BSNL வெளியிட்ட அட்டகாச திட்டம்: சமர்த்தியசாலிகளுக்கான சரியான திட்டம்.. கம்மி விலை 365 நாள் செல்லுபடி..

இதை கவனிக்க மறக்காதீர்கள்

இந்த திட்டத்தின் மூலம் வழங்கப்படும் நன்மைகள் முதல் 60 நாட்களுக்கு மட்டுமே இருக்கும் என்பதை கவனத்தில் வைத்துக்கொள்ளுங்கள். அதற்கு பின்னர் பயனர்கள் தங்கள் விருப்பப்படி டாக்டைம் பேக்குகள் அல்லது டேட்டா பேக்குகளை இந்த திட்டத்துடன் சேர்த்து பயன்படுத்திக்கொள்ளலாம் என்பது குறிப்பிடத்தக்கது. BSNL இணைப்பைத் தனது ஸ்மார்ட்போனில் இரண்டாம் நிலை சிம் ஆக வைத்திருக்க விரும்பும் பயனருக்கு இந்தத் திட்டம் சிறந்த தேர்வாக அமையும். இந்தத் திட்டத்தின் முழுமையான பலன்களைப் பார்ப்போம்.

BSNL ரூ. 797 திட்ட வவுச்சர் விவரங்கள்

பிஎஸ்என்எல் ரூ. 797 ப்ரீபெய்ட் திட்டமானது முதல் 60 நாட்களுக்கு தினசரி 2ஜிபி டேட்டா நன்மையை வழங்குகிறது. இந்த திட்டம் அதன் பயனர்களுக்கு வரம்பற்ற குரல் அழைப்பு மற்றும் தினமும் 100 எஸ்எம்எஸ் ஆகிய நன்மைகளை வழங்குகிறது. நியாயமான பயன்பாட்டுக் கொள்கை (FUP) தரவு நுகர்வுக்குப் பிறகு வேகம் 80 Kbps ஆகக் குறைகிறது. 60 நாட்களுக்குப் பிறகு, இந்த பலன்கள் காலாவதியாகிவிடும். ஆனால் சிம் கார்டு செயலில் இருக்கும். அதாவது, இந்த திட்டத்தின் வழக்கமான செல்லுபடியாகும் காலம் 395 நாட்களாகும்.

இந்த காலத்தில் ரீசார்ஜ் செய்தால் 365 நாளுடன் கூடுதலாக 30 நாள் வேலிடிட்டி

ஆனால், இன்று முதல் வரும் ஜூன் 12, 2022 வரை, பயனர்கள் இந்த திட்டத்தை தேர்வு செய்து ரீசார்ஜ் செய்யும் போது, BSNL இந்த திட்டத்துடன் 30 நாட்களுக்கு கூடுதல் செல்லுபடியாகும் வேலிடிட்டி உடன் வழங்குகிறது என்பது குறிப்பிடுகிறது. BSNL இடம் நிறைய டாக்டைம் வவுச்சர்கள் மற்றும் டேட்டா வவுச்சர்கள் உள்ளன, அவை உங்களுக்குத் தேவைப்படும்போது ரீசார்ஜ் செய்யலாம். BSNL வழங்கும் ப்ரீபெய்ட் திட்டங்களில் ஒரு சிறந்த விஷயம் என்னவென்றால், அவை மிகவும் மலிவு விலையில் உள்ளது.

நாட்டில் எந்த நிறுவனமும் வழங்காத திட்டம்

இருப்பினும், தனியார் தொலைத்தொடர்பு ஆபரேட்டர்கள் மூலம் பயனர்கள் பெறும் வேகமான 4G நெட்வொர்க்குகளால் அவை ஆதரிக்கப்படவில்லை என்பதே ஒரு வருத்தம். இருப்பினும் BSNL வழங்கும் இந்த திட்டத்தை இந்தியாவில் வேறு எந்தவொரு தனியார் தொலைத்தொடர்பு நிறுவனங்களும் வழங்கவில்லை என்பது குறிப்பிடத்தக்கது. மேலும், BSNL சிம் இரண்டாம் நிலையாக இருக்க வேண்டும் என்று விரும்புபவர்களுக்கு இது சிறந்தது.

BSNL 4ஜி இந்தியாவில் எப்போது அறிமுகம்?

BSNL ஆகஸ்ட் 15, 2022 க்குள் 4G மற்றும் 5G நெட்வொர்க்குகளை அறிமுகப்படுத்தும் என எதிர்பார்க்கப்படுகிறது. அதே தேதியில்தான் தனியார் தொலைத்தொடர்பு நிறுவனங்களும் 5G ஐ அறிமுகப்படுத்த வேண்டும் என்று அரசாங்கம் விரும்புகிறது. பிஎஸ்என்எல்லின் எதிர்காலம் என்ன என்பதைப் பார்ப்பது சுவாரஸ்யமாக இருக்கும். இப்போதைக்கு, தொலைத்தொடர்பு நிறுவனம் இன்னும் 4ஜி கருவிகளுக்கான ஆர்டர்களை வழங்கவில்லை.