பிறந்த நாளை நினைவூட்டும் கூகுள்+

கூகுளின் சமூக வலைத் தளமான கூகுள்+க்கு கணிசமான அளவில் உறுப்பினர்கள் உண்டு. பேஸ்புக் அளவிற்கு இதில் உறுப்பினர்களின் எண்ணிக்கை இல்லை என்றாலும் கூகுள்+ம் தற்போது நிறைய உறுப்பினர்களைப் பெற்றுள்ளது.

தனது உறுப்பினர்களுடைய நண்பர்கள் மற்றும் உறவினர்களின் பிறந்த நாளை ஞாபகப்படுத்தும் விதமாக பேஸ்புக் ஒரு வசதியை செய்திருக்கிறது. தெரிந்தவர்களின் பிறந்த நாள் வரும் போது பேஸ்புக் அதை நினைவுபடுத்தும்.

ஆனால் இந்த வசதி கூகுள்+ல் இதுவரை இல்லாமல் இருந்தது. ஆனால் தற்போது கூகுள்+ம் அந்த வசதியை தனது உறுப்பினர்களுக்கு வழங்க இருக்கிறது. கூகுளின் முகப்புத் தேடல் பக்கத்தின் மேல் வலது ஓரத்தில் தெரிந்தவர்களின் பிறந்த நாள் தோன்றும்.

அதன் மூலம் கூகுள்+ன் உறுப்பினர்கள் தங்களுக்கு தெரிந்தோரின் பிறந்த நாள் அன்று வாழ்த்துச் செய்தி, போட்டோ அல்லது வீடியோ ஆகியவற்றை அனுப்பி அவர்களை மகிழ்ச்சிப்படுத்தலாம்.

எனவே கூகுள்+ல் உறுப்பினராக இருந்தால் தெரிந்தவர்களின் பிறந்த நாள் அன்று தவறாமல் வாழ்த்துச் சொல்ல முடியும்.