கூகுள் அறிவித்த தரமான புதிய சேவைகள்: மொழி தெரியாத மக்களுக்கு இனி கவலை இல்லை.!

பாட்கேஸ்ட்கள்

இனிமேல் பாட்கேஸ்ட்கள் நேரடியாக கூகுள் தேடல்களில் ஒன்றிணைக்கப்படுகிறது, பின்பு இந்த வசதி மூலம் பயனர் விரும்பும் பாட்கேஸ்ட்களை மிக எளிமையாக கண்டறிய முடியும். பின்பு பாட்கேஸ்ட்களை பின்னர் கேட்க சேமித்து
வைக்கும் வசதியும் வழங்கப்பட்டுள்ளது என்பது குறிப்பிடத்தக்கது.

கூகுள்

மேலும் கூகுள் சர்ச் செய்யும் போது ஏ.ஆர் சார்ந்த தகவல்களை பதில்களாக பட்டியிடப்படுகின்றன, இவை இந்த மாதம் இறுதியில் வழங்கப்படும் என அந்நிறுவனம் சார்பில் தெரிவிக்கப்பட்டுள்ளன. இதற்கென கூகுள், நாசா, நியூ பேலண்ஸ், சாம்சங், டார்கெட், விசிபிள் பாடி, வால்வோ மற்றும் வேஃபேர், போன்ற நிறுவனங்களுடன் ஒப்பந்தம் செய்திருக்கிறது என்பது குறிப்பிடத்தக்கது.

3டி

இதன் மூலம் கூகுள் தேடல்களில் 3டி பொருள்கள் காண்பிக்க முடியும், இவ்வாறு செய்வதன் மூலம் பயனர்கள் 3டி பொருட்கள் மற்றும் ஏ.ஆர் அனுபவத்தை நேரடியாக பெற முடியும் என்பது குறிப்பிடத்தக்கது. மேலும் பயனர்கள்
தேடும் விவரங்களை மிக எளிமையாக புரிந்துகொள்ள முடியும்.

உணவு

இப்போது அறிவிக்கப்பட்டுள்ள கூகுள் லென்ஸ் சேவையில் மேற்கொள்ளப்பட்டிருக்கும் மாற்றங்களை கொண்டு பயனர்கள்
உணவகங்களில் கிடைக்கும் பிரபல உணவு வகைகளை பற்றி எளிமையாக அறிந்து கொள்ள முடியும். பின்பு அந்த உணவு எவ்வாறு காட்சியளிக்கும் என்பதையும் பார்த்து தெரிந்து கொண்டு அவற்றுக்கு மற்றவர்கள் வழங்கியிருக்கும் விமர்சனங்களை படிக்கலாம் என்பது குறிப்பிடத்தக்கது.

கேமரா

ஆண்ட்ராய்டு கோ ஸ்மார்ட்போன்களுக்கு கூகுள் கோ எனும் சர்ச் ஆப் அறிமுகம் செய்யப்பட்டுள்ளது, இதில் கேமரா வசதிகள் வழங்கப்பட்டுள்ளன, இதை பயன்படுத்தி பயனர்கள் மிக எளிமையாக மொழி மாற்றம் செய்ய முடியும்.

மொழி பெயர்ப்பு

மொழி தெரியாத அல்லது படிக்கத் தெரியாதவர்கள் எழுத்துக்களின் மேல் கூகுள் கேமராவை காண்பிக்க வேண்டும். இனி கூகுள் உங்களுக்கு திரையில் மொழி பெயர்ப்பு, வாசித்தல் போன்ற ஆப்ஷன்களை பட்டியலிடும். அவற்றை தேர்வு செய்தால் உடனடி மொழிமாற்றம் பெறுவதோடு, எழுதப்பட்டிருக்கும் வாசகத்தை கூகுள் கேமரா வாசித்துக் காட்டும் என்பது குறிப்பிடத்தக்கது.