தனி விண்வெளி நிலைய கட்டுமான பணிகள்: மூன்று வீரர்களை அனுப்பியது சீனா.!

சுருக்கமாக கூறவேண்டும் என்றால், சர்வதேச விண்வெளி நிலையத்திற்கு போட்டியாக சீனா தனியாக தியாங்காங் என்ற விண்வெளி நிலையத்தை உருவாக்கி வருகிறது. மேலும் இதன் மையப்பகுதியான ‘தியான்ஹெ' பெட்டகம் கடந்த ஏப்ரல் 26-ல் ஆட்களே இல்லாமல் விண்வெளிக்கு அனுப்பப்பட்டு வெற்றிகரமாக நிலை நிறுத்தப்பட்டது என்பது குறிப்பிடத்தக்கது.

அதன்பின்பு விண்வெளி நிலையத்தற்கு தேவைப்படும் எரிபொருள் உள்ளிட்ட பொருள்கள், விண்வெளி ஆடைகள், உணவு பொருள்களுடன் தியான்சோ 2 என்ற சரக்கு விண்கலத்தை சீனா அனுப்பியது. இந்த விண்கலம் விண்வெளி நிலையத்துடன் இணைந்தது.

அதனை தொடர்நது விண்வெளி நிலையம் கட்டுமான பணிகளை மேற்கொள்வதற்காக பயிற்சி பெற்ற மூன்று விண்வெளி வீரர்கள் இன்று அனுப்பப்பட்டுள்ளனர். குறிப்பாக லாங் மார்ச் 2எப் ராக்கெட் மூலம் ஷென்சூ-12 என்ற விண்கலத்தில் அந்த 3 விண்வெளி வீரர்களும் பயணித்தனர் என்பது குறிப்பிடத்தக்கது.

ராக்கெட் புறப்பட்ட சரியாக 10 நமிடங்களில் புவி வட்டப்பாதையை அடைந்ததும், வீரர்கள் இருந்த விண்கலம் தனியாக பிரிந்து விண்வெளி நிலையத்தை நோக்கி பயணித்தது. குறிப்பாக அந்த விண்கலம் விரைவில் விண்வெளி நிலையத்துடன் இணைக்கப்படும் எனத் தகவல்
வெளிவந்துள்ளது.

அதேபோல் 5 ஆண்டுகளுக்கு பின்பு சீனா விண்வெளிக்கு வீரர்களை அனுப்பி உள்ளது. மேலும் இந்த மூன்று வீரர்கள் சில மாதங்கள் தியான்ஹெ பெட்டகத்தில் தங்கி விண்வெளி நிலையத்தின் கட்டுமான பணிகளில் ஈடுபட உள்ளனர் என்பது குறிப்பிடத்தக்கது. அதேபோல் சிறந்த பாதுகாப்பு வசதி கொண்ட ஸ்பெஸ் சூட் எனப்படும் உடைகளை அணிந்து கொண்டு, பெட்டகத்தை விட்டு வெளியேறிபல மணி நேரங்கள் விண்வெளயில் மிதந்தபடி, கட்டுமான பணிகளை மேற்கொள்வார்கள் எனத் தகவல் வெளிவந்துள்ளது.

குறிப்பாக இந்த கட்டுமான பணிகளை மேற்கொள்வதற்காக அந்த மூன்று வீரர்களுக்கும் தேவையான பயிற்சிகள் கொடுக்கப்பட்டுள்ளது. மேலும் இப்போது அனுப்பியதை போலவே, அடுத்த ஆண்டு இறுதிக்குள் 10 முறை விண்வெளி நிலையத்திற்கு தேவையான பொருட்கள் மற்றும் ஆய்வு பணிக்கான வீரர்களை அனுப்ப சீன விண்வெளி நிறுவனம் திட்டமிட்டுள்ளது. பின்பு 70 டன் எடையில் விண்வெளி நிலையம் விரிவுபடுத்தப்பட உள்ளதாக தகவல் வெளிவந்துள்ளது.