Just In
- 3 hrs ago வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- 4 hrs ago Aadhaar Update Cost: இனி ஆதார் அட்டையில் பெயர், முகவரி, போட்டோ மாற்ற கட்டணம்.. எவ்வளவு தெரியுமா?
- 5 hrs ago சீன வாட்ச்களை சுளுக்கு எடுத்த இந்திய கம்பெனி.. விலை கம்மி ஆனா 8 நாள் பேட்டரி, கொரில்லா கிளாஸ் 3, IP68 இருக்கு!
- 5 hrs ago Paytm-க்கு இனி எல்லாம் புதுசு.. UPI பேமெண்ட் அதுல தான்.. 10 நாட்களுக்கு வருது.. பேடிஎம் சிஇஓ அறிவிப்பு!
Don't Miss
- Sports IPL 2024 :"போர் வீரன்" ஆட்டத்தால் தோல்வியடைந்த சிஎஸ்கே.. கடைசி 5 ஓவரில் நடந்த மேஜிக்.. லக்னோ வெற்றி
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- News காங்கிரஸ் வென்றால்.. நமது நாட்டில் ஷரியா சட்டத்தை அமல்படுத்துவார்கள்.. யோகி ஆதித்யநாத் பகீர்
- Automobiles இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
செவ்வாய் கிரகம்: ஒருவழியாக 'அதை' கண்டறிந்த விஞ்ஞானிகள்! பூமியை விடவும் பல மடங்கு பெரியது மற்றும் ஆழமானது.!
ராஸ்க்கோமாஸ் எக்ஸோமார்ஸ் டிரேஸ் கேஸ் ஆர்பிட்டர் (ESA-Roscosmos ExoMars Trace Gas Orbiter) செவ்வாய் கிரகத்தின் வியத்தகு பள்ளத்தாக்கு அமைப்பான வால்ஸ் மரைனெரிஸ் (Valles Marineris) இன் மையத்தில் குறிப்பிடத்தக்க அளவு தண்ணீரைக் கண்டறிந்துள்ளது. செவ்வாய் கிரகத்தின் மேற்பரப்பிற்கு அடியில் மறைந்திருக்கும் நீர், ட்ரேஸ் கேஸ் ஆர்பிட்டரின் (டிஜிஓ) FREND கருவியால் கண்டுபிடிக்கப்பட்டுள்ளது. இது செவ்வாய் கிரகத்தின் மண்ணின் மேல்பகுதியில் உள்ள ஹைட்ரஜனை கண்டறிந்துள்ளது. செவ்வாய் கிரகத்தின் நீர் உள்ளடக்கத்தின் அளவை இது வரைபடமாக்கியுள்ளது.
செவ்வாய் கிரகத்தில் மற்றொரு பகுதியில் நீர் இருப்பது உறுதியானதா?
செவ்வாய் கிரகத்தில் நீர் இருப்பதாக அறியப்பட்டாலும், பெரும்பாலானவை கிரகத்தின் குளிர் துருவப் பகுதிகளில் பனிக்கட்டிகளாகக் காணப்படுகின்றன என்பதை இதற்கு முந்தைய ஆராய்ச்சிகள் நமக்குத் தெரியப்படுத்தியிருந்தாலும், செவ்வாயின் பூமத்திய ரேகைக்கு அருகில் உள்ள மேற்பரப்பில் நீர் பனி வெளிப்படுவதில்லை, ஏனெனில் இங்குள்ள வெப்பநிலைகள் வெளிப்படும் நீர் பனி நிலையானதாக இருக்க போதுமான குளிராக இல்லை என்று கூறப்படுகிறது.
விஞ்ஞானிகளின் சந்தேகம் சரியானது தானா?
ESA வின் மார்ஸ் எக்ஸ்பிரஸ் உள்ளிட்ட பணிகள் மேற்பரப்பிற்கு அருகில் உள்ள நீரை வேட்டையாடும் ஆராய்ச்சியை மேற்கொள்ளப்படுகிறது. மண்ணில் உள்ள தூசிகளில் நீர் பனி மூடியபடி அல்லது கனிமங்களில் அடைத்து வைத்திருக்க வாய்ப்புள்ளது. செவ்வாய் கிரகத்தின் குறைந்த அட்சரேகைகளில், சிறிய அளவுகளை விஞ்ஞானிகள் கண்டறிந்தனர். இருப்பினும், அத்தகைய ஆய்வுகள் கிரகத்தின் மேற்பரப்பை மட்டுமே ஆராய்ந்தன; தூசியால் மூடப்பட்ட ஆழமான நீர் பள்ளத்தாக்குகள் செவ்வாய் கிரகத்தில் இருக்கலாம் என்று விஞ்ஞானிகளை இதைச் சந்தேகிக்கத் தூண்டியது.
செவ்வாய் கிரகத்தில் மறைந்திருக்கும் நீர் சோலைகள்
"டிஜிஓ மூலம் இந்த தூசி படிந்த அடுக்குக்குக் கீழே ஒரு மீட்டர் வரை கீழே பார்க்கப்பட்டது, செவ்வாய் கிரகத்தின் மேற்பரப்பிற்குக் கீழே உண்மையில் என்ன நடக்கிறது என்பதைப் பார்க்க இது உதவும். மேலும், முக்கியமாக, முந்தைய கருவிகளால் இதுவரை கண்டறிய முடியாத நீர் நிறைந்த 'சோலைகளை' இது கண்டுபிடிக்க அனுமதிக்கும் என்று இகோர் மிட்ரோஃபனோவ் கூறியுள்ளார். ரஷ்யாவின் மாஸ்கோவில் உள்ள ரஷ்ய அறிவியல் அகாடமியின் விண்வெளி ஆராய்ச்சி நிறுவனத்தின்; புதிய ஆய்வின் முதன்மை ஆசிரியர் இவர் என்பது குறிப்பிடத்தக்கது.
பைன் ரெசொலூஷன் எபிதெர்மல் நியூட்ரான் டீடெக்டார் (FREND)
பைன் ரெசொலூஷன் எபிதெர்மல் நியூட்ரான் டீடெக்டார் (FREND - Fine Resolution Epithermal Neutron Detector) நியூட்ரான் தொலைநோக்கியின் முதன்மை ஆய்வாளரும் இவராவார். பிரமாண்டமான வால்ஸ் மரைனெரிஸ் பள்ளத்தாக்கு அமைப்பில் வழக்கத்திற்கு மாறாக அதிக அளவு ஹைட்ரஜன் உள்ள பகுதியை FREND சமீபத்தில் வெளிப்படுத்தியுள்ளது. நாம் பார்க்கும் ஹைட்ரஜன் நீர் மூலக்கூறுகளுடன் பிணைக்கப்பட்டுள்ளது என்று கருதினால், இந்த பிராந்தியத்தில் மேற்பரப்புக்கு அருகிலுள்ள பொருட்களில் சுமார் 40 சதவீதத்திற்கும் அதிகமாகத் தண்ணீர் இருப்பதாகத் தோன்றுகிறது.
பூமியில் எந்த இடத்திற்கு போகணும் மட்டும் சொல்லுங்க.. வெறும் 1 மணிநேத்தில் பிளைட்டில் கூட்டி போறோம்..
செவ்வாய் கிரகத்தின் மண்ணில் காணப்படும் ஹைட்ரஜன் ஒளி
செவ்வாயில் உள்ள இந்த நீர் வளம் நிறைந்த பகுதி, நெதர்லாந்தின் அளவுக்கு நிகரானது என்று விஞ்ஞானிகள் கூறுகின்றனர். செவ்வாய் கிரகத்தில் நீருக்கான நமது வேட்டையில் நம்பிக்கைக்குரியதாகக் கருதப்படும் பள்ளத்தாக்கு அமைப்பின் ஒரு பகுதியான கண்டார் கேயாஸ் (Candor Chaos) இன் ஆழமான பள்ளத்தாக்குகளுடன் ஒப்பிடப்படுகிறது. இகோர் மற்றும் அவரின் சகாக்கள் மே 2018 முதல் பிப்ரவரி 2021 வரையிலான FREND அவதானிப்புகளை ஆய்வு செய்தனர். இது செவ்வாய் கிரகத்தின் மண்ணின் ஹைட்ரஜன் உள்ளடக்க ஒளியைக் காட்டிலும் நியூட்ரான்களைக் கண்டறிந்து வரைபடமாக்கியது.
செவ்வாயில் உள்ள வறண்ட மண் மற்றும் ஈரமான மண்
விண்மீன் காஸ்மிக் கதிர்கள்' எனப்படும் அதிக ஆற்றல் வாய்ந்த துகள்கள் செவ்வாய் கிரகத்தைத் தாக்கும் போது நியூட்ரான்கள் உருவாகின்றன. செவ்வாயில் உள்ள வறண்ட மண், ஈரமான மண்ணை விட அதிக நியூட்ரான்களை வெளியிடுகிறது. எனவே அது வெளியிடும் நியூட்ரான்களைப் பார்த்து ஒரு மண்ணில் எவ்வளவு தண்ணீர் உள்ளது என்பதை நாம் அறியலாம், என்று ரஷ்ய அகாடமி ஆஃப் சயின்ஸின் விண்வெளி ஆராய்ச்சி நிறுவனத்தின் இணை ஆசிரியர் அலெக்ஸி மலகோவ் கூறுகிறார்.
வால்ஸ் மரைனெரிஸின் மையப் பகுதி முழுவதும் தண்ணீரா?
FREND இன் தனித்துவமான கண்காணிப்பு நுட்பம், இந்த வகையின் முந்தைய அளவீடுகளை விட அதிக இடஞ்சார்ந்த தெளிவுத்திறனைக் கொண்டுவருகிறது. இது முன்பு காணப்படாத நீர் அம்சங்களை இப்போது பார்க்க உதவுகிறது. "வால்ஸ் மரைனெரிஸின் மையப் பகுதி முழுவதும் தண்ணீர் நிரம்பியிருப்பதை விஞ்ஞானிகள் கண்டறிந்துள்ளனர். விஞ்ஞானிகள் எதிர்பார்த்ததைச் செவ்வாயில் அதிக தண்ணீர் கண்டறியப்பட்டுள்ளது. இது பூமியின் பெர்மாஃப்ரோஸ்ட் பகுதிகளைப் போன்றது என்றும் விஞ்ஞானிகள் கூறியுள்ளனர்.
பனி வடிவில் மற்றும் மற்ற தாதுகளுடன் செவ்வாயில் நீர் இருக்கிறதா?
இது நிலையான குறைந்த வெப்பநிலையின் காரணமாக வறண்ட மண்ணின் கீழ் நீர் பனி நிரந்தரமாக நீடிக்கிறது என்று விஞ்ஞானிகள் கூறியுள்ளனர். இந்த நீர், பனி வடிவில் இருக்கலாம் அல்லது மண்ணில் உள்ள மற்ற தாதுகளுடன் வேதியியல் ரீதியாகப் பிணைக்கப்பட்ட நீராக இருக்கலாம், ஆனால் நீர் ஆதாரம் இருப்பதற்கான ஆதாரங்கள் நம்மிடம் இப்போது கிடைத்துள்ளது. இருப்பினும், மற்ற அவதானிப்புகள் செவ்வாய் கிரகத்தின் இந்த பகுதியில் காணப்படும் தாதுகள் பொதுவாக ஒரு சில சதவீத நீரைக் கொண்டிருக்கின்றன, இந்த புதிய அவதானிப்புகளால் நிரூபிக்கப்பட்டதை விட மிகக் குறைவு.
செவ்வாய் கிரகத்தில் உள்ள நீர் பனிகளுக்கு என்னவாகிறது?
ஒட்டுமொத்தமாக, இந்த நீர் பனி வடிவில் இருப்பதாக நாங்கள் நினைக்கிறோம், என்கிறார் அலெக்ஸி. பூமத்திய ரேகைக்கு அருகில் உள்ள வெப்பநிலை மற்றும் அழுத்த நிலைகள் காரணமாகச் செவ்வாய்க் கிரகத்தின் இந்த பகுதியில் நீர் பனி பொதுவாக ஆவியாகிறது. வேதியியல் ரீதியாகப் பிணைக்கப்பட்ட தண்ணீருக்கும் இது பொருந்தும். தாதுகள் தண்ணீரை இழக்காமல் இருக்க வெப்பநிலை, அழுத்தம் மற்றும் நீரேற்றம் ஆகியவற்றின் சரியான கலவை இருக்க வேண்டும். நீரைப் பாதுகாக்க வால்ஸ் மரைனெரிஸில் சில சிறப்பு, இன்னும் தெளிவற்ற நிலைமைகள் இருக்க வேண்டும் அல்லது அது எப்படியாவது நிரப்பப்படுகிறது என்று இது அறிவுறுத்துகிறது.
செவ்வாயில் நாம் எந்த வகையான தண்ணீரைக் கையாளுகிறோம்?
இந்த கண்டுபிடிப்பு ஒரு அற்புதமான முதல் படியாகும், ஆனால் நாம் எந்த வகையான தண்ணீரைக் கையாளுகிறோம் என்பதைத் தெரிந்துகொள்ளக் கூடுதல் அவதானிப்புகள் தேவை என்று நெதர்லாந்தில் உள்ள ESA இன் ESTEC இன் ஆய்வு இணை ஆசிரியரான ஹக்கேன் ஸ்வேதம் மற்றும் முன்னாள் ESA திட்ட விஞ்ஞானி கூறுகிறார்கள். முடிவுகளைப் பொருட்படுத்தாமல், செவ்வாய் கிரகத்தின் மேற்பரப்பிற்குக் கீழே 'பார்க்க' எங்களுக்கு உதவுவதில் TGO இன் கருவிகளின் செயலோடு,செவ்வாய் கிரகத்தின் இந்த பகுதியில் ஒரு பெரிய, மிக ஆழமற்ற, எளிதில் சுரண்டக்கூடிய நீர்த்தேக்கத்தை இந்த ஆராய்ச்சி வெளிப்படுத்தியுள்ளது.
செவ்வாய் கிரகத்தின் எதிர்கால ஆராய்ச்சிகளில் என்ன நடக்கும்?
எதிர்கால ஆய்வுகள் பற்றி பார்க்கையில், செவ்வாய் கிரகத்திற்கான பெரும்பாலான எதிர்கால பயணங்கள் குறைந்த அட்ச ரேகைகளில் தரையிறங்கத் திட்டமிட்டுள்ளதால், அத்தகைய நீர்த்தேக்கத்தை இங்கே கண்டுபிடிப்பது எதிர்கால ஆய்வுக்கு ஒரு அற்புதமான வாய்ப்பாகும். செவ்வாய் கிரகத்தின் நடு அட்சரேகைகளில், செவ்வாயின் தென் துருவத்தின் கீழ் ஆழமான திரவ நீரின் குளங்களுடன், மார்ஸ் எக்ஸ்பிரஸ் நிலத்தடியில் ஆழமான நீரின் குறிப்புகளைக் கண்டறிந்தாலும், இந்த சாத்தியக்கூறுகள் தரைக்குக் கீழே சில கிலோமீட்டர்கள் வரை உள்ளன என்பது குறிப்பிடத்தக்கது.
எதிர்கால மனித ஆய்வுப் பணிகளுக்கு நம்பிக்கையான இலக்கு
இந்த கண்டுபிடிப்பு வாலஸ் மரைனெரிஸை எதிர்கால மனித ஆய்வுப் பணிகளுக்கு இன்னும் நம்பிக்கைக்குரிய இலக்காக மாற்றியுள்ளது. சூரிய குடும்பத்தில் உள்ள மிகப்பெரிய பள்ளத்தாக்கு, Valles Marineris செவ்வாய் கிரகத்தின் மிகவும் வியத்தகு நிலப்பரப்பாகும். இது பெரும்பாலும் பூமியின் கிராண்ட் கேன்யனுடன் ஒப்பிடப்படுகிறது. இது பூமியின் கிராண்ட் கேன் போல் பத்து மடங்கு நீளமாகவும் ஐந்து மடங்கு ஆழமாகவும் இருக்கிறது. இந்த முடிவு உண்மையில் கூட்டு ESA-Roscosmos ExoMars திட்டத்தின் வெற்றியை நிரூபிக்கிறது.
செவ்வாய் கிரகத்தில் இருந்த தண்ணீருக்கு என்ன நடந்தது?
இன்றைய செவ்வாய் கிரகத்தில் நீர் எப்படி, எங்கு உள்ளது என்பதைப் பற்றி மேலும் தெரிந்துகொள்வது, செவ்வாய் கிரகத்தின் ஒரு காலத்தில் ஏராளமாக இருந்த தண்ணீருக்கு என்ன நடந்தது என்பதைப் புரிந்துகொள்வது போன்ற முக்கியமான கேள்விகளுக்கு எதிர்கால ஆராய்ச்சிகள் பதிலளிக்கும் என்று நம்பப்படுகிறது. செவ்வாயில் வாழக்கூடிய சூழல்கள், கடந்தகால வாழ்க்கையின் சாத்தியமான அறிகுறிகள் மற்றும் செவ்வாய் கிரகத்தின் ஆரம்ப நாட்களில் இருந்த கரிமப் பொருட்கள் ஆகியவற்றைத் தேட இந்த ஆராய்ச்சிகள் உதவுகிறது என்று கூறப்பட்டுள்ளது. செவ்வாய் கிரகத்தில் எப்போதாவது உயிர் இருந்ததா என்பதைப் புரிந்துகொள்வதற்கு அனைவரும் ஒன்றிணைந்து செயல்படுவார்கள்.
-
54,999
-
36,599
-
39,999
-
38,990
-
1,29,900
-
79,990
-
38,900
-
18,999
-
19,300
-
69,999
-
79,900
-
1,09,999
-
1,19,900
-
21,999
-
1,29,900
-
12,999
-
44,999
-
15,999
-
7,332
-
17,091
-
29,999
-
7,999
-
8,999
-
45,835
-
77,935
-
48,030
-
29,616
-
57,999
-
12,670
-
79,470