புதிய சர்ச்சை : ஏலியன்கள் அனுப்பிய 'மேசேஜ்கள்'..!

சர்ச்சை :

உலக நாடுகளுக்கு மத்தியில் அடிக்கடி மாபெரும் சர்ச்சைகளை கிளப்பும் எட்வார்ட் ஸ்னோடன் தற்போது ஏலியன்கள் அனுப்பிய மெஸேஜ்கள் பற்றிய சர்ச்சை ஒன்றை கிளப்பி உள்ளார்.

தகவல் :

எட்வார்ட் ஸ்னோடன், அமெரிக்காவின் என்எஸ்ஏ (NSA) சார்ந்த ரகசிய தகவல்களை அவ்வப்போது வெளியிடுபவர் என்பது குறிப்பிடத்தக்கது.

அமெரிக்கா :

தேசிய பாதுகாப்பு அமைப்பு (National Security Agency - NSA) என்பது அமெரிக்காவின் சமிக்கைப் புலனாய்வு அமைப்பாகும் என்பதும் குறிப்பிடத்தக்கது.

சந்திப்பு :

எட்வார்ட் ஸ்னோடன் சமீபத்தில் அண்டவெளி இயற்பியல் அறிவியலாளரான நெயில் டிகிராஸ்ஸி டைசன் உடன் சந்திப்பு ஒன்றை நிகழ்த்தினார்.

மெஸேஜ்கள் :

அந்த சந்திப்பில் ஏலியன்கள் நமக்கு கண்டிப்பாக மெஸேஜ்கள் அனுப்பி இருக்கும் ஆனால் அவைகளை நம்மால் கண்டுபிடிக்கவோ,புரிந்து கொள்ளவோ முடிவதில்லை என்று கூறியுள்ளார்.

காரணம் :

மேலும் ஏலியன் மெஸேஜ்கள் புரிந்து கொள்ளப்பட முடியாததற்க்கு காரணம் அந்த தகவல்கள் எல்லாம் மறைகுறியாக்கப்பட்ட (encrypted) தகவல்கள் என்றும் ஸ்னோடன் தெரிவித்துள்ளார்.

இரகசிய மொழி :

பல விதமான அதிநவீன முயற்சிகளை மேற்க்கொள்வதை விட, ஏலியன்கன் இரகசிய மொழியில் எழுதப்பட்டுள்ளதைக் கண்டுபிடித்தாலே வேற்றுகிரக வாசம் சார்ந்த விடயங்களை அறிந்து கொள்ள முடியும் என்கிறார் ஸ்னோடன்.

டிகோட் :

மேலும் அந்த மெஸேஜ்களை டிகோட் (Decode) செய்வது அவ்வளவு எளிதாக இருக்காது என்றும் கருத்து தெரிவித்து உள்ளார்.

புத்திசாலிகள் :

ஏனெனில் ஏலியன்கள் மிகவும் புத்திசாலிகள் அண்டத்தில் பிற உயிரினங்கள் இருப்பதை அறிந்து தான் அவைகள் மறைகுறியாக்கப்பட்ட மெஸேஜ்களை பரிமாறிக் கொள்கின்றன என்றும் அவர் கூறியுள்ளார்.

தொடர்பு :

அது மட்டுமின்றி ஏலியன்கள் பூமி கிரகத்தோடு தொடர்பு கொள்ள நினைத்தாலும், அதை புரிந்து கொள்ள முடியாத நிலையில் தான் மனித இனம் இருக்கின்றது என்றும் அவர் கூறியுள்ளார்.

பாதுகாப்பு :

பூமியில் இருப்பது போன்ற பாதுகாப்பு அம்சம் வேற்று கிரகத்திலும் உண்டு என்பதை நம்புகிறீர்களா என்ற டைசனின் கேள்விக்கு "இருக்கலாம்" என்று ஸ்னோடன் பதில் கூறியுள்ளார்..!

தவறு :

செயற்கை கோள்கள் மூலம் நாம் அனைத்தையும் கண்காணிக்கின்றோம் என்று நினைப்பது முற்றிலும் தவறு என்றும் ஸ்னோடன் கருத்து தெரிவித்து உள்ளார்.

ஏலியன் தேடல் :

மேலும் ஏலியன் சார்ந்த ஆய்வில் ஈடுபடும் டாக்டர் நாதெல்லே காப்ரோவும் ஏலியன் தேடல் சார்ந்த தன் கருத்தை பகிர்ந்து கொண்டுள்ளார்.

வளர்ச்சி :

நம்மை 1000 வருடங்கள் பழமை வாய்ந்த நாகரீகத்தை ஏலியன்கள் கொண்டிருந்தால் அவர்களின் தொழில்நுட்ப வளர்ச்சி அபாரமாக இருக்கும் என்று கூறியுள்ளார் டாக்டர் நாதெல்லே காப்ரோ.

நிலை :

ஏலியன்களின் தொடர்பு முறை என்ன, அதன் வளர்ச்சி நிலை என்ன என்று யாருக்கும் தெரியாது. ஆகையால் தான் அவர்களை அடைய முடியவில்லை என்றும் அவர் கூறியுள்ளார்..!

புதிர் :

மேலும் அவர் இதுவரை நமக்கு தெரிந்த தொடர்பு முறையில் தான் வேற்று கிரக வாசிகளை தொடர்பு கொள்ள விரும்பி தகவல்களை அனுப்பிக் கொண்டிருக்கிறோம், அவர்களுக்கு தெரிந்த முறை என்ன என்பது எப்போதும் புதிர் தான் என்றும் அவர் கூறியுள்ளார்..!

இதுவரை :

வாவ் சிக்னல் (Wow Signal) மட்டும் தான் இதுவரை கிடைத்த ஏலியன் சிக்னல்களிலேயே மிகவும் தெளிவான சிக்னல் என்பது குறிப்பிடத்தக்கது..!

சிக்னல் :

ஏலியன் சார்ந்த தேடல் ஆனது முழுக்க முழுக்க ரேடியோ மற்றும் ஆப்டிக்கல் சிக்னல்களில் தான் பெரும்பாலும் அடங்கி உள்ளது என்பது குறிப்பிடத்தக்கது..!

கானல் நீர் :

அப்படியாக ஏலியன்களின் மெஸேஜ்களையும் சிக்னல்களையும் புரிந்து கொள்ள முடியாத வரை வேற்றுகிரக வாசம் என்பது வெறும் கானல் நீர் தான் என்பது ஆராய்ச்சியாளர்களின் கருத்தாகும்.

தமிழ் கிஸ்பாட் :

மேலும் இதுபோன்ற தொழில்நுட்ப செய்திகளை உடனுக்குடன் பெற - தமிழ் கிஸ்பாட் ஃபேஸ்புக் பக்கம் மற்றும் தமிழ் கிஸ்பாட் வலைதளம்..!