90ஜிபி டேட்டா வழங்கும் பிஎஸ்என்எல்-ன் ரூ.429/- பிளான்; ஜியோ - ஏர்டெல் இரண்டுமே காலி.!

நாள் ஒன்றுக்கு 1ஜிபி அளவிலான டேட்டா

ஜியோ திட்டங்களை போலவே இந்த பிஎஸ்என்எல் ரூ.429/- திட்டமானது 3 மாதங்களுக்கு, அதாவது 90 நாட்களுக்கு செலுப்படியாகும். மற்றும் நாள் ஒன்றுக்கு 1ஜிபி அளவிலான டேட்டாவுடன் வரம்பற்ற குரல் அழைப்புகளை வழங்கும்.

பான்-இந்தியா அடிப்படையில்

இந்த திட்டம் எந்தவொரு வலையமைப்பிற்கும் (உள்ளூர் / எல்.டி.டி) இலவச குரல் அழைப்புகளை வழங்கும் அதே நேரத்தில் 90 ஜிபி அளவிலான டேட்டாவையும் பான்-இந்தியா அடிப்படையில் (கேரளா வட்டம் தவிர) வழங்குமென்று நிறுவனம் தெரிவித்துள்ளது.

வரம்பற்ற குரல் அழைப்புகள்

பிஎஸ்என்எல் குழுவின் இயக்குனர் ஆர்.கே. மிட்டல் கூறியதாவது: "குரல் மற்றும் தரவு திட்டமான 429 பிளான் ஆனது, ஒரு மாதத்திற்கு ரூ.143/- என்ற விகிதத்தில் வரம்பற்ற குரல் அழைப்புகள் (உள்ளூர் / எஸ்டிடி) மற்றும் நாள் ஒன்றிற்கு 1ஜிபி அளவிலான தரவை 90 நாட்களுக்கு வழங்குவதால், தற்போதைய சந்தை சூழ்நிலையில் இது மிகவும் போட்டி மிகுந்த திட்டமாக திகழும்."

இ-காமர்ஸ் தளம்

கடந்த மாதம் பிஎஸ்என்எல் நிறுவனம், மொபிவிக் (MobiKwik) உடன் இணைந்து மொபைல் வேலட் திட்டத்தை தொடங்கியது. அந்த இ-காமர்ஸ் தளமானது நிறுவனத்தின் 100 மில்லியன் வாடிக்கையாளர்களும் எளிமையாக பணம் செலுத்த உதவும் என்று நிறுவனம் நம்புகிறது.

ரூ.399/- மதிப்புள்ள புதிய ரீஜார்ஜ் பேக்

சமீபத்தில் இந்தியாவின் மிகப்பெரிய தொலைத் தொடர்பு நிறுவனமான ஏர்டெல் அதன் ரூ.399/- மதிப்புள்ள புதிய ரீஜார்ஜ் பேக் ஒன்றை ஜியோவிற்கு எதிராக களமிறங்கியுள்ளது. ஏர்டெல் ப்ரீபெய்ட் சந்தாதாரர்களுக்கான இந்த புதிய திட்டத்தின் நன்மைகளை பொறுத்தமட்டில் - வரம்பற்ற உள்ளூர் மற்றும் எஸ்டிடி அழைப்புகளை வழங்குகிறது, உடன் 4ஜி வேகத்திலான 84 நாட்கள் செல்லுபடியாகும் நாள் ஒன்றுக்கு 1 ஜிபி என்ற டேட்டாவும் வழங்குகிறது.

ரூ.149/- ரீசார்ஜ்

ஜியோவின் ரூ.399/- ரீசார்ஜ் பேக்கை மட்டுமின்றி இதர ஜியோவின் குறைந்த விலை கட்டண திட்டங்களை எதிர்க்கும் வண்ணம் ஏர்டெல் மேலும் வேறு சில திட்டங்களையும் அறிமுகப்படுத்தியுள்ளது. ஏர்டெல் நிறுவனத்தின் புதிய ரூ.149/- திட்டமானது ஏர்டெல் டூ ஏர்டெல் அழைப்புகள், 4ஜி வேகத்திலான 28 நாட்கள் செல்லுபடியாகும் 2ஜிபி தரவு ஆகிய நன்மைகளை வழங்குகிறது.

ரூ.8/- ரீசார்ஜ்

இதேபோல ஏர்டெல் நிறுவனம் ரூ.5 முதல் ரூ.399/- அதன் பல புதிய திட்டங்களை அறிமுகம் செய்துள்ளது. ரூ.8/- மதிப்புள்ள ரீசார்ஜ் பேக் ஆனது 56 நாட்களுக்கு ஏர்டெல் உள்ளூர் + எஸ்.டி.டி அழைப்புகளை நிமிடத்திற்கு 30 பைசா என்றவொரு விகிதத்தில் மேற்கொள்ள உதவும். ரூ.40/- மதிப்புள்ள ஏர்டெல் திட்டமானது, ரூ.35/-க்கான வரம்பற்ற பேச்சு நேரத்தை வழங்கும். மறுபக்கம் ரூ.60/- திட்டமானது ரூ.58/-க்கான வரம்பற்ற பேச்சு நேரத்தை வழங்கும்.

ரூ.5/- ரீசார்ஜ்

இருப்பதுலேயே மிகவும் மலிவான திட்டமான ரூ.5/- மதிப்புள்ள ரீசார்ஜ் பேக்கின் கீழ் 7 நாட்கள் செல்லுபடியாகும் 4ஜிபி அளவிலான 3ஜி/4ஜி தரவு கிடைக்கும். இந்த சலுகையானது 4ஜி சிம் மேம்படுத்துதலுக்குப் பிறகு ஒரே முறை மட்டுமே கிடைக்கும் என்பது குறிப்பிடத்தக்கது. ரூ.199/- மதிப்புள்ள ரீசார்ஜ் பேக்கின் கீழ் 28 நாட்களுக்கு செல்லுபடியாகும் வரம்பற்ற உள்ளூர் மொபைல் அழைப்புகள் மற்றும் 1ஜிபி அளவிலான 2ஜி / 3ஜி / 4ஜி தரவு நன்மைகள் கிடைக்கும்.

ரூ.349/- ரீசார்ஜ்

ரூ.349/- மதிப்புள்ள ரீசார்ஜ் பேக்கின் கீழ் 28 நாட்களுக்கு செல்லுப்படியாகும் நாள் ஒன்றிக்கு 1ஜிபி அளவிலான தரவுடன் வரம்பற்ற உள்ளூர் மற்றும் எல்.டி.டி. அழைப்புகளை அனைத்து கைபேசிகளுக்கும் வழங்குகிறது. இந்த ரூ.349/- திட்டத்தில் 10% கேஷ் பேக் ஆபர் பெற ஏர்டெல் பேமெண்ட்ஸ் பேங்க் அக்கவுண்ட் ஒன்றை துவங்குவதின் மூலம் பெறலாம்.