என்ன என்ன அம்சங்களோ Honor Play 4T Pro, Honor Play 4T போனினிலே: திறந்து பார்த்தால் தெரிந்துவிடும்!

| Published: Friday, April 10, 2020, 14:43 [IST]

Honor Play 4T Pro, Honor Play 4T சீரிஸ் போன்களை பல்வேறு சிறப்பம்சங்களோடு ஹூவாய் துணை பிராண்ட் ஹானரால் அறிமுகப்படுத்தப்பட்டுள்ளன.

ஹானர் பிளே 4டி ஸ்மார்ட்போன்

ஹானர் நிறுவனம் தனது புதிய ஹானர் பிளே 4டி என்ற ஸ்மார்ட்போன் மாடலை அறிமுகப்படுத்தியுள்ளது. ஹானர் ப்ளே 4 டி புரோ மாடலானது வாட்டர் டிராப்-வசதியுடனும், ஹானர் ப்ளே 4 டி பஞ்ச் ஹோல் டிஸ்ப்ளே வசதியை கொண்டுள்ளது. ஹானர் ப்ளே 4 டி ப்ரோவில் மூன்று பின்புற கேமரா அமைப்பும் கொண்டுள்ளது.

ஹானர் ப்ளே 4 டி புரோ, ஹானர் ப்ளே 4 டி விலை, கிடைக்கும் விவரங்கள்

ஹானர் 4 டி புரோ போனானது 6 ஜிபி ரேம் மற்றும் 128 ஜிபி சேமிப்பு வசதியுடன் வருகிறது. அதோடு இது தோராயமாக ரூ.16,200 என நிர்ணயிக்கப்படும் என எதிர்பார்க்கப்படுகிறது. அதேபோல் 8 ஜிபி ரேம் மற்றும் 128 ஜிபி சேமிப்பு வசதி போனானது ரூ.18,400-க்கு விற்கப்படலாம் என எதிர்பார்க்கப்போடுகிறது. அதோடு ஹானர் 4டி புரோ போனானது ப்ளூ எமரால்டு மற்றும் பிளாக் கலர் விருப்பங்களில் வெளியாகியுள்ளது.

மனிதர்களின் நடமாட்டம் குறைந்ததால் பூமியில் ஏற்பட்ட மிகப்பெரிய மாற்றம்! மனிதர்களின் நடமாட்டம் குறைந்ததால் பூமியில் ஏற்பட்ட மிகப்பெரிய மாற்றம்!

6 ஜிபி ரேம் மற்றும் 128 ஜிபி சேமிப்பு வசதி

அதேபோல் ஹானர் ப்ளே 4டி போனானது 6 ஜிபி ரேம் மற்றும் 128 ஜிபி சேமிப்பு வசதி கொண்ட போனானது ரூ.12,900-க்கு விற்கப்படாலம் என்று எதிர்பார்க்கப்படுகிறது.இந்த ஸ்மார்ட் போனானது பிளாக் மற்றும் எமலால்டு கலரில் விற்கப்படலாம் என்று எதிர்பார்க்கப்படுகிறது.

ஹானர் பிளே 4 டி புரோ மற்றும் ஹானர் ப்ளே 4 டி

இந்த வகை போன்களானது ஏப்ரல் 14 ஆம் தேதி முன்பாகவே விற்பனைக்கு வரும் வகையில் திட்டமிடப்பட்டுள்ளதாக தெரிவக்கப்படுகிறது.
ஹானர் பிளே 4 டி புரோ மற்றும் ஹானர் ப்ளே 4 டி ஆகியவற்றின் உலகளாவிய விற்பனை விலை விவரங்கள் குறித்த முழு விவரங்கள் தற்போது வரை வெளிவரவில்லை.

ஹானர் ப்ளே 4 டி புரோ விவரக்குறிப்புகள், அம்சங்கள்

டூயல் சிம் (நானோ) , ஆண்ட்ராய்டு 9 பை மூலம் இயக்கும் வகையில் வெளியிடப்பட்டுள்ளது. இந்த ஸ்மார்ட் போனில் 6.3 இன்ச் ஃபுல்-எச்டி + (1,080x2,400 பிக்சல்கள்) ஓஎல்இடி டிஸ்ப்ளே மற்றும் வளைந்த கண்ணாடி பாதுகாப்பு அமைப்பு கொண்டுள்ளது.

டிரிபிள் ரியர் கேமரா அமைப்பு

தொலைபேசியில் டிரிபிள் ரியர் கேமரா அமைப்பானது 48 மெகாபிக்சல் முதன்மை சென்சார் மற்றும் எஃப் / 1.8 லென்ஸ், 8 மெகாபிக்சல் செகண்டரி சென்சார் மற்றும் அல்ட்ரா-வைட்-ஆங்கிள் எஃப் / 2.4 லென்ஸ் மற்றும் 2 மெகாபிக்சல் ஆழ சென்சார் ஆகியவை அடங்கும். முன்பக்கத்தில் 16 மெகாபிக்சல் கேமரா கொண்டுள்ளது.

மைக்ரோ எஸ்.டி கார்டு

மைக்ரோ எஸ்.டி கார்டு (256 ஜிபி வரை) வரை விரிவாக்கக்கூடியது. அதேபோல் 128 ஜிபி உள் சேமிப்பை ஹானர் வழங்கியுள்ளது. இணைப்பு விருப்பங்களில் 4 ஜி எல்டிஇ, யூ.எஸ்.பி டைப்-சி போர்ட் ஆகியவை அடங்கும். அதேபோல் இன்-டிஸ்ப்ளே கைரேகை சென்சார் உள்ளது.

4,000 எம்ஏஎச் பேட்டரி

ஹானர் ப்ளே 4 டி ப்ரோ 4,000 எம்ஏஎச் பேட்டரியை 22.5W வேகமான சார்ஜிங் வசதியையும் கொண்டுள்ளது. அதேபோல் 157.4x73.2x7.75 மிமீ அளவையும் 165 கிராம் எடையும் கொண்டது.

ஹானர் ப்ளே 4 டி விவரக்குறிப்புகள், அம்சங்கள்

இரட்டை சிம் (நானோ) சிம் கார்டு, ஆண்ட்ராய்டு 10 மூலம் இயக்கப்படுகிறது. புகைப்படங்கள் மற்றும் வீடியோக்களா பதிவு செய்ய, இந்த ஸ்மார்ட்போனில் இரட்டை பின்புற கேமரா அமைப்பு உள்ளது. இதில் 48 மெகாபிக்சல் முதன்மை சென்சார் மற்றும் 2 மெகாபிக்சல் இரண்டாம் நிலை சென்சார் ஆகியவை அடங்கும் - எல்இடி ப்ளாஷ் உடன் இயக்கப்படுகிறது. அதோடு முன்பக்கத்தில் 8 மெகாபிக்சல் செல்பி கேமராவும் உள்ளது.

அடுத்த 3 மாதத்திற்கு இதான் விலை: ரீசார்ஜ் விலை குறித்து தொலைத் தொடர்பு நிறுவனங்கள் அதிரடி அறிவிப்பு! அடுத்த 3 மாதத்திற்கு இதான் விலை: ரீசார்ஜ் விலை குறித்து தொலைத் தொடர்பு நிறுவனங்கள் அதிரடி அறிவிப்பு!

512 ஜிபி வரை விரிவாக்க அம்சம்

மைக்ரோ எஸ்.டி கார்டு (512 ஜிபி வரை) வரை விரிவாக்கக்கூடியது என்றாலும் இதில் 128 ஜிபி உள் சேமிப்பு வசதியை ஹானர் வழங்கியுள்ளது. அதோடு இணைப்பு விருப்பங்களில் 4 ஜி எல்டிஇ, புளூடூத் வி 5.0 மற்றும் மைக்ரோ-யூ.எஸ்.பி ஆகியவை அடங்கும். அதேபோல் இதில் பின்புறமாக பொருத்தப்பட்ட கைரேகை சென்சார் ஆகியவை அடங்கும்.ஹானர் ப்ளே 4 டி 10W சார்ஜிங் வசதியோடு 4,000 எம்ஏஎச் பேட்டரியைக் கொண்டுள்ளது. மேலும் இந்த ஸ்மார்ட்போன் 159.81 × 76.13 × 8.13 மிமீ அளவும் 176 கிராம் எடையும் கொண்டது.