புதிய தொழில் நுட்பத்தில் விவசாயம்: மோடி பேச்சு.!

பிரதமர் கொடிஏற்றினார்:

72வது சுந்ததிரதினத்தையொட்டி டெல்லி செங்கோட்டையில் பிரதமர் மோடி தேசிய கொடியை ஏற்றினார். இதையொட்டி அவர் முப்படைகளின் அணிவகுப்பையும் ஏற்றுக் கொண்டார். இந்நிகழ்ச்சியில், பொது மக்கள் அரசியல் தலைவர்கள், அமைச்சர்கள், அரசு அதிகாரிகள் உள்ளிட்ட பலரும் கலந்து கொண்டனர்.

பாரதியார் கவிதை:

எல்லோரும் அமர நிலை எய்தும் நன்முறையை இந்தியா உலகிற்கு அளிக்கும் என்று மகாகவி பாரதியின் கவிதையை மேற்கோள்காட்டி பிரதமர் மோடி தமிழில் உரையாற்றினார்.

6 வது பொருளாதார நாடு :

உலகின் 6 வது மிகப்பெரிய பொருளாதார நாடாக இந்தியா உருவெடுத்து இருக்கின்றது என்று மோடி பேசினார். மேலும் 125 கோடி மக்களின் வளர்ச்சியை யாராலும் இனி தடுக்க முடியாது என்றும் அவர் தெரிவித்தார்.

புதிய தொழில் நுட்பம்:

புதிய தொழில் நுட்பத்தில் விவசாயிகள் பணியாற்றி வருகின்றனர். சுயவேலைவாய்ப்பை உறுதி செய்யும் முத்ரா திட்டமித்தில் 13 கோடி பேருக்கு கடன் வழங்கப்பட்டுள்ளது.

ஜிஎஸ்டி ஏற்றுக் கொண்டனர்:

ஜிஎஸ்டி அமல்படுத்தியதை பொது மக்கள் அனைவரும் ஏற்றுக் கொண்டுள்ளனர். இதனால் தொழிலபதிபர்கள் லாபம் ஈட்டி வருகின்றனர். ஜிஎஸ்டி அமல்படுத்தப்பட்டதால் பொருளாதார ஆபத்தில் இருந்து நாடு மீண்டுள்ளது.