ரூ.299 விலையில் BSNL, Jio, Airtel, Vi ப்ரீபெய்ட் ரீசார்ஜ்.. இதில் எது டாப் பெஸ்ட் தெரியுமா?

Published: Monday, June 20, 2022, 19:45 [IST]

பாரத் சஞ்சார் நிகாம் லிமிடெட் (BSNL) ஜியோ (Jio), ஏர்டெல் (Airtel) மற்றும் விஐ (Vi) உள்ளிட்ட தொலைத்தொடர்பு நிறுவனங்கள் அனைத்தும் ஒரே விலையில் வெவ்வேறு நன்மைகளுடன் வழங்கும் ரூ. 299 ப்ரீபெய்ட் திட்டத்தைப் பற்றித் தான் இந்த பதிவில் பார்க்கப்போகிறோம். எது நான்கு நிறுவனங்களும் ஒரே விலை புள்ளியில் ஒரு திட்டத்தைக் கொண்டுள்ளதா என்று நீங்கள் ஷாக் ஆகலாம். ஷாக் ஆனாலும் ஆகாவிட்டாலும் அதுதான் உண்மை. இந்த திட்டத்தின் நன்மைகள் என்ன என்பதை பார்க்கலாம்.

ரூ.299 விலையில் BSNL, Jio, Airtel, Vi ப்ரீபெய்ட் ரீசார்ஜ்

தனியார் தொலைத்தொடர்பு நிறுவனங்கள் வழங்கும் நன்மைகளுடன் ஒப்பிட்டுப் பார்க்கையில், BSNL வழங்கும் நன்மைகளின் விபரம் உங்களுக்கு அதிக பயனை வழங்குவது போல் தோன்றுகிறது. ரூ. 299 விலையில் கிடைக்கும் திட்டத்தில் வழங்கப்படும் மற்ற தொலைத்தொடர்பு நிறுவனங்களின் நன்மைகள் எவ்வளவு சிறப்பாக இருக்கிறது என்று தெரிந்துகொள்ளலாம். கடந்த 2021 இல் அமல்படுத்தப்படக் கட்டண உயர்வுக்குப் பிறகு, BSNL இன் ரூ.299 திட்டத்திற்கும் தனியார் தொலைத்தொடர்பு நிறுவனங்களுக்கும் இடையேயான வித்தியாசம் உயர்ந்தது.

பிஎஸ்என்எல் வழங்கும் ரூ.299 ப்ரீபெய்ட் திட்டம்

பிஎஸ்என்எல் அதன் பயனர்களுக்கு ரூ.299 ப்ரீபெய்ட் திட்டத்தை மொத்தம் 30 நாட்கள் வேலிடிட்டியுடன் வழங்குகிறது. இந்த திட்டத்தில், பயனர்களுக்கு வரம்பற்ற குரல் அழைப்பு, தினசரி 3 ஜிபி டேட்டா நன்மை, தினமும் 100 எஸ்எம்எஸ் நன்மை ஆகியவற்றை வழங்குகிறது. இந்த திட்டத்தில் வேறு எந்த நன்மைகளும் வழங்கப்படவில்லை. இந்தத் திட்டத்தின் மிகப் பெரிய நன்மைகளில் ஒன்று அதன் செல்லுபடியாகும் காலம் மட்டுமே. பயனர்கள் இன்று பல 30 நாட்கள் திட்டங்களைப் பார்க்க முடியாது; எனவே, BSNL இன் இந்த திட்டம் அதிக வேலிடிட்டி எதிர்பார்ப்பவர்களுக்குச் சிறப்பானதாக இருக்கிறது.

பாரதி ஏர்டெல் வழங்கும் ரூ.299 ப்ரீபெய்ட் திட்டம்

பாரதி ஏர்டெல் அதன் ரூ.299 ப்ரீபெய்ட் திட்டத்தை மொத்தம் 28 நாட்கள் வேலிடிட்டியுடன் வழங்குகிறது. இந்த திட்டத்தில் பயனர்களுக்குத் தினசரி 1.5ஜிபி டேட்டா வழங்கப்படுகிறது. இத்துடன் உங்களுக்கு அன்லிமிடெட் குரல் அழைப்பு நன்மை மற்றும் தினமும் 100 எஸ்எம்எஸ் ஆகியவை கிடைக்கிறது. இந்தத் திட்டத்தின் கூடுதல் நன்மைகளில் 28 நாட்களுக்கு Xstream மொபைல் பேக், Apollo 24 | 7 வட்டம், FASTag, இலவச Hellotunes மற்றும் Wynk Music உடன் ரூ.100 கேஷ்பேக் நன்மை கிடைக்கிறது.

ரிலையன்ஸ் ஜியோ வழங்கும் ரூ. 299 ப்ரீபெய்ட் திட்டம்

ரிலையன்ஸ் ஜியோ தனது ரூ.299 ப்ரீபெய்டை 2ஜிபி தினசரி டேட்டாவுடன் வழங்குகிறது. இது ஏர்டெல் திட்டத்துடன் ஒப்பிடும்போது பயனர்கள் பெறுவதை விட அதிகம். இருப்பினும், ஏர்டெல் திட்டத்தின் செல்லுபடியாகும் காலம் 28 நாட்கள். ஆகும். இத்துடன் இதன் பயனர்கள் வரம்பற்ற குரல் அழைப்பு நன்மை மற்றும் தினமும் 100 SMS நன்மை ஆகியவற்றை வழங்குகிறது. இத்துடன் கூடுதல் நன்மையா ஜியோடிவி, ஜியோசினிமா, ஜியோ செக்யூரிட்டி மற்றும் ஜியோ கிளவுட் உள்ளிட்ட பாராட்டு சந்தாக்கள் கிடைக்கிறது.

Vi வழங்கும் ரூ. 299 திட்டம்

Vodafone Idea அதன் ரூ.299 ப்ரீபெய்ட் திட்டத்தை 1.5GB தினசரி டேட்டா, தினமும் 100 SMS மற்றும் வரம்பற்ற குரல் அழைப்பு ஆகியவற்றை வழங்குகிறது. இந்த திட்டம் மொத்தம் 28 நாட்கள் செல்லுபடியாகும் வேலிடிட்டி உடன் வருகிறது. பயனர்கள் Vi Hero அன்லிமிடெட் நன்மைகள் மற்றும் Vi Movies & TVக்கான இலவச சந்தாவைப் பெறுகிறார்கள். Vi Hero அன்லிமிடெட் நன்மைகளின் கீழ், பயனர்கள் Binge All Night, Weekend Data Rollover மற்றும் Data Delights சலுகையைப் பெறுகிறார்கள். இந்தத் திட்டங்களைப் பார்க்கும்போது, BSNL ப்ரீபெய்ட் திட்டம் சிறப்பாக உள்ளது என்பது தெளிவாகத் தெரிகிறது.