BSNL-ஐ பார்த்து ஆடிப்போன எலான் மஸ்க்.. யார் எல்லாம் BSNL சாட்டிலைட் சேவையில் இணையலாம்.. திட்டத்தின் விலை என்ன?

பாரத் சஞ்சார் நிகாம் லிமிடெட் (Bharat Sanchar Nigam Limited) தொலைத்தொடர்பு நிறுவனம் இந்தியாவில் அதன் புதிய சேவையை அறிமுகம் செய்துள்ளது. இந்தியாவின் ஒவ்வொரு மூலை முடிக்கிலும் உள்ள இந்திய மக்கள் அனைவருக்கும் நெட்வொர்க் இணைப்பு கிடைக்க வேண்டும் என்ற எண்ணத்தில், பிஎஸ்என்எல் (BSNL) நிறுவனம் இப்போது டைரக்ட்-டு-டிவைஸ் என்ற புதிய சாட்டிலைட் இணைப்பு சேவையை (direct-to-device satellite connectivity service) அறிமுகம் செய்துள்ளது. இந்தியாவிற்குள் Starlink சாட்டிலைட் சேவையை கொண்டு வர எலான் மஸ்க் ட்ரை செய்துக்கொண்டிருக்கும் நேரத்தில் BSNL-ன் இந்த அறிவிப்பு எலான் மஸ்க் கவனத்தையே ஈர்த்துள்ளது.

அரசாங்கத்திற்குச் சொந்தமான தொலைத்தொடர்பு ஆபரேட்டரான BSNL, கலிபோர்னியாவைச் சேர்ந்த தகவல் தொடர்பு தொழில்நுட்ப நிறுவனமான வியாசாட் (Viasat) உடன் இணைந்து, இந்தியாவில் முதல் நேரடி-சாதன செயற்கைக்கோள் இணைப்பு சேவையை (India's first direct-to-device satellite connectivity service) அறிமுகப்படுத்தியுள்ளது. பிஎஸ்என்எல் (BSNL) மற்றும் வியாசாட் (Viasat) ஆகிய இரு நிறுவனங்களும் நாட்டின் தொலைதூர மூலைகளில் உள்ள பயனர்களுக்கு தடையில்லா இணைப்பை வழங்குவதாக உறுதியளித்துள்ளன.

பிஎஸ்என்எல்-ன் புதிய சாட்டிலைட்-டு-டிவைஸ் சேவை (BSNL's Satellite-to-Device service):

இனி பிஎஸ்என்எல் D2D சேவையுடன் இணையும் வேட்க்கையாளர்கள் இந்தியாவின் எந்த மூலையில் இருந்தாலும் சரி, எந்தவொரு நெட்வொர்க் கவரேஜ் இல்லாத இடத்தில் இருந்தாலும் சரி, இனி எளிமையான நினைத்த நேரத்தில் தகவல் தொடர்பு சேவையை பயன்படுத்த முடியுமென்று கூறப்படுகிறது. BSNL அறிமுகம் செய்துள்ள இந்த புதிய சேவை எப்படி இயங்கும்? இதற்கென்று பிரத்தியேக SIM கார்டு தேவையா? இல்லையா?

நெட்வொர்க் இல்லாமல் எப்படி இணைப்பு ஏற்படும்? இந்த புதிய சாட்டிலைட் இணைப்பு சேவைக்கான கட்டணம் எவ்வளவு என்று பல கேள்விகள் மக்கள் மத்தியில் எழுந்துள்ளது. அதற்கான விடைகளை இந்த பதிவின் மூலம் தெரிந்துகொள்ளலாம் வாங்க. BSNL இன் புதிய சாட்டிலைட்-டு-டிவைஸ் சேவை (BSNL's Satellite-to-Device service) ஒரு செயற்கைக்கோள் இணைப்பு சேவையாகும். இது நாட்டின் தொலைதூர மற்றும் தனிமைப்படுத்தப்பட்ட பகுதிகளில் தகவல் தொடர்பு தடைகளை அகற்றுவதை நோக்கமாகக் கொண்டுள்ளது.

கிராமப்புறங்களில் கூட இனி செல்லுலார் நெட்வொர்க் தேவையில்லையா?

தொலைதூர கிராமங்களில் வசிக்கும் பயனர்கள் மற்றும் நெட்வொர்க் கவரேஜ் இல்லாத இடங்களில் வசிக்கும் மக்கள் இந்த புதிய செயற்கைக்கோள் சேவையுடன் இணைந்துக்கொள்ளலாம். அதேபோல், இந்த சேவையை பயன்படுத்தி மக்கள் செல்லுலார் அல்லது வைஃபை கவரேஜ் குறைவாக உள்ள பகுதிகளில் அவசர அழைப்புகள் (emergency calls), எஸ்ஓஎஸ் செய்தி (SOS messaging) அனுப்புதல் மற்றும் யுபிஐ (UPI) பேமெண்ட்டுகளை கூட மேற்கொள்ளலாம் என்று BSNL அறிவித்துள்ளது.

இந்த சேவைக்கு பயனர்கள் வழக்கமான செல்லுலார் நெட்வொர்க்குகளை (cellular network) நம்பியிருக்க வேண்டிய அவசியமில்லை. சரியாக சொல்ல வேண்டுமென்றால். சுமார் 36,000 கிமீ தொலைவில் உள்ள புவிசார் செயற்கைக்கோள்கள் (geostationary satellites) மூலம் இருவழித் தொடர்பை வழங்க இந்த புதிய BSNL சேவை நிலப்பரப்பு அல்லாத நெட்வொர்க் (non-terrestrial network - NTN) இணைப்பைப் பயன்படுத்துகிறது என்பது குறிபிடத்தக்கது.

பிஎஸ்என்எல்-ன் புதிய சாட்டிலைட்-டு-டிவைஸ் சேவைக்கு கட்டணம் எவ்வளவு?

அக்டோபர் 2024 இல், BSNL-ன் நேரடி செயற்கைக்கோள் இணைப்புக்கான சோதனைகள் ஏற்கனவே தொடங்கிவிட்டன. இந்தச் சேவையானது BSNL-ன் மூலம் இன்னும் 1 மாதத்தில் தொடங்கப்படும் என்று அறிவிக்கப்பட்டுள்ளது. BSNL Satellite-to-Device சேவை கட்டணம் குறித்த தகவலை நிறுவனம் இன்னும் வெளியிடவில்லை. அதேபோல், இந்த புதிய சாட்டிலைட் இணைப்பு சேவை ஏற்கனவே உள்ள திட்டங்களுடன் இணைக்கப்படுமா அல்லது தனி சந்தாக்கள் தேவையா என்பதையும் BSNL இன்னும் குறிப்பிடவில்லை.

மேலும், சாதனத்தின் இணக்கத்தன்மை மற்றும் விலை நிர்ணயம் குறித்த தெளிவான வழிகாட்டுதல்களை BSNL இன்னும் அதிகாரப்பூர்வாமாக அறிவிக்கவில்லை என்பது குறிப்பிடத்தக்கது. இந்த சேவை துவங்க இன்னும் 1 மாத காலம் மட்டுமே இருக்கும் நிலையில், விலை மற்றும் சேவை தொடர்பான தகவல்கள் விரைவில் வெளியாகும் என்று எதிர்பார்க்கப்படுகிறது. இந்தியாவிற்குள் ஸ்டார்லிங்க் சாட்டிலைட் சேவை உள்நுழைவதற்குள் BSNL அதன் சாட்டிலைட் சேவையை அறிமுகம் செய்துள்ளது எலான் மஸ்க்கிற்கு வியப்படைய செய்துள்ளது.