5ஜி விடுங்க மக்களே: சத்தமில்லாமல் கூகுள் செய்த இந்த Passkey வேலையை பாருங்க.!

கூகுள்

குறிப்பாக கூகுள் நிறுவனத்தின் ஜிமெயில், கூகுள் குரோம், கூகுள் மேப்ஸ் எனப் பலவற்றை உலகம் முழுவதும் அதிக மக்கள் பயன்படுத்துகின்றனர். அதேபோல்இதன் தயாரிப்புகளுக்குத் தொடர்ந்து பல்வேறு அப்டேட்களை கொடுத்துக்கொண்டே தான் இருக்கிறது கூகுள் நிறுவனம்.

அதன்படி விரைவில் Google Passkey என்ற ஒரு புதிய அம்சத்தை லாகின் வசதிக்காக கொண்டு வர திட்டமிட்டுள்ளது கூகுள் நிறுவனம். இந்த புதிய அம்சம் விரைவில் வெளிவரும் என்பதால் அதிக எதிர்பார்ப்புகளை உருவாக்கியுள்ளது.

பெயர் மற்றும் கடவுச்சொற்கள்

இப்போது வரை நாம் பயன்படுத்தும் ஜிமெயில், பேஸ்புக், குரோம் என எந்த ஒரு இணையதளமாக இருந்தாலும் அதில் நம்முடைய கணக்கிற்கான பயனர் பெயர் மற்றும் கடவுச்சொற்கள் ஆகியவற்றைக் கட்டாயம் உள்ளிட வேண்டும்.

ஆனால் இனிமேல் இந்த பிரச்சனை இருக்காது. அதாவது இனிமேல் தனித்தனியாக ஒவ்வொரு முறையும் பயனர் பெயர் கடவுச்சொற்கள் போன்றவற்றை எண்டர் செய்யத் தேவை இருக்காது.

விரல்ரேகை

விரைவில் அறிமுகமாகும் Google Passkey என்ற பாதுகாப்பு நிறைந்த ஒரு சிறய ஆப் வசதியை நமது ஸ்மார்ட்போனில் இன்ஸ்டால் செய்தால் போதும். ஒவ்வொரு முறையும் நாம் மற்ற கணினி, போன்களில் கணக்கில் லாகின் செய்யும் போது, நமது ஸ்மார்ட்போனில் விரல்ரேகை வைக்கும்படி திரையில் தோன்றும். அவ்வாறு விரல்ரேகை சென்சாரில் விரலை வைத்தவுடன், எளிமையாக லாகின் ஆகிவிடும் என்பது குறிப்பிடத்தக்கது.

சோதனை

தற்போது வரை இந்த அம்சம் சோதனை முயற்சியில் உள்ளது என்று கூறப்படுகிறது. ஆனாலும் இந்த புதிய அம்சம் எந்தளவு பயனுள்ளது மற்றும் பாதுகாப்பானது என்பது குறித்துப் பல விமர்சனங்கள் எழுந்துள்ளன என்பது குறிப்பிடத்தக்கது.

தனிப்பட்ட விவரங்கள்

குறிப்பாக விரல்ரேகை மட்டும் பயன்படுத்தி ஒருவரது மொத்த தனிப்பட்ட விவரங்கள், லாகின் ஐடிகளை பெற்றுவிட முடியும் என்பதால், இது தீவிர ஆலோசனைக்கு பிறகே இந்த Passkey அம்சம் பயன்பாட்டுக்கு வரும் என்று கூறப்படுகிறது.

பாதுகாப்பு அம்சங்கள்

தற்போது 5ஜி சேவை இந்தியாவில் அறிமுகம் செய்யப்பட்டுள்ளது. ஆனால் இதைவிடக் கூகுள் நிறுவனம் தொடர்ந்து அறிவித்து வரும் புதிய அப்டேட்களுக்கு தான் நல்ல வரவேற்பு உள்ளது. குறிப்பாக பயனர்களின் பாதுகாப்பு அம்சங்களுக்கு அதிக கவனம் செலுத்துகிறது கூகுள் நிறுவனம்.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.