Zoom-ஐ விடுங்க மக்களே பேஸ்புக்கின் புதிய வசதி அறிமுகம்.! என்ன தெரியுமா?

தற்போது இந்த வீடியோ கால் சேவைகளின் தேவையை அறிந்து பல முன்னணி டெக் நிறுவனங்களும் தங்கள் சேவைகளைப் புதிப்பித்தும் பல புதிய சேவைகளை அறிமுகப்படுத்தியும் வருகின்றன. அந்தவகையில் கூகுள் நிறுவனம் தனது Hangouts செயலியை மேம்படுத்தி Google Meet என சிறப்பான வசதிகளுடன் வெளியிட்டுள்ளது.

மேலும் Zoom-செயலிக்கு போட்டியாக பேஸ்புக் நிறுவனமும் தனது பொழுதுபோக்கு செயலியான Facebook Gaming செயலியைக் கடந்த வாரம்
அறிமுகம் செய்தது. தற்போது பேஸ்புக் மற்றொரு சேவையுடன் களத்தில் இறங்கியுள்ளது. அது என்னவென்றால், பேஸ்புக்தனது சாட்டிங் செயலியான Messenger-ல் வீடியோ காலிங் வசதிக்கான புதிய அப்டேட் ஒன்றை வழங்கியுள்ளது.

அதன்படி மெசென்ஜரை அப்டேட் செய்த பின் வீடியோ கான்ஃபரன்ஸிங் செய்வதற்கான வசதி செயலியில் இருக்கும்எனத் தெரிவிக்கப்பட்டுள்ளது. இது தற்போது குறிப்பிட்ட பேஸ்புக் பயனர்களுக்கு மட்டுமே வழங்கப்பட்டுள்ளது எனத்
தெரிவிக்கப்பட்டுள்ளது.

குறிப்பாக இந்தியாவுக்கு இந்த வசதி தரப்பட்டுள்ளதா என சோதனை செய்தபோது, ஆண்ட்ராய்டு மற்றும் டெஸ்க்டாப்
இரண்டிலும் வீடியோ கான்ஃபரன்ஸிங் வசதி தரப்படவில்லை. மேலும் கூடிய விரைவில் அனைத்துப் பயனர்களுக்கும் இந்த
சேவை அளிக்கப்படும் எனக் கூறப்பட்டுள்ளது. இந்தப் புதிய வசதியில் 50 பேர் வரை ஒரு சாட்டிங் ரூமில் இணைத்துக்கொள்ளலாம் எனத் தெரிவித்துள்ளது பேஸ்புக்.

பேஸ்புக் நிறுவனம் ஏற்கெனவே பிரைவசி சார்ந்த பல சர்ச்சைகளில் சிக்கியுள்ளது, இந்த நிலையில் Zoom-க்கான மாற்று என பேஸ்புக் இருக்க வேண்டுமென்றால், பேஸ்புக் அளிக்கும் இந்த வசதியில் பிரைவசி சார்ந்த பிரச்னைகள் இருக்கக் கூடாது,இதற்கு ஃபேஸ்புக் தரப்பிலிருந்து அளிக்கப்பட்ட பதிலில், பயனர்கள் வீடியோ கான்ஃபரன்ஸிங் வசதியைப் பயன்படுத்தும்போது அவை யாவும் கண்காணிக்கப்படாது எனத் தெரிவித்துள்ளனர்.

Zoom-செயலியும் அன்மையில் பல்வேறு சர்ச்சைகளில் சிக்கியுள்ளது, எனவே பல்வேறு மக்கள் இந்த செயலியை பயன்படுத்துவதில்லை,எனவே பேஸ்புக் கொண்டுவந்துள்ள இந்த புதிய வசதி பாதுகாப்புடன் செயல்படும் என்றால், மக்களிடம் நல்ல வரவேற்ப்பு இருக்கும்.