சென்னை: திருமண, துக்க நிகழ்ச்சிகளுக்கு பயணம் செய்ய இ-பாஸ்.! பெறுவது எப்படி?

கொரோனா வைரஸ் தொற்றைக் கட்டுப்படுத்த நாடு முழுவதும் பிறப்பிக்கப்பட்ட முழு முடக்கம் மேலும் 2 வாரங்களுக்கு நீட்டிக்கப்பட்டுஅமலில் உள்ளது. இருப்பினும், நாளுக்கு நாள் பாதிக்கப்பட்டவர்கள் எண்னிக்கை அதிகரித்து வருவது கவலையளிக்கும் வகையில் உள்ளது.

இந்நிலையில் சென்னை மாநகராட்சிக்கு உட்பட்ட பகுதிகளில் வசிக்கும் பொதுமக்கள் அத்தியாவசிய நிகழ்ச்சிகளாக முன்கூட்டியயே நிச்சயம் செய்யப்பட்ட திருமணங்கள், எதிர்பாராத மரணம் மற்றும் மருத்துவ சிகிச்சைகள் தொடர்பான
பயணங்கள் மேற்கொள்வது குறித்து ஆணையர் பிராகஷ் அறிவிப்பு வெளியிட்டுள்ளார்.

அதன்படி கொரோனா வைரஸ் நோய்தெற்றைத் தடுக்கும் விதத்தில் மாநிலம் முழுவதும் 144தடை உத்தரவு அமலில்உள்ள நிலையில் பொதுமக்கள் தங்களுடைய சில குறிப்பிட்ட அத்தியாவசிய நிகழ்சிகளான முன்கூட்டியே நிச்சயம் செய்யப்பட்டதிருமணங்கள், எதிர்பாராமல் ஏற்படும் மரணத்திற்கான இறுதிச்சடங்குகள் மற்றும் மருத்துவ சிகிச்சைகள் தொடர்பாக
ஒரு இடத்திலிருந்து மற்றொரு இடத்திற்கு பயணம் மேற்கொள்ள அனுமதிச் சீட்ட பெருநகர சென்னை மாநகராட்சியால் வழங்கப்பட்டவந்தது.

தற்சமயம் தமிழ்நாடு அரசு மாநில இ-பாஸ் கட்டுப்பாட்டு அறையின் வாயிலாக http://tnepass.tnega.org என்ற இணையதளத்தின் வழியே அவரசஅனுமதிச் சீட்டாக வழங்க உத்தரவிட்டுள்ளது.

அதன்படி ஏற்கனவே நிச்சயம் செய்யப்பட்ட திருமணங்கள், அவசர மருத்துவ சிகிச்சை (ரத்த சொந்தங்களுக்கு மட்டும்) மற்றும் எதிர்பாராவிதமான மரணம் (ரத்த சொந்தங்களுக்கு மட்டும்) அரசு வழிகாட்டுதலின்படி அவசரப் பயண அனுமதிச் சீட்டு(Emergency pass) வழங்கும் அதிகாரம் மாநில இ-பாஸ் கட்டுப்பாட்டு அறைக்கு வழங்கப்பட்டுள்ளது.

எனவே http://tnepass.tnega.orgஎன்ற இணையதளம் வழியாக விண்ணப்பித்து பயண அனுமதிச் சீட்டினைப் பெற்றுக்கொள்ளுமாறு அறிவுறுத்தப்படுகிறது. அவசர அனுமதிச் சீட்டு பெற பெருநகர சென்னைமாநகராட்சி அலுவலகத்திற்கு நேரில் வர வேண்டாம் என ஆணையர் பிரகாஷ் தெரிவித்துள்ளார்.