங் மாற்றங்களை செய்வதன் மூலம், உங்கள் வைஃபை வேகத்தை ராக்கெட் வேகத்திற்கு மேம்படுத்த முடியும். இதை எப்படி செய்வதென்ற மிக துல்லியமான செயல்முறை விளக்கத்தை தான் இந்த பதிவில் பார்க்க போகிறோம்.

உங்கள் வைப்பை வேகத்தை அதிகரிப்பதற்கு முன்பு, ஏன் உங்கள் வைப்பைமெதுவாக இயங்குகிறது என்பதை நீங்கள் அறிந்துகொள்ள வேண்டும். உங்கள் வைஃபை வேகம் (WiFi speed) குறைவதற்கு முக்கிய காரணமே, ஒரு வைபஃபை ரௌட்டர் சாதனத்தில் (WiFi router device) பல டிவைஸ்கள் இணைந்திருப்பது தான் முக்கிய காரணமாக கருதப்படுகிறது என்பதை முதலில் அறிந்துகொள்ளுங்கள்.

உங்க வீட்டில் WiFi சிக்னல் வேகமாக இல்லையா? அப்போ இந்த டிப்ஸை யூஸ் பண்ணுங்க:

உங்கள் வைஃபை வேகத்தை எப்படி அதிகரிப்பது? (How to increase your Wi-Fi speed) என்று தெரிவில்லையா? நல்ல இன்டர்நெட் வேகம் (internet speed) இருந்த போதிலும், உங்கள் வைஃபை கனெக்ஷன் (Wi-Fi connection) மந்தமாக இருப்பதற்கு அதிக எண்ணிக்கையிலான டிவைஸ்கள் ஒரே ரௌட்டர் அல்லது மோடம் (modem) உடன் இணைக்கப்பட்டிருப்பதே காரணமாகிறது. இணைக்கப்பட்டிருக்கும் டிவைஸ்களை நம்மால் குறைக்க முடியாது. இதை எப்படி கையாள்வதென்று பார்க்கலாம்.

உங்கள் வைஃபை அமைப்பை மேம்படுத்துவதில் ஒரு முக்கியமான படி உங்கள் ரவுட்டரின் ஃபர்ம்வேரை தொடர்ந்து புதுப்பிப்பதாகும். இந்த புதுப்பிப்புகள் பெரும்பாலும் பிழைகளுக்கான தீர்வுகள், செக்யூரிட்டி பேட்ச் மற்றும் உங்கள் ரவுட்டரின் செயல்திறன் மற்றும் பாதுகாப்பைப் பராமரிக்கத் தேவையான மேம்பாடுகளை உள்ளடக்கியிருக்கும். உங்கள் நெட்வொர்க் பாதுகாப்பாகவும் திறமையாகவும் இருப்பதை உறுதிப்படுத்த இந்த புதுப்பிப்புகளைப் பற்றி தெரிந்துகொள்வது முக்கியம்.

மற்றொரு முக்கியமான விஷயம், உங்கள் வைஃபை சேவை தரம் (QoS) அம்சத்தை உள்ளடக்கியது. பல ஆன்லைன் பயனர்கள் உள்ள வீட்டில் இந்த கருவி மதிப்புமிக்கது, ஏனெனில் இது சில பயன்பாடுகள் அல்லது சாதனங்களுக்கு பேண்ட்விட்த்தை முன்னுரிமைப்படுத்த உங்களை அனுமதிக்கிறது. உதாரணமாக, இது முக்கியமான வீடியோ அழைப்புகள் ஆன்லைன் கேமிங் போன்ற செயல்பாடுகளை விட தேவையான பேண்ட்விட்த்தைப் பெறுகின்றன என்பதை உறுதிப்படுத்துகிறது, முன்னுரிமை பணிகளுக்கு மென்மையான, தடைபடாத சேவையை உறுதிப்படுத்துகிறது.

1. TP-Link ரௌட்டரில் எப்படி QoS செட்டிங்கை மாற்றுவது?
- உங்கள் ரௌட்டர் சாதனத்தை கம்ப்யூட்டர் உடன் இணைக்கவும்.
- உங்கள் கம்ப்யூட்டர் (Computer) அல்லது லேப்டாப் (Laptop) இல் பிரௌசர் ஓபன் செய்யவும்.
- பின், tplinkwifi.net என்ற பக்கத்தை ஓபன் செய்யவும்.
- அட்வான்ஸ்டு செட்டிங்ஸ் (Advanced settings) சென்று QoS விருப்பத்தை ஓபன் செய்யவும்.
- டிவைஸ் (device priority) சென்று உங்கள் இணையத்திற்கான மொத்த அலைவரிசையை அமைக்கவும்.
- அமைத்த செட்டிங்கை Save செய்யவும்.
- மீண்டும் அட்வான்ஸ் செட்டிங்ஸ் சென்று QoS கீழ் அப்பிளிக்கேஷன்பிரேயாரிட்டி (application priority) கிளிக் செய்யவும்.
- இப்போது சரியான பேண்ட்வித் (bandwidth) தேர்வு செய்து சேவ் செய்யவும்.

2. Netgear ரௌட்டரில் எப்படி QoS செட்டிங்கை மாற்றுவது?
- நெட்கியர் (Netgear) ரௌட்டர் சாதனத்தை உங்கள் லேப்டாப் அல்லது கம்ப்யூட்டர் உடன் இணைக்கவும்.
- பிறகு பிரௌசர் சென்று routerlogin.com இல் லாகின் செய்யவும்.
- Advanced >> QoS Setup >> QoS rule விற்பதை கிளிக் செய்யவும்.
- இப்போது, Add Priority Rule என்ற விருப்பத்தை தேர்வு செய்யவும்.
- Degree of priority அம்சத்தின் கீழ் கேமிங் அல்லது ஆப்ஸ் போன்ற வகையைத் தேர்ந்தெடுத்து சேவ் செய்யவும். - இறுதியாக Apply கிளிக் செய்யவும்.

இந்த எளிமையான செட்டிங்க்ஸை மாற்றி, உங்கள் வைஃபை வேகத்தையும், அதன் பெர்ஃபார்மென்ஸ் திறனையும் மேம்படுத்த முயற்சி செய்து பாருங்கள். இந்த சிறிய செட்டிங்ஸ் மாற்றத்திற்கு பிறகு உங்கள் வைஃபை வேகத்தில் ஸ்பீட் உயர்வதை உங்களால் கட்டாயம் கவனிக்க முடியும்.