பேட்டரி கோளாறுகளால் வெடித்து சிதறிய கூகுள் நெக்சஸ் 6

கூகுள் நெக்சஸ் 6 ஸ்மார்ட்போனின் பேட்டரி துவக்கம் முதலே பல பிரச்சனைகளுக்கு வழி வகுத்திருக்கின்றது. அடிக்கடி பேட்டரி வீங்குவதும் பேக் பேனல் கழன்று விடுவதமாக பல கோாறுகளை சந்தித்த நெக்சஸ் 6 அதன் விற்பனையையும் வெகுவாக பாதித்தது.

தற்சமயம் நெக்சஸ் 6 பயனாளி ஒருவர் தன் நெக்சஸ் 6 வெடித்து சிதறியதாக தெரிவித்துள்ளார். பது தில்லியை சேர்ந்த மானிகா ஜசுஜா என்பவர் இந்த தகவலை தனது டுவிட்டர் பக்கத்தில் தெரிவித்திருந்தார். தனது டுவிட்டரில் வெடித்த நெக்சஸ் 6 புகைப்படங்களையும் பதிவு செய்திருந்தார்.

மேலும் போன் வெடிக்கும் போது பயன்படுத்தப்படாமல் வைக்கப்பட்டிருந்ததோடு சார்ஜரிலும் வைக்கப்படவில்லை என்பது குறிப்பிடத்தக்கது. பயன்படுத்தாத நிலையில் போன் வெடித்தது பல நெக்சஸ் பயனாளிகளை ஆச்சர்யத்தில் ஆழ்த்தியுள்ளது.