ஜியோ, ஏர்டெல்லுக்கு போட்டியாக பிஎஸ்என்எல் ரூ.171 பிளான் அறிவிப்பு.!

சலுகை திட்டம்:

ஜியோவை தொடர்ந்து பல்வேறு நிறுவனங்களும் தங்கள் வாடிக்கையாளர்களை தக்க வைத்து கொள்ளும் வகையில், புதிய சலுகை திட்டத்தை அறிவித்து அறிவித்து வருகின்றன. தற்போது அரசு நிறுவனமான பிஎஸ்என்எல்ளும் சலுகை திட்டத்தை அறிமுகப்படுத்தியுள்ளது.

ஜியோவின் ரூ.198 திட்டம்:

இந்த திட்டத்தின் மூலம் வாடிக்கையாளர்கள் ரூ.198க்கு ரீசார்ஜ்செய்தால் அளவில்லா லோக்கல், எஸ்டிடி கால்களையும் அழைக்கலாம். பிரீபெய்டு வாடிக்கையாளர்கள் தினமும் 2ஜிபி டேட்டாவையும் சேர்த்து 28 நாட்களுக்கு பெற முடியும். மேலும், இந்தியா முழுக்க ரோமிங், 100 எஸ்எம்எஸூம் இலவசம்.

ஏர்டெல் திட்டம்:

ஜியோவை போல ஏர்டெல் நிறுவனமும் பிரீப்பெய்டு வாடிக்கையாளர்களுக்கு ரூ.199க்கு திட்டம் அறிவித்தது. இதில், அளவில்லா அழைப்புகளையும், 1.4 ஜிபி டேட்டாவையும் வழங்குகிறது. இத்திட்டம் வரும் 28 நாட்களுக்கு செல்லுபடியாகிறது.

பிஎஸ்என்எல் அறிவித்த ரூ.171 பிளான்:

பிஎஸ்என்எல் நிறுவனமும் தனது பிரீப்பெய்டு வாடிக்கையாளர்களுக்கு ரூ.171க்கு பிளான் ஒன்றை அறிவித்துள்ளது. இதில் அளவில்லா கால்களையும், ஒரு நாளைக்கு 2 ஜிபி டேட்டாவும், 100 எஸ்எம்எஸ்கயையும் பிஎஸ்என்எல் நிறுவனம் வழங்குகிறது. இச்சலுகை 30 நாட்களுக்கு செல்லுபடியாகும்.

இன்று அறிமுகப்படுத்தப்பட்டது:

ஆந்திரா, தெலுங்கான வட்டார தொலை தொடர்பு பகுதியில் மட்டும் இன்று பிஎஸ்என்எல் வாடிக்கையாளர்களுக்கு ரூ.171க்கான பிளானை அறிமுகப்படுத்தியுள்ளது. இதன் மூலம் ஜியோ மற்றும் ஏர்டெல் நிறுவனங்களுடன் பிஎஸ்என்எல்ளும் நேரடியாக சலுகை திட்டத்தில் மோதுகிறது.