சூப்பர் ஸ்பீட் வேகம்.. BSNL 4G வந்தாச்சு.. 35000 சைட்களில் இப்போது 4G.. Airtel, Jio, Vi பொழப்பு என்னாகும்?

பிஎஸ்என்எல் (BSNL) என்று சுருக்கமாக அழைக்கப்படும் பாரத் சஞ்சார் நிகாம் லிமிடெட் (Bharat Sanchar Nigam Limited) இப்போது, இந்தியா முழுவதும் அதன் 4G நெட்வொர்க் சேவையை மேம்படுத்துவதில் குறிப்பிடத்தக்க முன்னேற்றங்களை ஏற்படுத்தியுள்ளது. இது பிஎஸ்என்எல் பயனர்களிடையே பெரும் சந்தோஷத்தை உருவாக்கியுள்ளது. இதுவரை பிஎஸ்என்எல் நிறுவனம் 35,000 BSNL 4G தளங்களை வெற்றிகரமாக அமைத்துள்ளதாக தெரிவித்துள்ளது. இந்த வளர்ச்சி, இதைவிட வேகத்தை அடைந்து 2025 ஆம் ஆண்டு நடுப்பகுதிக்குள் மொத்தம் 1 லட்சம் BSNL 4G தளங்களை நிறுவனம் ஆக்டிவேட் செய்யுமென்று உறுதியளித்துள்ளது.

இந்தியாவின் ஒன்றிய தொலைத்தொடர்பு அமைச்சர் ஜோதிராதித்யா சிந்தியா BSNL நிறுவனத்தின் இந்த புதிய சாதனை குறித்து எடுத்துரைத்தார், சொன்னது போல, பிஎஸ்என்எல் நிறுவனம் குறிப்பிட்ட காலக்கெடுவிற்குள் தனது இலக்கை அடைந்து, இப்போது 35,000 தளங்களில் அதன் பிஎஸ்என்எல் 4ஜி சேவையை வழங்கியுள்ளது என்று அவர் தெரிவித்தார். இணைப்பை மேம்படுத்துவதற்கான ஒரு தனித்துவமான நடவடிக்கையில், பிஎஸ்என்எல் 14,500 அடி உயரத்தில் லடாக்கின் போபிராங்கில் தனது 4G சேவைகளை கிடைக்கச் செய்துள்ளது.

சூப்பர் ஸ்பீட் வேகம்.. BSNL 4G வந்தாச்சு.. 35000 சைட்களில் இப்போது 4G:

இந்த குறிப்பிடத்தக்க சாதனை, இந்த பகுதியில் 4G ஐ அறிமுகப்படுத்திய முதல் ஆபரேட்டரான ஏர்டெல் நிறுவனத்தை தொடர்ந்து பின் வருகிறது. இது இந்தியாவில் தொலைத்தொடர்புக்கு ஒரு முக்கியமான அடையாளமாகும். இருப்பினும், லடாக்கில் பி.எஸ்.என்.எல் இன் தொடக்கத்தைப் பற்றிய விவரங்கள் இந்தியா டிவியால் தெரிவிக்கப்பட்டன. BSNL இன் விரிவாக்க முயற்சிகள் நகர்ப்புறங்களுக்கு மட்டும் இல்லாமல் கிராமங்களையும் நோக்கி நரகர்கிறது.

முக்கிய நகரங்கள் மட்டுமின்றி, பிஎஸ்என்எல் நிறுவனம் இப்போது கிராமப்புறங்களிலும் அதன் இணைப்பை மேம்படுத்துவதில் சமமாக கவனம் செலுத்தி வருகிறது. கடந்த 100 நாட்களில், 7,000 க்கும் மேற்பட்ட மொபைல் டவர்களை நிறுவனம் நிறுவியுள்ளது என்பதும் குறிப்பிடத்தக்கது. இது பல கிராமங்களுக்கு உள்ளடக்கத்தை விரிவுபடுத்தியுள்ளது என்பது கவனிக்கத்தக்கது. இந்த முயற்சி அரசாங்கத்தின் 4G சாச்சுரேஷன் திட்டத்தின் ஒரு பகுதியாகும்.

இது அவர்களின் இருப்பிடத்தைப் பொருட்படுத்தாமல் அனைவருக்கும் உயர் வேக இணைய அணுகலை உறுதிப்படுத்துவதை நோக்கமாகக் கொண்டுள்ளது. பாரதி ஏர்டெல் (Bharti Airtel), ரிலையன்ஸ் ஜியோ (Reliance Jio) மற்றும் வோடாபோன் ஐடியா (Vodafone Idea) போன்ற தனியார் தொலைத்தொடர்பு நிறுவனங்களுடன் போட்டியிட BSNL தனது தேசிய 4G மேம்பாடு முக்கியமானது. அவை கிராமப்புற இந்தியாவில் தங்கள் 4G வலையமைப்பை மிகவும் தீவிரமாக விரிவுபடுத்திக் கொண்டிருக்கின்றன.

7,000 க்கும் மேற்பட்ட புதிய BSNL மொபைல் டவர்களை:

1 லட்சம் 4G டவர்கள் நிறுவப்பட்ட பிறகு, மொபைல் சேவைகளில் குறிப்பிடத்தக்க முன்னேற்றங்கள் மற்றும் இந்தியாவில் தொலைத்தொடர்புத் துறையில் புரட்சியை ஏற்படுத்தக்கூடிய புதிய சேவைகள் அறிமுகப்படுத்தப்படும் என்று சிந்தியா தெரிவித்துள்ளார். BSNL நிறுவனம் தனது நிலையான வாடிக்கையாளர்களுக்கு இலவச 4G SIM மேம்பாடுகளை வழங்குகிறது. ஆர்வமுள்ளவர்கள் தங்கள் அருகிலுள்ள பி.எஸ்.என்.எல் அலுவலகத்திலிருந்து புதிய BSNL SIM கார்டுகளை பெறலாம்.

பிஎஸ்என்எல் அதன் அனைத்து சந்தாதாரர்களுக்கும் 4G-க்கு விரைவான மாற்றத்தை வசதியாக்க அர்ப்பணித்துள்ளது என்பதை இப்போது நிரூபித்து வருகிறது. BSNL நிறுவனம் அதன் 4G சேவையை அறிமுகம் செய்து வரும் இதே வேளையில், தொலைத்தொடர்புத் துறையில் சமீபத்திய தொழில்நுட்ப முன்னேற்றங்களுடன் பின்னடைவை தவிர்க்கும் வகையில், நிறுவனம் 5G சேவைகளை தொடங்கும் முயற்ச்சியிலும் செயல்பட்டு வருவதாக கூறப்பட்டுள்ளது.

பிஎஸ்என்எல் 4ஜி சேவை இந்தியா முழுக்க கிடைக்கும் நேரத்தில், முக்கியமான சில நகரகங்ளில் BSNL 5ஜி சேவை பயன்படுத்த கிடைக்கும் என்றும் செய்திகள் வெளியாகியுள்ளன. அதற்கான வேலையையும் பிஎஸ்என்எல் நிறுவனம் விரைவாக செய்து முடிக்க திட்டமிட்டுள்ளது.