ஒரே ஒரு டுவிட்தான் முதலிடம் போச்சு: உலக பணக்காரர் பட்டியில் கீழ் இறங்கிய "எலான் மஸ்க்"- என்ன தெரியுமா?

எலான் மஸ்க் பதிவிட்ட டுவிட்

மறுபுறம் எலான் மஸ்க் பதிவிட்ட பிட்காயின் குறித்த டுவிட்டர் மதிப்புக்கு பிறகு டெஸ்லா நிறுவனத்தின் பங்குகள் கடும் வீழ்ச்சி அடைந்தது. இதையடுத்து உலக பணக்காரர்கள் பட்டியலில் முதலிடத்தில் இருந்த எலான் மஸ்க் இரண்டாவது இடத்துக்கு தள்ளப்பட்டார்.

டெஸ்லா நிறுவனத்தின் பங்குகள் வீழ்ச்சி

காரணம் டெஸ்லா நிறுவனத்தின் பங்குகள் ஒரே நாளில் வீழ்ச்சி அடைந்ததாக கூறப்படுகிறது. எலான் மஸ்க் டுவிட் செய்த ஒரே நாளில் 1.5 பில்லியன் அமெரிக்க டாலர்களை இழந்துள்ளதாக தெரிவிக்கப்படுகிறது. இரண்டாவது இடத்தில் இருந்த அமேசான் நிறுவனர் ஜெப் பெசோஸ் 186.3 பில்லியன் சொத்து மதிப்புடன் முதலிடத்தை பிடித்துள்ளார்.

பிட்காயின் என்றால் என்ன

இணையம் சார்ந்த பண பரிவர்த்தனையான கிரிப்டோகரன்சி வகையை சேர்ந்தது பிட்காயின். வங்கி சார்ந்த பரிவர்த்தனைகளுக்கு எதிராக இருப்பவை இந்த பரிவர்த்தனை. இந்தியாவில் பல இடங்களில் பிட்காயின் பெயர் எதிரொலிப்பது வழக்கம். காரணம் பிட்காயின் மதிப்பு குறுகிய காலத்தில் அதிகளவு அதிகரித்து வருகிறது.

எலான் மஸ்க் என்று கூறியதும் நினைவுக்கு வருவது டெஸ்லா, ஸ்பேஷ் எக்ஸ் போன்ற நிறுவனங்களின் பெயர்கள்தான். இந்த நிறுவனங்களை இவர் வெற்றிப்பாதைக்கு கொண்டு செல்ல பல தோல்விகளை கண்டுள்ளார். தோல்வி அடையும் போது இவர் பெரும்பாலும் உச்சரிக்கும் ஒரு வார்த்தை, இது வெற்றிகரமான தோல்வி என்பதுதான்.

ஜெப் பெசாஸ் மீண்டும் முதலிடம்

கடந்த நவம்பர் மாதத்தில் உலக பணக்காரர்கள் பட்டியலில் பில்கேட்ஸை பின்னுக்கு தள்ளி எலான் மஸ்க் இரண்டாவது இடத்திற்கு முன்னேறினார். டெஸ்லா கார் நிறுவனத்தின் பங்குகள் விலை உயர்ந்ததையடுத்து அவரது சொத்து மதிப்பு உயர்ந்தது. இந்தநிலையில் மீண்டும் எலான் மஸ்க் இரண்டாவது இடத்துக்கு தள்ளப்பட்டுள்ளார். எலான் மஸ்க் பலரின் நாயகனாக இருப்பது குறிப்பிடத்தக்கது.