QR கோட் ஸ்கேன்: எஸ்பிஐ வங்கி முக்கிய அறிவிப்பு.!

அதிலும் இந்த கொரோனா தாக்குதலுக்குப் பின் ஆன்லைன் மூலம் பண பரிவர்த்தனை மேற்கொள்வது அதிகரித்து வருகிறது என்று தான் கூறவேண்டும். பணத்திற்காக இந்த வசதியிலும் பயனர்களை ஏமாற்றுபவர்களும் உண்டு. இந்த நிலையில் வாடிக்கையாளர்களை அலார்ட் செய்துள்ளது பாரத ஸ்டேட்வங்கி.

எஸ்பிஐ வங்கி அறிவித்த தகவலின்படி, நீங்கள் பணத்தை பெற ஒருபோது QR கோடை ஸ்கேன் செய்ய வேண்டி அவசியமில்லை. மேலும் உங்களுக்கு யாரேனும் பணத்தை அனுப்புவதாக கூறி அவர்கள் அனுப்பிய QR கோடை ஸ்கேன் செய்ய சொன்னால் அதை ஸ்கேன் செய்ய வேண்டாம்.

ஒருவேளை அவர்கள் அனுப்பிய QR கோடை நீங்கள் ஸ்கேன் செய்தால் உங்களது கணக்கிலிருந்து பணத்தை இழக்க வேண்டி இருக்கும்.மேலும் பணத்தை அனுப்ப தான் QR கோட் தேவை. பணத்தை பெறுவதற்கு தேவை இல்லை என்று எஸ்பிஐ வங்கி தெரிவித்துள்ளது.

இந்தியாவில் பல ஆன்லைன் இன்ஸ்டன்ஸ் டிஜிட்டல் பேமெண்ட் செயலிகள் செயலில் உள்ளன. அவற்றை பயன்படுத்தும் போது நாம் மிகவும் கவனமாக இருக்க வேண்டும் என்பது குறிப்பிடத்தக்கது.

அதேபோல்உங்கள் வங்கியின் ஆன்லைன் வங்கி வலைத்தளங்களை Google இல் தேடுவதைத் தவிர்க்கவும். பிஷ்ஷிங் (phishing)செய்வதற்கான வாய்ப்புகள் கடுமையாக அதிகரித்து வருவதால், வங்கியின் அதிகாரப்பூர்வ வலைத்தளம் போல் தோற்றமளிக்கும் போலி, உங்கள் வங்கியின் உள்நுழைவு ஐடி மற்றும் பாஸ்வோர்டை என்டர் செய்வதனால் சிக்கலில் சிக்கிக்கொள்வீர்கள்.

கூகிளில், நிறுவனங்களின் வாடிக்கையாளர் பராமரிப்பு எண்களை ஒருபோதும் தேட வேண்டாம். மோசடி செய்பவர்கள், மோசடி செய்வதற்கான அசல் வாடிக்கையாளர் பராமரிப்பு எண்கள் போன்ற போலி எண்களை வலைத்தளத்தில் பதிவு செய்துள்ளனர். அவர்களின் வலைக்குள் வீணாய் சிக்கிக் கொள்ளாதீர்கள். உங்களுக்குத் தேவையான ஆப்ஸ்களை டவுன்லோட் செய்ய, கூகுள் பிளே ஸ்டோர் மற்றும்
ஆப் ஸ்டோர் போன்ற அதிகாரப்பூர்வ தளங்களிலிருந்து ஆப்-களை டவுன்லோட் செய்யுங்கள். மால்வேர் உடன் கூடிய ஆப்களை டவுன்லோட் செய்வதற்கான வாய்ப்பு கூகுள் தளத்தில் உள்ளது. இதுபோன்ற சிக்கலில் சிக்காமல் தப்பித்துக்கொள்ளுங்கள்.