பிஎஸ்என்எல் புயலில் சிக்கியது ஜியோ: ரூ.249/- & ரூ.429/-க்கு அதிரடி அன்லிமிடெட் ஆபர்கள்.!

ரூ.249/- ரீசார்ஜ்

பிஎஸ்என்எல் அறிவித்துள்ள இரண்டு புதிய திட்டங்களில் முதலில் இடம்பெறுவது குரல் மற்றும் தரவு நன்மைகளை உள்ளடக்கிய ரூ.249/- ரீசார்ஜ், நாள் ஒன்றிற்கு 1 ஜிபி அளவிலான டேட்டா வழங்கும் இந்த திட்டம் 28 நாட்களுக்கு செல்லுபடியாகும்.

இலவச உள்ளூர் மற்றும் எஸ்டிடி

நிறுவனத்தின் வலைத்தளத்தில் இந்த ரூ.249/-ரீசார்ஜ் பேக் ஆனது இலவச உள்ளூர் மற்றும் எஸ்டிடி (பிஎஸ்என்எல்-டூ-பிஎன்எல்) ஆகிய குரல் அழைப்பு நன்மைகளை உள்ளடக்கியுள்ளது என்று குறிப்பிடபட்டுள்ளது.

அக்டோபர் 25, 2017 வரை

பிஎஸ்என்எல் வழங்கும் இந்த ரூ.249/- எஸ்டிவி அல்லது சிறப்பு கட்டண வவுச்சர் ஆனது ஒரு குறிப்பிட்ட கால இடைவெளிக்குள் கிடைக்கும் ஒரு சலுகையாகும். அதாவது, அக்டோபர் 25, 2017 வரை இந்த திட்டம் வாங்க கிடைக்கும் என்று நிறுவனத்தின் வலைத்தளத்தில் அறிவிக்கப்பட்டுள்ளது.

ரீசார்ஜ் ரூ.429/-

மறுகையில், பாரத் சஞ்சார் நிகாம் லிமிடெட் (பிஎஸ்என்எல்) தனது ப்ரீபெய்ட் வாடிக்கையாளர்களுக்காக குரல் அழைப்பு மற்றும் தரவு நன்மைகள் கொண்ட மற்றொரு ரீசார்ஜ் பேக்கையும் அறிவித்துள்ளது. அந்த ரீசார்ஜ் ரூ.429/- என்ற விலைமதிப்பை பெற்றுள்ளது.

நாள் ஒன்றிற்கு ஒரு ஜிபி

இந்த புதிய ரூ.429/- பிஎஸ்என்எல் ரீசார்ஜ் ஆனது, வரம்பற்ற குரல் அழைப்பு மற்றும் நாள் ஒன்றிற்கு ஒரு ஜிபி அளவிலான டேட்டாவை நிறுவனத்தின் ப்ரீபெய்ட் மொபைல் வாடிக்கையாளர்களுக்கு வழங்கும். இந்த திட்டம் 90 நாட்கள் செல்லுபடியாகும்.