ஆபாசப்படங்களோடு ஐஎஸ்ஐஎஸ்-க்கு 'ஆப்பு' வைக்கப்பட்டது..!

| Published: Thursday, June 16, 2016, 17:06 [IST]

கடந்த ஞாயிறு அன்று ஆர்லாண்டோவில் உள்ள ஒரு ஓரின சேர்க்கை இரவு விடுதியில் நடந்த துப்பாக்கி சூட்டில் 49 பேர் கொல்லப்பட்டனர். இந்த சம்பவத்திற்கு காரணமான கொலையாளி உமர் மடீன் , திவீரவாத இயக்கமான ஐஎஸ்ஐஎஸ்-ன் விசுவாசி என்பது உறுதி செய்யப்பட்டுள்ளது.

இந்த சம்பவத்திற்கு எதிர்ப்பு தெரிவிக்கும் நடவடிக்கையாக ஆன்லைன் முழுதும் கருத்துக்களும், பிராச்சரங்களும் குவிந்த வண்ணம் இருக்க ஹாக்கர்கள் தங்களுக்கே உரிய பாணியில் ஐஎஸ்ஐஎஸ்-க்கு ஆப்பு வைத்துள்ளனர்..!

#1

அநாமதேய ஹேக்கர் கூட்டு உறுப்பினர்கள் சேர்ந்து ஐஎஸ்ஐஎஸ் இஸ்லாமிய அரசு ஆதரவாளர்களின் ட்விட்டர் கணக்குகள் பலவற்றை ஹேக் செய்துள்ளனர்.

#2

ஹேக் செய்தது மட்டுமின்றி அந்தந்த ட்விட்டர் கணக்குகளில் இருந்த ஜிகாதி பிரசாரங்களை அகற்றிவிட்டு அதற்கு பதிலாக ஒரினச் சேர்கை புகைப்படங்கள், ஆபாசப்பட லின்க்குகளை பதிவு செய்துள்ளனர்.

#3

அதாவது, நான் ஓரினச்சேர்க்கையாளன் அதற்கு பெருமை கொள்கிறேன் போன்ற புகைப்படங்களுடன் ஆபாசப்பட இணைப்புகள் பதிவு செய்யப் பட்டுள்ளன..!

#5

ஓரினச்சேர்க்கைக்கு எதிர்ப்பாக இஸ்லாமிய அரசு ஆதரவாளர்கள் ட்விட்டரை ஒரு பெரிய சமூக வலைதளமாக பயன்படுத்தினர் என்பதும், தற்போது இதை விட ஒரு இக்கட்டான நிலைமையை, கடினமான எதிர்ப்பை ஐஎஸ்ஐஎஸ் ஆதரவாளர்கள் எதிர்கொள்ளவே முடியாது என்பதும் நிதர்சனம்.

#5

2015-ஆம் ஆண்டில் இருந்து சுமார் 125,000 ஐஎஸ்ஐஎஸ் ட்விட்டர் கணக்குகளை கண்டுபிடித்து மூடி விட்டதாக ட்விட்டர் கூறினாலும் அதில் பல அக்கவுண்ட்கள் ஹாக் செய்யப்பட்டது என்பது தான் உண்மை.