ஜிசாட்-11 செயற்கைகோள் வெற்றிகரமாக ஏவப்பட்டது.! வீடியோ,!

இஸ்ரோ:

இஸ்ரோ சார்பில் பல்வேறு நாடுகளின் செயற்கைகோள்கள் விண்ணுக்கு வெற்றிகரமாக செலுத்தப்பட்டு வருகின்றது.

இஸ்ரோ குறைந்த விலையில், வெளிநாடு மற்றும் உள்நாடுகளின் செயற்கைகோள்களை வெற்றிகரமாக விண்ணுக்கு செலுத்தி வருவதால், வர்த்தக தளமாக இருக்கின்றது.

30 செயற்கைகோள்கள்:

ஆந்திர மாநிலம் ஸ்ரீஹரிகோட்டா கோட்ட சதீஷ்தவான் விண்வெளி ஆய்வு மையத்தில் உள்ள 1 ஏவு தளத்தில் இருந்து பிஎஸ்எல்வி சி-43 ராக்கெட் அமெரிக்கா, ஆஸ்திரேலியா, கனடா, கொலம்பியா, பின்லாந்து, மலேசியா, நெதர்லாந்து, ஸ்பெயின் ஆகிய நாடுகளை சேர்ந்த 1 மைக்ரோ, 29 நானோ வகையை கொண்ட 30 வணிக ரீதியிலான செயற்கைகோள்கள் வெற்றிகரமாக விண்ணுக்கு செலுத்தியது.

பிரான்ஸில் இருந்து ஏவக்காரணம்:

குறைந்த எடையுள்ள செயற்கைகோள்களை இந்தியாவில் உள்ள விண்வெளி ஆய்வு மைய ஏவுதளத்தில் இருந்து ஏவ முடியும். ஆனால் சுமார் 5 ஆயிரத்துக்கும் மேல் எடையுள்ள ஜிசாட் செயற்கைகோள்களை இஸ்ரோ விண்வெளி மையத்தில் இருந்து செலுத்த முடியாது. இதனால் பிரான்ஸ் இருந்து அனுப்ப முடிவு செய்யப்பட்டது.

4 ஆயிரம் எடை உள்ளது:

ஸ்ரீ ஹரிகோட்ட விண்வெளி ஆய்வு மையத்தில் இருந்து சுமார் 4 ஆயிரம் எடையுள்ள செயற்கைகோள்களை மட்டும் விண்ணுக்கு அனுப்ப முடியும். இதனால் பிரான்ஸ் நாட்டின் கயானா விண்வெளி மையம் தேர்வு செய்யப்பட்டது.

அதிகாலையில் ஏவுப்பட்டது:

இந்தியாவில் அதிவேக இணைய சேவைக்காக 40 நவீன டிரான்ஸ்பாண்டுகள் பொருத்தப்பட்ட ஜிசாட்-11 என்ற செயற்கைக்கோளை சுமந்தபடி பிரான்சில் உள்ள கயானாவில் இருந்து 'ஏரைன் - 5' ராக்கெட் வெற்றிகரமாக விண்ணுக்கு செலுத்தியது. தென்கொரியாவின் ஜியோ செயற்கைக்கோளும் ஏவப்பட்டது.

5 ஆயிரம் எடை ஜிசாட்:

5 ஆயிரத்து 894 கிலோ எடை கொண்ட ஜிசாட்-11 செயற்கைக்கோளை, 12 ஆயிரம் கோடி ரூபாய் செலவில் 'இஸ்ரோ' தயாரித்துள்ளது. இது வெற்றிகரமாக விண்ணுக்கு செலுத்தப்பட்டதால், இஸ்ரோ விஞ்ஞானிகள் அனைவரும் மகிழ்ச்சியை பரிமாறிக்கொண்டனர்.