அடடே! 32' இன்ச் மற்றும் 43' இன்ச் ஸ்மார்ட் டிவி விலை இவ்வளவு கம்மியா? புது டிவி வாங்க நீங்க ரெடியா?

Daiwa அறிமுகம் செய்த 2 புது ஸ்மார்ட் டிவி மாடல்கள்

Daiwa அறிமுகம் செய்துள்ள புதிய ஸ்மார்ட் டிவிகள் LED-backlit (DLED Panel) மற்றும் ஆண்ட்ராய்டு 9.0 இயங்குதளத்தில் இயங்குகிறது. இதில் 43 இன்ச் மாடல் மெட்டாலிக் பில்ட் மூலம் உருவாக்கப்பட்டுள்ளது. இந்த 32 இன்ச் மாடல் (D32HCVA1) ரூ.12,990 என்ற விலையிலும், 43 இன்ச் மாடல் (D43FCVA1) ரூ.22,990 என்ற விலையிலும் நிர்ணயம் செய்யப்பட்டுள்ளது.

12 மாத முழுமையான உத்தரவாதத்துடன் பட்ஜெட் விலையில் ஸ்மார்ட் டிவி

இந்த ஸ்மார்ட் டிவிகள் ஏற்கனவே இந்தியாவில் உள்ள முன்னணி சில்லறை விற்பனைக் கடைகளில் கிடைக்கிறது. இந்த புதிய ஸ்மார்ட் டிவிகள் 12 மாத முழுமையான உத்தரவாதத்துடன், கூடுதலாக 12 மாத உத்தரவாதம் பேனலின் மீது கிடைக்கின்றது. Daiwa, ஸ்மார்ட் டிவிகளின் வாய்ஸ் அசிஸ்டன்ட் மற்றும் புளூடூத் இணைப்பு போன்ற அம்சங்களும் கிடைக்கிறது.

32' இன்ச் மற்றும் 43' இன்ச் மாடலின் விலை இவ்வளவு குறைவா?

அதே அம்சங்களுடன் வாய்ஸ் அசிஸ்டன்ட் அல்லாத ஸ்மார்ட் டிவிகளின் இரண்டு புதிய மாறுபாடுகளையும் வெளியிட்டுள்ளது. இதன் படி D32HCA1 (32' இன்ச்) மற்றும் D43FCA1 (43' இன்ச்) ஆகிய இரண்டு மாடல்களின் விலை முறையே ரூ.12,490 மற்றும் ரூ.21,990 விலையில் கிடைக்கிறது. முன்னர் பார்த்த மாடல்களுக்கும் இப்போது நாங்கள் கூறிய மாடல்களுக்கும் ஏறக்குறைய வெறும் ரூ.500 முதல் ரூ.1,000 வரை மட்டுமே வித்தியாசம் என்பது கவனிக்கத்தக்கது.

Daiwa 32 இன்ச் மற்றும் 43 இன்ச் டிஸ்பிளே விபரம்

Daiwa 32 இன்ச் மாடல் 1366 x 768 பிக்சல் ரெசல்யூஷனுடன் வருகிறது. அதேபோல், 43 இன்ச் மாடல் 1920 x 1080 பிக்சல்கள் தீர்மானம் கொண்டது. இரண்டுமே A+ கிரேடு DLED பேனல் மற்றும் குவாண்டம் லுமினிட் தொழில்நுட்பம் மற்றும் 16.7 மில்லியன் வண்ணங்கள் கொண்ட டிஸ்பிளேவை கொண்டுள்ளது. Daiwa 43 இன்ச் 1.07 பில்லியன் வண்ணங்கள் ஸ்மார்ட் டிவிகள் ADS டிஸ்ப்ளேவை (அட்வான்ஸ்டு சூப்பர் டைமன்ஷன் சுவிட்ச்) ஆதரிக்கின்றன.

இணைப்பு மற்றும் ஆடியோ அம்சத்தின் விபரம்

இது அதிக தெளிவுத்திறன் கொண்ட வீடியோவை வழங்குகிறது. ஆடியோ தரத்தைப் பொறுத்தவரை, 32 இன்ச் மாடலில் 20W சரவுண்ட் சவுண்ட் ஸ்டீரியோ ஸ்பீக்கர்கள் மற்றும் 43 இன்ச் மாடலில் முழு HD ஸ்டீரியோ சரவுண்ட் சவுண்ட் பாக்ஸ் ஸ்பீக்கர்கள் மற்றும் 5 சவுண்ட் மோட்கள் வழங்கப்பட்டுள்ளது. இணைப்பு முகப்பில், 2 HDMI, 2 USB போர்ட்கள், ப்ளூடூத், வைஃபை, ஈதர்நெட், ஆப்டிகல் அவுட்புட் மற்றும் ஸ்கிரீன் மிரரிங்கிற்கான காஸ்ட் அம்சத்துடன் இவை வருகிறது.

Daiwa டிவியில் கொட்டிக் கிடக்கும் பொழுதுபோக்கு அம்சங்கள்

Daiwa இன் புதிய ஸ்மார்ட் டிவிகள் Cloud TV OS இல் இயங்குகின்றன. டிவிக்கள் Daiwa இன் தனியுரிமை UI ஆன 'The BIGWALL' உடன் வருகின்றது. இது டிவி, உலகளாவிய உள்ளடக்கம் மற்றும் பலவற்றில் பயன்பாடுகளின் தொகுப்பை வழங்குகிறது. UI ஆனது 25,00,000+ மணிநேர உள்ளடக்கத்தை வழங்குகிறது. மேலும், ஒவ்வொரு பயனருக்கும் ஏற்றவாறு பல தனித்துவமான வகைகள் மற்றும் மொழிகளில் மூவி பாக்ஸ் கொண்ட வரம்பற்ற இலவச திரைப்படங்களுடன்.

AI மற்றும் OTA மேம்படுத்தல் ஆதரவு

இந்த ஸ்மார்ட் டிவி Prime Video, Disney+ Hotstar, Sony Liv, Zee5, Voot, Sun Nxt, Jio Cinema, Jio Pages, Eros Now, Hungama, Alt Balaji, Shemaroo me, Epic on, Docubay, Yupp TV, Gemplex, Flickstree, Watcho, Chaupal, Adda மற்றும் பல சான்றளிக்கப்பட்ட பயன்பாடுகளும் இதில் உள்ளன. AI மற்றும் OTA மேம்படுத்தல்கள் ஸ்மார்ட் டிவிகளால் ஆதரிக்கப்படுகின்றன. கிளவுட் டிவியில் இயங்கும் ஸ்மார்ட் டிவிகள் ஆண்ட்ராய்டு 9.0 ஆப்பரேட்டிங் சிஸ்டம் மற்றும் ஏ-53 குவாட் கோர் ப்ராசசரில் இயங்குகின்றன.

Thomson ஆல்பா சீரிஸ் ஸ்மார்ட் டிவியின் விலை இன்னும் குறைவா?

மேலும்,இது 1 ஜிபி ரேம் மற்றும் 8 ஜிபி ரோம் இன்டெர்னல் ஸ்டோரேஜ் மற்றும் 60 ஹெர்ட்ஸ் புதுப்பிப்பு வீதத்துடன் உள்ளது. குறைந்த விலையில் பெஸ்டான ஸ்மார்ட் டிவி வாங்க நினைக்கும் வாடிக்கையாளர்கள் இந்த புதிய ஸ்மார்ட் டிவி மாடல்களை வாங்கி பயன்பெறலாம். இன்னும் குறைவான விலையில் 32' இன்ச் ஸ்மார்ட் டிவி மாடலை வாங்க விரும்பினால் Thomson ஆல்பா சீரிஸ் இன் இந்த மாடலையும் பாருங்கள்.