மர்மமான 'ரேடியோ டிரான்ஸ்மிட்டர்' கட்டமைக்கும் கூகுள், ஏன்..?

உரிமம் :

கூகுள் நிறுவனம் ஸ்பேஸ்போர்டில், ஒரு சோதனை டிரான்ஸ்மிட்டர் கட்டமைக்க உரிமம் கோரி அமெரிக்க மத்திய தகவல் தொடர்பு ஆணையத்திடம் விண்ணப்பித்து இருந்தது.

அமெரிக்க மத்திய தகவல் தொடர்பு ஆணையம் :

அது சார்ந்த உரிமத்தை தனது அதிகாரபூர்வ வலைத்தளத்தில் வெளியிடுவதற்கு முன்பு அமெரிக்க மத்திய தகவல் தொடர்பு ஆணையம் அந்த உரிமத்தை ஒழுங்குப் படுத்தியுள்ளது, அதாவது மாற்றங்கள் செய்துள்ளது.

திருத்தப்பட்ட உரிமம் :

அமெரிக்க மத்திய தகவல் தொடர்பு ஆணையம் தனது வலைதளத்தில் வெளியிட்ட திருத்தப்பட்ட உரிமம்..!

யூகங்கள் :

வெளியான உரிமம் மற்றும் சில யூகங்கள் கொண்டு, கூகுளின் மர்மமான ரேடியோ டிரான்ஸ்மிட்டரின் பயன்பாடு என்னவென்று பல கருத்துக்கள் வெளியாகி கொண்டிருக்கின்றன.

இன்டர்நெட் வழங்கும் முயற்சி :

சில வதந்திகளின் படி, கட்டமைக்கப்படும் டிரான்ஸ்மிட்டர் ஆனது கூகுள், பலூன்கள் மற்றும் சூரிய சக்தியில் இயங்கும் ஆளில்லா விமானங்கள் வழியாக இன்டர்நெட் வழங்கும் முயற்சியின் ஒரு பகுதியாக இருக்கலாம் என்று நம்பப்படுகிறது.

மறுப்பு :

ஆனால், கூகுள் நிறுவனமோ வணிக அடிப்படையில் திட்டம் தொடர்பான எந்த விவரங்களையும் வழங்கிட மறுத்துவிட்டது என்பதும் குறிபிடத்தக்கது.

ரேடியோ நெட்வொர்க் பேண்ட் :

ஒரு வினாடிக்கு பல ஜிகாபிட்ஸ் வேகத்தில், பல மைல் தூரத்திற்கு தகவல் கடத்தும் திறன் கொண்ட ரேடியோ நெட்வொர்க் பேண்ட்களை (radio network bands) கூகுள் நிறுவனம் பரிசோதனை செய்ய இருக்கிறது என்றும் தகவல்கள் வெளியாகியுள்ளன.

சிறப்பான வழி :

அதுமட்டுமின்றி, இந்த முயற்சியில் 2.5 GHz பேண்ட் பயன்படுத்த இருக்கிறது என்ற தகவலும், இது விண்ணில் உள்ள பலூன்கள் மற்றும் தரையில் உள்ள ட்ரான்ஸ்மிட்டர்கள் ஆகிய இரண்டிற்கும் இடையே தொடர்பை ஏற்படுத்தும் சிறப்பான வழி என்றும் தகவல்கள் வெளியாகி உள்ளன.

ஆவணங்கள் :

2015 ஆம் ஆண்டு மத்திய தகவல் தொடர்பு ஆணையம் வெளியிடப்பட்ட ஆவணங்கள் மூலம் கூகுள் நிறுவனம் தனது இன்டர்நெட் வழங்கும் ஆளில்லா விமானத்தின் ரேடியோ தொழில்நுட்பத்தை சுமார் 25,000 அடி உயரத்தில் இருந்தபடி சோதனை செய்ய இருப்பதும் குறிப்பிடத்தக்கது.

ப்ராஜக்ட் எக்ஸ் :

இவ்வகை விமானங்கள் கூகுளின் ப்ராஜக்ட் எக்ஸ் திட்டத்தின் கீழ் இயங்குகிறது என்றும் சந்தேகம் கிளம்பியுள்ளது. மேலும் இந்த விமானங்கள் அதிவேக இன்டர்நெட் சேவையை வழங்கும், சூரிய சக்தியில் இயங்கும் ஆளில்லா விமானங்கள் ஆகும் என்பதும் குறிபிடத்தக்கது.

24 மாதங்கள் :

இந்த சோதனை மூலம் அங்கீகரிக்கப்பட்ட பயனாளிகளுக்கு எந்த விதமான தொல்லையும், தீங்கும் நேராது என்றும், இந்த சோதனை 24 மாதங்கள் வரை நீடிக்கும் என்றும் கூகுள் தெரிவித்துள்ளது.

மேலும் படிக்க :

இந்தியாவை பார்த்து 'மீண்டும் ஒருமுறை' வாயைப்பிளக்க போகின்றன உலக நாடுகள்..!

இண்டர்நெட் பயன்பாடு : ஆபத்தில் சிக்காமல் இருக்க உடனடியாக செய்ய வேண்டியவை.!!

அமெரிக்காவிற்கே எச்சரிக்கை : வடகொரியாவிற்கு 'கட்டம்' சரியில்லை..!

தமிழ் கிஸ்பாட் :

மேலும் இதுபோன்ற தொழில்நுட்ப செய்திகளை உடனுக்குடன் பெற - தமிழ் கிஸ்பாட் ஃபேஸ்புக் பக்கம் மற்றும் தமிழ் கிஸ்பாட் வலைதளம்..!