90's கிட்ஸ்க்கு பிரபலமான கான்ட்ரா ரிட்டர்ன்ஸ் கேம் மீண்டும் அறிமுகம்.. எந்த போனில் எல்லாம் எடுக்கும்..

90-களில் மிகவும் பிரபலமான கேமாக விளங்கிய கான்ட்ரா தற்பொழுது மீண்டும் புது பொலிவுடன் கான்ட்ரா ரிட்டர்ன் என்ற பெயரில் கேமிங் சந்தையில் தற்பொழுது அறிமுகம் செய்யப்பட்டுள்ளது. ஆம், நீங்கள் எதிர்பார்த்திடாத வகையில் இப்போது மிரட்டலான தோற்றத்துடன், புதுமையான 3D அனுபவத்துடன் இந்த கேம் தற்பொழுது பிரத்தியேகமாக ஸ்மார்ட்போன் பயனர்களுக்காக அறிமுகம் செய்யப்பட்டுள்ளது.

இந்த கேம் முன்னர் காலத்தில் வீடியோ கேம் கன்சோல்கள் மூலம் விளையாடக் கிடைத்தது என்பது குறிப்பிடத்தக்கது. நீண்ட இடைவெளிக்குப் பின்னர், கோணமி நிறுவனம் மீண்டும் இந்த கான்ட்ரா கேமை ஆண்ட்ராய்டு மற்றும் iOS தளங்களில் நிறுவனம் அறிமுகம் செய்துள்ளது. இந்த கேம் இப்போது யாருக்கெல்லாம் கிடைக்கிறது? எந்த நாட்டில் எல்லாம் அறிமுகம் செய்யப்பட்டுள்ளது? இந்த கேமை விளையாட ஸ்மார்ட்போன் பயனர்களின் ரேம் மாற்றம் ஸ்டோரேஜ் தேவை எவ்வளவு இருக்க வேண்டும் என்பது போன்ற தகவலைப் பார்க்கலாம்.

கான்ட்ரா ஒரு 8-பிட் விளையாட்டு மற்றும் டெவலப்பர்கள் கிராபிக்ஸ் மற்றும் விளையாட்டு அம்சங்களின் அடிப்படையில் அசல் விளையாட்டுடன் ஒட்டிக்கொள்ள முயல்வதாகக் கூறியுள்ளனர். இதனால், உயர்நிலை தொலைப்பேசி சாதனங்கள் தேவையில்லை என்று கிட்டத்தட்ட எல்லா மொபைல் பயனர்களும் கருதிவிட்டனர். ஆனால், விஷயம் அப்படியானது இல்லை. ஸ்மார்ட்போன்கள் கான்ட்ரா ரிட்டர்ன்ஸ் இயக்க சில குறிப்பிட்ட தேவைகள் இருக்கிறது என்று நிறுவனம் கூறியுள்ளது. இந்த அம்சங்கள் எல்லாம் உங்கள் போனில் இருந்தால், நீங்கள் கான்ட்ரா ரிட்டர்ன்ஸ் கேமை ஸ்மூத்தாக விளையாடலாம்.

முன்பே சொன்னது போல கான்ட்ரா ரிட்டர்ன்ஸ் அண்ட்ராய்டு மற்றும் iOS என இரண்டிலும் கிடைக்கிறது. கான்ட்ரா ரிட்டர்ன்ஸ் இயக்க பிளேயரின் மொபைல் கீழே குறிப்பிடப்பட்டுள்ள தேவைகளைப் பூர்த்தி செய்ய வேண்டும். முதலில் மொபைல் போனில் ஸ்னாப்டிராகன் 625 சிப்செட் அல்லது அதற்கு மேல் இயங்க கூடிய சிப்செட் அம்சம் இருக்க வேண்டும். ஸ்னாப்டிராகன் 625 க்கு சமமான வேறு எந்த சிப்செட்டை கொண்ட சாதனத்திலும் இந்த கேமை பயனர்கள் இயக்க முடியும்.

கான்ட்ரா ரிட்டர்ன்ஸ் கேமை இயக்க குறைந்தது 3 ஜிபி ரேம் அவசியம், ஆனால் மென்மையான விளையாட்டுக்காகப் பயனர்கள் 4 ஜிபி ரேம் கொண்ட கணினியில் விளையாட்டை இயக்க வேண்டும். கான்ட்ரா ரிட்டர்ன்ஸ் விளையாட்டு கிட்டத்தட்ட 1.2 ஜிபி ஸ்டோரேஜ்ஜை இடம்பிடிக்கிறது. வீரர்கள் சில கூடுதல் கோப்புகளையும் பதிவிறக்கம் செய்ய வேண்டும். இதனால்தான் கான்ட்ரா ரிட்டர்ன்ஸ் சீராக இயக்க உங்கள் மொபைலுக்கு குறைந்தபட்சம் 5 ஜிபி இடம் இருக்க வேண்டும்.

கான்ட்ரா ரிட்டர்ன்ஸ் 3D மற்றும் முழு எச்டியில் அதே பழைய 2D உலக கான்ட்ராவை அனுபவிக்க வீரர்களுக்கு உதவும். விளையாட்டை முழுமையாக அனுபவிக்க உங்கள் மொபைல் முழு எச்டி டிஸ்ப்ளே கொண்டிருக்க வேண்டும். இது 720p -யிலும் வீரர்கள் விளையாட்டை ரசிக்க முடியும் என்பதால் இது கட்டாயமில்லை. இந்த கேம் தற்பொழுது அமெரிக்காவில் அறிமுகம் செய்யப்பட்டுள்ளது. இந்தியக் கூகிள் பிளே ஸ்டோரில் இன்னம் கான்ட்ரா ரிட்டர்ன்ஸ் கிடைக்கவில்லை.ஆனால் இந்தியர்கள் நேரடியாக சர்வரில் இருந்து கேமை பதிவிறக்கம் செய்யலாம்.