Nothing Phone 1 முன்பதிவு ஆரம்பம்: ப்ரீ-ஆர்டர் பாஸ் வாங்குவது எப்படி? என்ன விலை?

'பாஸ்' கிடைத்தால் 'ஸ்லாட்' கிடைக்கும்!

நத்திங் நிறுவனம் அதன் நத்திங் போன் 1 ஸ்மார்ட்போனிற்கான இன்வைட்-ஒன்லி ப்ரீ-ஆர்டருக்கான பப்ளிக் வெயிட்லிஸ்ட்-ஐ திறந்துள்ளது.

இதன் கீழ், நத்திங் நிறுவனத்தின் பிரத்யேக ப்ரீ-ஆர்டர் பாஸை பெறும் வாடிக்கையாளர்கள், அடுத்த மாதம் நத்திங் போன் 1 அதிகாரப்பூர்வமாக அறிமுகப்படுத்தப்பட்ட சிறிது நேரத்திலேயே அதை வாங்குவதற்கான 'ஸ்லாட்டை' பெற முடியும்.

ப்ரீ-ஆர்டர் பாஸின் விலை என்ன? எப்படி வாங்குவது?

நத்திங் போன் 1-க்கான ப்ரீ- ஆர்டர் பாஸ் ரூ.2000 என்கிற "திரும்பப்பெறத்தக்க வைப்புத்தொகை"யின் (refundable deposit) கீழ் வாங்க கிடைக்கிறது.

இந்தியாவில் உள்ள வாடிக்கையாளர்கள், நத்திங் போன் 1 ஸ்மார்ட்போனை வாங்குவதற்கான ஒரு ஸ்லாட்-ஐ பெற விரும்பினால், அதற்காக ப்ரீ-ஆர்டர் பாஸ்-ஐ பிரபல இ-காமர்ஸ் வலைத்தளமான பிளிப்கார்ட் வழியாக வாங்கலாம்.

நத்திங் வெப்சைட் வழியாகவும் ப்ரீ-ஆர்டர் பாஸ்-ஐ பெறலாம்!

நத்திங்கின் ப்ரைவேட் கம்யூனிட்டி மெம்பர்கள் ப்ரீ-ஆர்டர் பாஸிற்கான இன்விடேஷன் கோட்-ஐ இன்று முதல் பெறுவார்கள் என்பது ஒருபக்கம் இருக்க, நத்திங் போன் 1-ஐ வாங்க ஆர்வமுள்ள மற்ற வாடிக்கையாளர்கள் தங்கள் மின்னஞ்சல் முகவரியை கொண்டு, நிறுவனத்தின் அதிகாரப்பூர்வ இணையதளத்தில் பதிவு செய்து காத்திருப்பு பட்டியலில் (Waitlst) சேரலாம்.

அதை தொடர்ந்து நத்திங் பிராண்ட், மின்னஞ்சல் வழியாக ப்ரீ-ஆர்டர் பாஸிற்கான இன்விடேஷன் கோட்-ஐ அனுப்பும். இதுதவிர்த்து ரூ.2000 என்கிற தொகையை செலுத்தி Flipkart வழியாகவும் ஒரு ப்ரீ-ஆர்டர் பாஸை நீங்கள் பெறலாம், இதெல்லாம் ஜூன் 30 ஆம் தேதிக்கு முன்பே செய்ய வேண்டும் என்பதும் இங்கே குறிப்பிடத்தக்கது.

ப்ரீ-ஆர்டர் செய்பவர்களுக்கு கூடுதல் சலுகைகள் கிடைக்குமா?

கண்டிப்பாக! ரூ.2000 என்கிற திரும்பப்பெறத்தக்க வைப்புத்தொகையை செலுத்துவதன் மூலம், வாடிக்கையாளர்கள் நத்திங் ஃபோன் 1 மாடலின் 'ஆக்சஸெரீ' மீதான சலுகையை பெறுவார்கள். மேலும் சில ப்ரீ-ஆர்டர் சலுகைகளையும் பெறலாம்.

உடன் நத்திங் போன் 1-ஐ வாங்குவதற்கான வெயிட் லிஸ்டில் உள்ளவர்கள் தங்கள் ஸ்டேட்டஸ்-ஐ பார்க்க முடியும் மற்றும் வரிசையில் மேலே செல்ல மற்றவர்களைப் பரிந்துரைக்கவும் முடியும்.

போனை வாங்கும் போது ஏற்கனவே செலுத்திய ரூ.2000 கழிக்கப்படுமா?

ஆம்! ப்ரீ-ஆர்டர் பாஸை பெற்ற வாடிக்கையாளர்கள், ஜூலை 12 ஆம் தேதி (இந்திய நேரப்படி) இரவு 9 மணிக்கு நத்திங் போன் 1-ஐ வாங்குவதற்கான ஸ்லாட்-ஐ பெறுவார்கள். அந்த நேரத்தில், பாஸிற்காக நீங்கள் செலவழித்த ரூ.2,000 என்கிற வைப்புத்தொகை ஸ்மார்ட்போனின் இறுதி விலையில் இருந்து கழிக்கப்படும்.

இதெல்லாம் ஒருபக்கம் நத்திங் நிறுவனம் இந்த ஸ்மார்ட்போனின் விலையை நிறுவனம் இன்னும் வெளியிடவில்லை என்பதும் இங்கே குறிப்பிடத்தக்கது.

நத்திங் போன் 1-இல் என்னென்ன எதிர்பார்க்கலாம்?

சமீபத்தில் வெளியான ஒரு வீடியோவில், நத்திங் போன் 1 ஸ்மார்ட்போனின் வடிவமைப்பு வெளிப்டுத்தப்பட்டது மற்றும் அது மறுசுழற்சி செய்யப்பட்ட அலுமினியப் பொருட்களால் ஆனது என்பதும் உறுதிப்படுத்தப்பட்டது.

அம்சங்களை பொறுத்தவரை, இது ஆண்ட்ராய்டு அடிப்படையிலான Nothing OS கொண்டு இயங்கும் என்பது உறுதிசெய்யப்பட்டுள்ளது.

லீக்ஸ் தகவல்களை பொறுத்தவரை, நத்திங் போன் 1 ஆனது ஸ்னாப்டிராகன் 778G+ எஸ்ஓசி உடனாக 8ஜிபி ரேம் மற்றும் 128ஜிபி ஆன்போர்டு ஸ்டோரேஜை பேக் செய்யலாம்.

மேலும் இதன் கேமரா செட்டப்பில் ஆப்டிகல் இமேஜ் ஸ்டெபிலைசேஷன் (Optical image stabilisation - OIS) இடம்பெறலாம் என்றும், இது டூயல் ரியர் கேமராக்களை கொண்டிருக்கும் என்றும் கூறப்படுகிறது. தவிர இது 4,500mAh அல்லது 5,000mAh பேட்டரியுடன் 45W ஃபாஸ்ட் சார்ஜிங்கை வழங்கவும் வாய்ப்புள்ளது.

என்ன விலைக்கு வரும்?

எதிர்பார்க்கப்படும் விலை நிர்ணயத்தை பொறுத்தவரை, நத்திங் போன் 1 ஆனது இந்தியாவில் ரூ.40,000 முதல் ரூ.50,000 க்குள் என்கிற புள்ளியில் ஏதாவொரு இடத்தில் அமரும் என எதிர்பார்க்கப்படுகிறது.