e-PAN அட்டையை பதிவிறக்கம் செய்வது எப்படி? வெறும் 9 ரூபாயில் கைக்குள் கிடைக்கும் ஆவணம்..

PAN அட்டை ஏன் மிகவும் முக்கியமானது?

பான் அட்டை இந்தியாவில் பல்வேறு தளங்களில் சரியான ஆதாரமாக ஏற்றுக்கொள்ளப்படுகிறது. வருமான வரிக் கணக்கை (ITR) தாக்கல் செய்ய வேண்டியிருப்பதால் சம்பளம் பெறும் ஊழியர்களுக்கு PAN மிகவும் முக்கியமானது. வங்கிக் கணக்கு அல்லது டீமேட் கணக்கை உருவாக்கும் போது, ​​அதிகாரம் கூடுதலாக ஒரு செல்லுபடியாகும் PAN அல்லது அதன் நகலை நீங்கள் சமர்ப்பிக்க வேண்டியது கட்டாயம். பான் அட்டை இதுபோன்ற முக்கிய நேரங்களில் தேவைப்படுவதோடு. எளிமையான வங்கி பரிவர்த்திணைகளில் கூட தேவைப்படுகிறது.

ரூ.50,000 மேல் பணம் டெபாசிட் செய்ய PAN கட்டாயமா?

மறுபுறம், ஒரு நபர் வங்கிக் கணக்கில் ஒரு பரிவர்த்தனையில் ரூ.50,000 அல்லது அதற்கும் மேல் டெபாசிட் செய்யும் போது, ​​வங்கிகளுக்கு பான் எண் தேவைப்படுகிறது. இந்த முறை இப்போதும் நடைமுறையில் உள்ளது என்பது கவனிக்கத்தக்கது. பான் கார்டைப் பயன்படுத்தும் குடியிருப்பாளர்களின் நிதி பரிவர்த்தனைகளை அரசாங்கம் கண்காணிப்பதால் இது மிகவும் அவசியம். இருப்பினும், எல்லா நேரங்களிலும் அசல் அல்லது நகல் அட்டையை எப்போதும் வைத்திருப்பது சாத்தியமில்லை.

எப்போதும் கைகளில் இ-பான் இருப்பது சிறப்பு தானே?

இந்த சிக்கலைத் தவிர்த்துக்கொள்ள உங்களுக்கு ஒரு வழி உள்ளது. உங்கள் பான் அட்டை விபரங்களை நீங்கள் இப்போது இ-பான் அட்டை வடிவில் பதிவிறக்கம் செய்து உங்கள் போனிலோ அல்லது உங்கள் கணினியிலோ சேமித்து வைத்துக்கொள்ளலாம். இது உங்கள் அசல் பான் அட்டையை இழக்கும் ஆபத்தைக் குறைக்கிறது என்பது குறிப்பிடத்தக்கது. இத்துடன், எந்த நேரத்தில் வேண்டுமானாலும் இ-பான் அட்டையை நீங்கள் நகல் எடுத்துப் பயன்படுத்திக்கொள்ளலாம். இது மிகவும் பயனுள்ளதாக இருக்கும்.

இ பான் கார்டைப் பதிவிறக்கம் செய்வது எப்படி?

• ஆன்லைனில் இ பான் கார்டைப் பெறுவதற்கான நடைமுறை நேரடியானது. இதற்கான படிப்படியான செயல்முறையை இப்போது பார்க்கலாம்.
• பான் அட்டை போர்ட்டலை அணுக https://www.onlineservices.nsdl.com/paam/requestAndDownloadEPAN.html ஐப் பார்வையிடவும்.
• 'Apply for PAN' என்பதைக் கிளிக் செய்து படிவத்தை நிரப்பவும்.
• கேப்ட்சாவை உள்ளிட்டு 'Submit' பொத்தானை அழுத்தவும்.
• இப்போது விவரங்களை முன்னோட்டமிட உங்களுக்கு வாய்ப்பு கிடைக்கும்.



OTP ஐ சரியாக உள்ளிடவும்

• உங்கள் அடையாளத்தைச் சரிபார்த்த பிறகு, 'Generate OTP' பொத்தானைக் கிளிக் செய்யவும்.
• பதிவு செய்யப்பட்ட மொபைல் போனுக்கு அனுப்பப்பட்ட OTP ஐ உள்ளிடவும்.
• 'Paid e-PAN Download Facility' என்பதைத் தேர்ந்தெடுக்கவும்.
• கட்டண வகையைத் தேர்ந்தெடுத்து, தேவையான ரூ.9 கட்டணத்தைச் செலுத்தவும்.
• நீங்கள் பணம் செலுத்திய பிறகு, 'Continue' பொத்தானைக் கிளிக் செய்யவும்.



உங்கள் இ-பான் அட்டையின் பாஸ்வோர்ட் இது தான்

• பான் கார்டு கட்டண ரசீதை இப்போது ஆன்லைனில் பதிவிறக்கவும்.
• இறுதியாக, உங்கள் இ-பான் கார்டு தானாகவே உங்கள் மொபைல் அல்லது பிசிக்கு பதிவிறக்கம் செய்யப்படும்.
• பதிவிறக்கம் செய்யப்பட்ட இ-பான் கார்டின் PDF கடவுச்சொல் மூலம் பாதுகாக்கப்படும்.
• அதை அணுக, பயனர் தங்கள் பிறந்த தேதியை உள்ளிட வேண்டும், இது கடவுச்சொல்லாகச் செயல்படுகிறது.