உறுதி : செயற்கை சூரியனை உருவாக்குகிறது சீனா..!

3 மடங்கு :

அணுக்கரு இணைவு (Nuclear Fusion ) பயன்படுத்தி சூரியனின் மையப்பகுதியில் இருக்கும் வெப்பத்தை விட 3 மடங்கு அதிக வெப்பத்தினை ஹைட்ரஜன் வாயுவை பயன்படுத்தி உருவாக்குகின்றனர்.

வெப்பநிலை :

கட்டத்தட்ட இரண்டு நிமிடங்கள் வரையிலாக ஒரு மென்மையான 50 மில்லியன் டிகிரி செல்சியஸ் அளவிலான வெப்பநிலையை பராமரிக்க முடிந்ததாக விஞ்ஞானிகள் குழு தெரிவித்துள்ளது.

டோநட் வடிவ உலையில் :

சீனாவில் உள்ள ஹீஃபி நகரில் உள்ள உடல் அறிவியல் நிறுவனத்தில் (Institute of Physical Science) உள்ள டோநட் வடிவ உலையில் (doughnut-shaped reactor) இந்த ஆய்வானது மேற்கொள்ளப்ப்பட்டு வருகிறது.

ஹைட்ரஜன் வெடிகுண்டு :

வெப்பாற்றல் ஆயுதமான ஒரு ஹைட்ரஜன் வெடிகுண்டு வெடிப்பு நிகழ்த்தும் சக்தியை இந்த செயற்கை சூரியன் ஆய்வும் வழங்கும் என்பது குறிப்பிடத்தக்கது.

உற்பத்தி :

இவ்வகையான அணு ஆராய்ச்சிகளில், சில நொடிகளுக்கு மட்டுமே மிகவும் சக்தி வாய்ந்த வெப்பத்தினை உற்பத்தி செய்ய முடியும்.

ஜெர்மனி விஞ்ஞானிகள் :

அப்படியாக, இதுவரையிலாக ஜெர்மனி விஞ்ஞானிகள் அணுக்கரு இணைவு மூலம், 80 மில்லியன் டிகிரி செல்சியஸ் ஹைட்ரஜன் வாயுவை வெப்பத்தை பயன்படுத்தி 2 மெகாவாட் நுண்ணலை கதிர்வீச்சுதனை (microwave radiation) உருவாக்கி உள்ளனர்.

காந்த சக்தி :

சீன விஞ்ஞானிகளோ 102 வினாடிகளுக்கு 50 மில்லியன் டிகிரி செல்சியஸ் வெப்பசக்தியை, மிகவும் பலமான காந்த சக்தி கொண்டு உலைக்குள் அடக்கி வைத்து உற்பத்தி செய்து சாதனை படைத்துள்ளனர்.

க்ளைமேக்ஸ் காட்சி :

ஸ்பைடர் மேன் 2-ஆம் பாகத்தின் க்ளைமேக்ஸ் காட்சியில், இணைவு விளைவின் மூலம் மலிவான மற்றும் சுத்தமான எரிசக்தியை உற்பத்தி செய்ய டாக்டர் ஆக்டோபஸ் முயற்சி செய்து தோற்றுப்போவது போன்று காட்சி அமைக்கப்பட்டிருக்கும் என்பதும் குறிப்பிடத்தக்கது.

மேலும் படிக்க :

தமிழ் கிஸ்பாட் :

மேலும் இதுபோன்ற தொழில்நுட்ப செய்திகளை உடனுக்குடன் பெற - தமிழ் கிஸ்பாட் ஃபேஸ்புக் பக்கம் மற்றும் தமிழ் கிஸ்பாட் வலைதளம்..!