ரூ.200/-ல் இருந்து ரூ.20/-க்கு சரிந்த பிஎஸ்என்எல்; கொஞ்சம் நஞ்சமா ஆடுனீங்க?

அரசங்கதிற்கு சொந்தமான டெலிகாம் நிறுவனமான பிஎஸ்என்எல் (Bharat Sanchar Nigam Limited) மிக வேகமாக முன்னேற்றத்தை நோக்கி பயணிக்க திட்டமிட்டுள்ளது போல் தெரிகிறது.

இந்தியாவில் 3ஜி நெட்வொர்க்கை அறிமுகப்படுத்தியதில் பிஎஸ்என்எல் நிறுவனம் ரூ.200/-க்கு அதன் சிம் கார்டை விற்பனை செய்தது. இப்போது, டெலிகாம் துறையில் ஏற்பட்டுள்ள கடுமையான கட்டண யுத்தம் மற்றும் நாடு முழுவதும் மிக வேகமான பரவி வரும் 4ஜி தொழில்நுட்பத்தின் விளைவாக, வெறும் ரூ.20/-க்கு 4ஜி பிஎஸ்என்எல் சிம் கார்டை விற்பனை செய்து வருகிறது.

அதாவது முந்தைய 3ஜி சிம் கார்டின் விலையில் 10% விலைக்கு 4ஜி சிம் கார்டை விற்கிறது. சமீப காலமாக பிஎஸ்என்எல், தனது வாடிக்கையாளர்களுக்கு 4ஜி அனுபவத்தை வழங்குவதற்காக தனது 4ஜி நெட்வொர்க்கை விரிவுபடுத்து வருகிறது. அதன் ஒரு பகுதியாக கிழக்கு, மேற்கு, வடக்கு மற்றும் தென் மண்டலங்களில் 10,000-க்கும் 4ஜி eNode-B-களை நிறுவ, பிஎஸ்என்எல் திட்டமிட்டுள்ளது என்பது குறிப்பிடத்தக்கது.

பிஎஸ்என்எல்-ன் 4ஜி சேவைக்கு மாறி, புதிய 4ஜி நெட்வொர்க்கின் முழு நன்மைகளைப் பெற விரும்பும் புதிய 4ஜி யூஎஸ்ஐஎம் சந்தாதாரர்கள் ஒரு 4ஜி சிம் கார்டை வாங்க வேண்டும். 4ஜி சேவைக்குள் நுழைந்த பின்னர் நிறுவனத்தின் பழைய 2ஜி / 3ஜி சேவைகளை 4ஜி சிம் மூலம் அணுகமுடியாது என்பது குறிப்பிடத்தக்கது. இந்த 4ஜி சிம் விற்பனையானது, ஒருவழியாக பிஎஸ்என்எல்-ன் போராட்டம் மிகுந்த நாட்கள் முடிவுக்கு வந்து விட்டது என்பதை வெளிப்படுத்துகின்றன.