என்ஜினீயரிங் கல்லூரிகளில் புது மாற்றம்.. Aadhaar அங்கீகாரம் பெற்ற ID கார்டு.. போலிகளை காலி செய்ய திட்டம்!

அகில இந்திய தொழில்நுட்பக் கல்வி கவுன்சில் (All India Council for Technical Education - AICTE) ஆனது பொறியியல் கல்லூரிகள் மற்றும் பிற நிறுவனங்களுக்கான ஆதார் அங்கீகாரம் பெற்ற ஐடி கார்டுகளை (Aadhaar-authenticated ID) அமல்படுத்த உள்ளது. யாருக்கெல்லாம் இந்த ஐடி கிடைக்கும்? ஏன் இந்த திடீர் நடவடிக்கை? வாருங்கள் விரிவாக பார்க்கலாம்.

பொறியியல் கல்லூரிகள் மற்றும் பிற நிறுவனங்களில் போலி ஆசிரியர் உறுப்பினர்களை தடுக்கும் நோக்கத்தின் கீழ் அகில இந்திய தொழில்நுட்பக் கல்வி கவுன்சில் ஆனது, விரைவில் இந்தியா முழுவதும் உள்ள தொழில்முறை கல்லூரிகளில் பணிபுரியும் 6.5 லட்சம் ஆசிரியர்களுக்கும் ஆதார் அங்கீகாரம் பெற்ற அடையாள அட்டைகளை வழங்க திட்டமிட்டுள்ளது.

டைம்ஸ் ஆஃப் இந்தியாவிடம் (Times of India) பேசிய ஏஐசிடிஇ தலைவர் ஆன டி.ஜி. சீதாராம், ஆசிரியர் உறுப்பினர்களுக்கு புதிய அடையாள அட்டைகளை உருவாக்குவதற்கான அரசிதழ் அறிவிப்பை மத்திய கல்வி அமைச்சகம் வெளியிடும் என்று கூறியுள்ளார். இதற்காக நாங்கள் ஏற்கனவே இந்திய தனித்துவ அடையாள ஆணையத்தை (UIDAI) அணுகியுள்ளோம் அவர்கள் இந்த திட்டத்தை ஏற்றுக்கொண்டுள்ளனர். இது போலி ஆசிரியர் பிரச்சினையை நீக்கும் என்றும் சீதாராம் கூறியுள்ளார்.

நினைவூட்டும் வண்ணம் அண்ணா பல்கலைக்கழகம் ஆனது 2024 - 2025 ஆம் ஆண்டிற்கான பொறியியல் கல்லூரிகளால் சுமார் 2,000 ஆசிரியர் பணியிடங்கள் நிரப்பப்பட்டதாக தவறாகக் காட்டப்பட்டதை கண்டறிந்தது. இந்த ஆசிரியர்கள் ஒரே நேரத்தில் பல நிறுவனங்களில் பணிபுரிவதும் கண்டறியப்பட்டது. இதுவே ஏஐசிடிஇ-யின் இந்த புதிய மாற்றத்திற்கு முக்கிய காரணமாக பார்க்கப்படுகிறது.

இதோடு பொறியியல் இடங்களை அதிகரிப்பதற்கான வரம்பையும் ஏஐசிடிஇ நீக்கியுள்ளது, இதன் விளைவாக வளர்ந்து வரும் பகுதிகளில் உள்ள பல கல்லூரிகள் ஆனது அவற்றின் அனுமதிக்கப்பட்ட எண்ணிக்கையை அதிகரிக்கும் என்று எதிர்பார்ப்படுகிறது. பொறியியல் இடங்களை அதிகரிப்பதற்கான உச்சவரம்பை நீக்குவதால் ஏற்படும் தாக்கம் குறித்து கேட்டபோது "ஆசிரியர்களையும் நல்ல வேலைவாய்ப்புகளையும் வழங்கும் நல்ல நிறுவனங்கள் அதிக மாணவர்களைப் பெறும் என்று சீதாராம் பதிலளித்துள்ளார்

மாணவர்கள் பொறியியல் படிப்புகளில் சேருவதில் அதிக ஆர்வம் காட்டுவது குறித்த கேள்விக்கு, கேம்பஸ் பிளேஸ்மென்ட்ஸ் அதிகரிப்பதே இதற்கு காரணம் என்று கூறியுள்ளார். கல்லூரிகள் சமர்ப்பித்த தரவுகளின்படி, கம்பியூட்டர் சயின்ஸ் என்ஜினீயரிங் படிக்கும் மாணவர்களில் 95% பேர் கடந்த ஆண்டு வேலைவாய்ப்புகளை பெற்றனர், அதே நேரத்தில் மற்ற பிரிவுகள் 65% வேலைவாய்ப்புகள் பதிவு செய்யப்பட்டுள்ளன.

கம்பியூட்டர் தொடர்பான படிப்புகளில் ஆசிரியர் பற்றாக்குறையை சமாளிக்க, ஏஐசிடிஇ ஆனது பல்வேறு முயற்சிகளை எடுத்துள்ளது. அந்த முயற்சிகளை பற்றி எடுத்துரைத்த சீதாராம், வளர்ந்து வரும் பகுதிகளில் அவர்களுக்கு பயிற்சி அளிக்க ஏஐசிடிஇ ஆனது கோர் என்ஜினீயரிங் ஆசிரியர்களுக்கு முதுகலை சான்றிதழ் திட்டத்தை அறிமுகப்படுத்தியுள்ளது.

அவர்கள் இடமாற்றம் செய்யப்படுவதில்லை, ஆனால் ஒரு பாடத்தை முடித்த பிறகு ஒரு பாடத்தை எடுக்க அனுமதிக்கப்படுகிறார்கள். மேலும், வளர்ந்து வரும் பகுதிகளிலிருந்து தொழில் நிபுணர்களை ஈர்க்க பயிற்சித் துறையின் இணைப் பேராசிரியர்கள் மற்றும் பயிற்சித் துறையின் உதவிப் பேராசிரியர்களை அறிமுகப்படுத்தியுள்ளோம். அவர்கள் துறை வல்லுநர்கள் மூலம் ஆசிரியர்களுக்கான தேவையில் 20% வரை நிரப்ப முடியும் என்று கூறியுள்ளார்

பயிற்சிப் பேராசிரியர்களுக்கு 15 ஆண்டுகள் அனுபவம் தேவை என்றாலும், பயிற்சிப் பேராசிரியர் மற்றும் இணைப் பேராசிரியர்களுக்கு முறையே 5 ஆண்டுகள் மற்றும் 8 ஆண்டுகள் அனுபவம் தேவை, இது வளர்ந்து வரும் பகுதிகளிள் உள்ள இது கல்லூரிகளில் தொழில் நிபுணர்களை பணி அமர்த்த உதவும்.

இதோடு சேர்த்து, மாணவர்களுக்கு தொழில் தொடர்பான தலைப்புகளை கற்பிக்க பாடத்திட்டத்தை தொடர்ந்து மேம்படுத்த வேண்டியதன் அவசியத்தையும் சீதாராம் வலியுறுத்தினார். ஐஐடிகள் மற்றும் இந்திய தேசிய பொறியியல் அகாடமியுடன் இணைந்து பொறியியல் ஆசிரியர்களின் திறனை மேம்படுத்துவதற்காக ஏஐசிடிஇ ஆனது பொறியியல் கல்வி சிறப்பு மையத்தையும் அறிமுகப்படுத்தியுள்ளது.

அடுத்த மூன்று ஆண்டுகளில் இரண்டாம் மற்றும் மூன்றாம் நிலை கல்லூரிகளில் உள்ள பொறியியல் கல்லூரிகளில் இருந்து 4,000 ஆசிரியர்களுக்கு பயிற்சி அளிக்க திட்டமிட்டுள்ளோம் என்றும் சீதாராம் கூறி உள்ளார்.