வாய்ஸ் கால் பேசும் வசதியுடன் வெறும் ரூ.4,499 விலையில் ஸ்மார்ட்வாட்ச்.. இது வாட்ச் இல்ல குட்டி ஸ்மார்ட்போன்..

வாய்ஸ் கால் அம்சத்துடன் வரும் ஃபயர்-போல்ட் கால் வாட்ச்

இந்த ஸ்மார்ட்வாட்ச் உங்கள் ரிசென்ட் அழைப்புகளை அணுகுவதற்கான விருப்பங்கள் மற்றும் உங்கள் தொலைபேசியின் காண்டாக்ட்களை ஒத்திசைக்கும் திறன் கொண்ட டயல் பேடைக் கொண்டுள்ளது. இந்த ஃபயர்-போல்ட் கால் வாட்ச் கூடுதலாகப் பல விளையாட்டு முறைகள் மற்றும் உடற்பயிற்சி கண்காணிப்பு அம்சங்களைக் கொண்டுள்ளது. ஃபயர்-போல்ட் கால் ஸ்மார்ட் வாட்ச் இப்போது ஐந்து வண்ண விருப்பங்களில் வருகிறது. இது அடுத்த வாரம் Amazon India வழியாக விற்பனைக்கு வரும் என்று அறிவிக்கப்பட்டுள்ளது.

ஃபயர்-போல்ட் கால் ஸ்மார்ட் வாட்சின் விலை

ஃபயர்-போல்ட் கால் ஸ்மார்ட் வாட்ச் இந்தியாவில் வெறும் ரூ. 4,499 என்ற விலையில் விற்பனைக்கு வருகிறது. Amazon India wearables பக்கத்தில் அதன் பட்டியலின் படி, இது மார்ச் 21 முதல் விற்பனைக்குக் கிடைக்கும் என்று தெரிகிறது. ஆர்வமுள்ள வாங்குபவர்கள் Amazon இல் உள்ள 'Notify Me' விருப்பத்தை கிளிக் செய்து ஸ்மார்ட்வாட்ச் விற்பனைக்கு வரும்போது நினைவூட்டலைப் பெறலாம். ஃபயர்-போல்ட் இணையதளத்தில் ஸ்மார்ட்வாட்ச் முழு விவரக்குறிப்புகளுடன் பட்டியலிடப்பட்டுள்ளது.

குறைந்த விலையில் வாய்ஸ் கால் அம்சத்துடன் ஸ்மார்ட் வாட்சா?

பீஜ், கருப்பு, நீலம், சாம்பல் வெள்ளை மற்றும் சிவப்பு இது 5 வண்ண விருப்பங்களில் வருகிறது. நினைவுகூர, ஃபயர்-போல்ட் கடந்த வாரம் ஊடகத்திற்கு ஃபயர் போல்ட் கால் ஸ்மார்ட் வாட்ச் சாதனத்தை இந்தியாவில் இந்த வாரம் அறிமுகப்படுத்தும் என்பதை உறுதிப்படுத்தியது. மேலும், அதற்கான நேரம் வந்துவிட்டது போல் தெரிகிறது. இந்த விலையில் தற்போது சந்தையில் கிடைக்கக் கூடிய பெரும்பாலான ஸ்மார்ட் வாட்ச் சாதனங்களில் வாய்ஸ் கால்ஸ் பேசுவதற்கான அம்சம் இல்லை என்பது குறிப்பிடத்தக்கது.

ஃபயர்-போல்ட் கால் ஸ்மார்ட் வாட்ச் விவரக்குறிப்பு மற்றும் அம்சங்கள்

ஃபயர்-போல்ட் கால் ஒரு சதுர வடிவ டயலைக் கொண்டுள்ளது. இது ஒரு உலோக சட்டத்தால் சூழப்பட்ட 1.7' இன்ச் அளவு கொண்ட HD டிஸ்பிளேவை கொண்டுள்ளது. இந்த வாட்ச் ஒரு ஹனி கோம்பு இடைமுகத்துடன் வருகிறது. இது எளிதாகச் செயல்படும் அம்சத்தைக் கொண்டுள்ளது. இந்த ஸ்மார்ட் வாட்ச் கைக்கடிகாரம் ஒன்றுக்கொன்று மாற்றக்கூடிய சிலிகான் பட்டைகளுடன் வருகிறது. இந்த அணியக்கூடிய ஸ்மார்ட் வாட்ச் புளூடூத் வழியாகச் செயல்படும் அழைப்பு அம்சங்களுடன் வருகிறது.

மைக் மற்றும் ஸ்பீக்கர் உடன் வரும் ஃபயர்-போல்ட் கால் வாட்ச்

சமீபத்திய அழைப்புகளுக்கான அணுகல், உங்கள் தொலைப்பேசியின் காண்டாக்ட்களை ஒத்திசைக்கும் திறன் மற்றும் ஸ்மார்ட்வாட்சிலிருந்து நேரடியாக அழைப்புகளை மேற்கொள்ளும் மற்றும் பெறும் திறன் போன்ற பல அழைப்பு அம்சங்களைக் கொண்ட டயல் பேடைக் இது கொண்டுள்ளது. இந்த கடிகாரம் உள்ளமைக்கப்பட்ட ஸ்பீக்கர் மற்றும் மைக்ரோஃபோனையும் கொண்டுள்ளது. உள்ளமைக்கப்பட்ட ஸ்பீக்கரின் விளைவாக, ஸ்மார்ட்வாட்சிலிருந்து நேரடியாக இசையை இயக்கவும் பயனர்களுக்கு விருப்பம் உள்ளது என்பது கவனிக்கத்தக்கது.

ஃபயர்-போல்ட் கால் வாட்ச் அம்சங்கள்

ஃபயர்-போல்ட் கால் ஓட்டம், கூடைப்பந்து, பூப்பந்து மற்றும் சைக்கிள் ஓட்டுதல் உள்ளிட்ட 8 ஸ்போர்ட்ஸ் மோடுகளைக் கொண்டுள்ளது. இது கிளவுட் சேவையில் இருந்து அணுகக்கூடிய பல வாட்ச் ஃபேஸ்களுடன் வருகிறது. இந்த ஸ்மார்ட்வாட்சில் SpO2 மானிட்டர், 24 மணிநேர இதய துடிப்பு மானிட்டர், தூக்க கண்காணிப்பு மற்றும் உடற்பயிற்சி கண்காணிப்பு, கலோரி டிராக்கர், மாதவிடாய் நினைவூட்டல் மற்றும் தூக்க மானிட்டர் உள்ளிட்ட பல உடற்பயிற்சி அம்சங்களைக் கொண்டுள்ளது.

ஃபயர்-போல்ட் கால் வாட்ச் பேட்டரி விபரம்

வானிலை முன்னறிவிப்பு அம்சம் மற்றும் கேமரா மற்றும் அலாரத்திற்கான ரிமோட் கண்ட்ரோல் அம்சம் கூட இதில் உள்ளது. இந்த ஃபயர்-போல்ட் கால் ஸ்மார்ட்வாட்ச் 270 எம்ஏஎச் பேட்டரி திறன் கொண்டது. இது 24 மணிநேரம் வரை ப்ளூடூத் அழைப்பை வழங்கக் கூடிய திறனைக் கொண்டுள்ளது. புளூடூத் அழைப்பு அம்சம் பயன்படுத்தப்படவில்லை என்றால், அணியக்கூடிய தயாரிப்பாளர்கள் வாட்ச் ஒரு முறை சார்ஜ் செய்தால் 8 நாட்கள் வரை நீடிக்கும் என்று நிறுவனம் கூறியுள்ளது. இந்த ஃபயர்-போல்ட் கால் ஸ்மார்ட் வாட்ச் கடிகாரம் IP67 நீர் மதிப்பீட்டைக் கொண்டுள்ளது.

குறைந்த விலையில் இப்படி ஒரு ஸ்மார்ட் வாட்சா?

புதிதாக ஸ்மார்ட் வாட்ச் வாங்க வேண்டும் என்ற எண்ணம் இருப்பவர்கள், இந்த புதிய ஃபயர்-போல்ட் கால் ஸ்மார்ட் வாட்ச் பற்றி முழுமையாக அறிந்துகொள்வது சிறப்பானது. இந்த சாதனம் மற்ற நிறுவனத்தின் ஸ்மார்ட் வாட்ச்கள் போல் அல்லாமல், அழைப்பு பேசுவதற்கும் பெறுவதற்குமான அம்சத்துடன் வருகிறது என்பது குறிப்பிடத்தக்கது. இந்தியச் சந்தையில் தற்போது வாங்குவதற்குக் கிடைக்கும் மலிவு விலை ஸ்மார்ட் வாட்சில் அழைப்பு அம்சம் இல்லை என்பது குறிப்பிடத்தக்கது. அழைப்பு அம்சத்துடன் கூடிய முன்னணி நிறுவனத்தின் ஸ்மார்ட் வாட்ச்கள் ரூ.15,000 திற்கு மேல் செல்கிறது என்பது குறிப்பிடத்தக்கது. ஆனால், இது வெறும் ரூ. 4,499 விலையில் கிடைக்கிறது.