பப்ஜி மதனின் யூடியூப் சேனலை அதிரடியாக முடக்கம் செய்த சைபர்கிரைம் போலீசார்.!

குறிப்பாக ஆரம்பத்தில் மதனின் ஆபாசமான பேச்சுகளுக்கு கிடைத்தஒரு சில மோசமான வரவேற்பு டாக்ஸிக் மதன் 18+ என்கிற மற்றொரு யூடியூப் சேனலை தொடங்குவதற்கும் அடித்தளம் அமைத்திருக்கிறது. மதன் யூடியூப் சேனல்களில் பதிவேற்றியுள்ள பல வீடியோக்கள் ஆபாசத்தின் உச்சமாக இருக்கிறது என்றுதான் கூறவேண்டும். மேலும் தன்னோடு ஆன்லைனில் விளையாடும் சக போட்டியாளர்களை தரக்குறைவான வார்த்தைகளில் திட்டுவதை வாடிக்கையாகவே வைத்திருக்கிறார் மதன்.

குறிப்பாக Madan, Toxic Madan 18+, PUBG Madan Girl Fan, Richie Gaming YT போன்ற யூடியூப் சேனல்களில் தான் இவர் வீடியோக்களை வெளியிட்டு வந்தார்.

மதன் யூடியூப் சேனலில் அதிகப்படியாக 7 லட்சத்திற்கும் அதிக பார்வையாளர்களும், இதர சேனல்களில் 2 லட்ச பார்வையாளர்கள் இருந்து வந்தது. குறிப்பாக பெண்கள் குறித்து ஆபாசமாக பேசி சேனலில் வீடியோ வெளியிட்டு வந்த மதன் மீது கண்டனங்கள் கிளம்பியது. மேலும் மதன் மீது சென்னை மத்திய குற்றப்பிரிவு சைபர் கிரைம் போலீசாரிடம் புகார்கள் வந்தது.

அதன்பின்பு புகாரின் அடிப்படையில் மதன் மீது 4 பிரிவுகளின் கீழ் வழக்குபதிவு செய்து தேடி வந்தனர். பின்பு நீண்ட நாட்களாக தொழில்நுட்பத்தை பயன்படுத்தி தலைமறைவாக இருந்த மதனை தர்மபுரியில் கடந்த 18-ம் தேதி கைது செய்து சிறையில் அடைத்தனர்.

மேலும் இதற்குமுன்பே மதனின் மனைவி கிருத்திகாவை பிடித்து விசாரித்த போது, அவர் தான் சேனலுக்கு அட்மினாக இருந்தது தெரியவந்தது. எனவே கிருத்திகாவையும் கைது செய்து சிறையில் அடைத்தனர். பின்பு மதனின் அனைத்து யூடியூப் சேனல்களையும் முடக்ககோரி யூடியூப் நிறுவனத்திற்கு சென்னை சைபர் கிரைம் போலீசார் பரிந்துரை அனுப்பியிருந்தனர்.

இந்நிலையில் ஆபாசங்கள் நிறைந்த 7 லட்சம் சப்ஸ்கிரைபர் கொண்ட மதன் யூடியூப் சேனல் மற்றும் டாக்ஸிக் மதன் 18+ யூடியூப் சேனல் என 2 சேனல்களையும் சென்னை மத்திய குற்றப்பிரிவு சைபர் கிரைம் போலீசார் அதிரடியாக முடக்கம் செய்துள்ளனர். மீதமுள்ள இரண்டுசேனலையும் முடக்கம் செய்யும் பணியில் ஈடுபட்டு வருவதாக சைபர் கிரைம் போலீசார் தரப்பில் கூறப்படுகிறது. குறிப்பாக யூடியூப்நிறுவனம் சேனல்களை இதுவரை முடக்காததால் சைபர் கிரைம் போலீசாரே அதிரடி நடவடிக்கை எடுத்துள்ளனர்.