கூகுள் நிறுவனத்திலும் இப்படியொரு பிரச்சனையா? வலுக்கும் கண்டனம்.!

அதாவது தலித் வரலாற்று மாதத்தை ஒட்டி கடந்த ஏப்ரல் ஏப்ரல் 18-ம் தேதி கூகுள் நிறுவனத்தில் கருத்தரங்கு ஏற்பாடு செய்யப்பட்டுள்ளது. குறிப்பாக இதில் தலித் உரிமைகள் அமைப்பின் சமத்துவ ஆய்வகத்தின் நிறுவனர் தேன்மொழி சௌந்தரராஜன் கலந்து கொண்டு சிறப்புரையாற்றுவதாகஇருந்தது.

ஆனால் இந்த நிகழ்விற்குக் கூகுள் நிறுவனத்தில் பணிபுரியும் ஊழியர்கள் மற்றும் முக்கிய அதிகாரிகள் சிலர் எதிர்ப்பு தெரிவித்ததாக கூறப்படுகிறது. மேலும் இந்த நிகழ்விற்கு எதிர்ப்பு தெரிவித்துவிட்டு தேன்மொழி சௌந்தரராஜன் ஒரு இந்து விரோதி என கூறி நிறுவனத்தின்
தலைமை அதிகாரிகளுக்கு மின்னஞ்சல் அனுப்பியுள்ளனர்.

இதனை தொடர்ந்து தான் தேன்மொழி சௌந்தரராஜன் கலந்துகொள்ள இருந்த கருத்தரங்கை கூகுள் நிறுவனம் ரத்து செய்தது. அதன்பின்பு இந்த நிகழ்ச்சியை ஏற்பாடு செய்த கூகுள் மூத்த மேலாளர் தனுஜா குப்தா தனது பதவியை ராஜினாமா செய்துள்ளார். பின்பு பன்முகத்தன்மையை நிலைநாட்ட முயற்சி செய்க்ககூடதா என்று கூகுள் நிறுவனத்திற்கு கேள்வி எழுப்பியுள்ளார்.

மேலும் இதுகுறித்து கூறிய தேன்மொழி சௌந்தரராஜன் சாதி, சமத்துவம் பற்றிய பேச்சுக்கு கூகுள் நிறுவனம் சட்டவிரோதமாக
ரத்து செய்துள்ளது. குறிப்பாக கூகுள் நிறுவனத்தின் இந்த நடவடிக்கை எனக்கு மிகவும் அதிர்ச்சிகரமாக உள்ளது. இதை வார்த்தையால்
வெளிப்படுத்த முடியவில்லை என்று தெரிவத்துள்ளார்.

அதேபோல் இந்த நிகழ்வை ரத்து செய்ய முயன்ற ஊழியர்களின் சாதிவெறியைக் கூகுள் நிறுவனம் ஆதரிப்பதுபோல் நடந்து கொண்டுள்ளது.
இந்தப்போக்கு மிக ஆபத்தானது. அதேசமயம் மனித உரிமைகள் பற்றிய உரையாடல்களைச் சாதிவெறியர்கள் கொஞ்சம் கூட விரும்புவதில்லை.

கூகுள் நிறுவனத்தின் தலைமை செயல் அதிகாரியாக உள்ள சுந்தர் பிச்சை தமிழ்நாட்டில் வளர்ந்தவர், அவருக்குச் சாதிஅரசியல் பற்றித் தெரியாது என்பது நம்பும் படியாக இல்லை" என தெரிவித்துள்ளார் தேன்மொழி சௌந்ததராஜன்.

மேலும் இந்த நிகழ்வு சர்ச்சையானதை தொடர்ந்து, எங்கள் நிறுவனத்தில் சாதிய பாகுபாடுகளுக்கு இடம் இல்லை என்றும், சாதிய பாகுபாட்டிற்கு எதிராகத் தெளிவான வெளிப்படையான கொள்கையை நாங்கள் வைத்துள்ளோம் என்று கூகுள் நிறுவன செய்தி தொடர்பாளர் அறிக்கை ஒன்றில் தெரிவித்துள்ளார் என்பது குறிப்பிடத்தக்கது.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.