நோக்கியா 5.4 வாங்க இந்த மாசம் ரெடி ஆகிக்கோங்க.. விலை இதுவாக தான் இருக்கும்..

| Published: Saturday, February 6, 2021, 13:59 [IST]

நோக்கியா நிறுவனம் இந்திய சந்தையில் புதிய ஸ்மார்ட்போன் மாடலை இந்த மாதம் அறிமுகம் செய்ய திட்டமிட்டுள்ளது. இந்த புதிய ஸ்மார்ட்போன் நோக்கியா 5.4 ஆக இருக்கலாம் என்று தற்பொழுது செய்திகள் வெளியாகியுள்ளது. இந்த ஸ்மார்ட்போன் பற்றிய கூடுதல் தகவல்களை இப்போது பார்க்கலாம்.

நோக்கியா 5.4

இந்த செய்தியை நன்கு அறிந்த செய்தி வட்டாரங்கள் உறுதிப்படுத்தியுள்ளதாகக் கூறப்பட்டுள்ளது. இந்த நோக்கியா 5.4 போனில் என்னவெல்லாம் எதிர்பார்க்கலாம், என்ன விலையில் எதிர்பார்க்கலாம் என்று தெரிந்துகொள்ளலாம்.

இந்த பிப்ரவரி மாதத்தில் அறிமுகமா?

இந்த பிப்ரவரி மாதத்தில் நோக்கியா 5.4 உடன் எச்.எம்.டி குளோபல் நிறுவனம் மேலும் சில சாதனங்களை இந்தியாவில் அறிமுகப்படுத்தும் என்றும் தெரிவிக்கப்பட்டுள்ளது. ஆனால், அவற்றின் பெயர்கள் இன்னும் வெளியிடப்படவில்லை. நோக்கியா 5.4 ஸ்மார்ட்போன் கடந்த டிசம்பர் மாதம் ஐரோப்பாவில் 189 யூரோக்கள் என்ற விலையில் அறிமுகம் செய்யப்பட்டது.

2021ம் ஆண்டில் '1000' கணக்கான மனித உருவ ரோபோக்கள் விற்பனையா? துவங்குகிறது ரோபோட்களின் அத்தியாயம்.. 2021ம் ஆண்டில் '1000' கணக்கான மனித உருவ ரோபோக்கள் விற்பனையா? துவங்குகிறது ரோபோட்களின் அத்தியாயம்..

என்ன விலையில் எதிர்பார்க்கலாம்?

இந்த மதிப்பின் படி இந்த புதிய நோக்கியா 5.4 ஸ்மார்ட்போன் தோராயமாக சுமார் ரூ. 17,000 என்ற விலையில் இந்தியச் சந்தையில் அறிமுகம் செய்யப்படலாம் என்று எதிர்பார்க்கப்படுகிறது. புதிய நோக்கியா 5.4 ஸ்மார்ட்போன் போலார் நைட் மற்றும் டஸ்க் வண்ண விருப்பங்களில் அறிமுகம் செய்யப்படும் என்று தெரிவிக்கப்பட்டுள்ளது. இந்த புதிய ஸ்மார்ட்போனின் சிறப்பம்சங்கள் என்ன என்று பார்க்கலாம்.