இனி கரண்ட் போனாலும் பிரச்சனை இருக்காது.! சோலார் லைட் கொண்ட பேக்: IIT ஆசிரியை அசத்தல்.!

அதேபோல் கிராமப்புறங்களில் மோசமான வானிலையில் இண்டர்நெட் பயன்படுத்துவதிலும் சிக்கல் ஏற்படும். எனவே இதுபோன்ற சூழ்நிலைகளில் கிராமப்புற மாணவர்கள் படிப்பில் கவனம் செலுத்துவதில் சிக்கல் ஏற்படும்.

இந்த நிலையில் கௌகாத்தியில் இருக்கக்கூடிய ஐஐடி யில் பேராசிரியையாக பணியாற்றி வரும் சாரு மோங்கா எனபவர் மாணவர்களிடம் அறிவியல் மற்றும் புதிய கண்டுபிடிப்புகளை பற்றி பேசுவார். குறிப்பாக மாணவர்களிடம் அறிவியலை புகுத்தும் நோக்கில் செயலாற்றிவரும் சாரு மோங்கா புதுமையான தொழில்நுட்பங்களை உருவாக்கிட மாணவர்களிடம் உரையாடுவதை வழக்கமாக கொண்டிருக்கிறார்.

அப்படி ஒருநாள் ஒரு மாணவரிடம் பேசும்போது, அந்த மாணவர் எங்களது கிராமத்தில் மின்வெட்டும் அடிக்கடி நடக்கிறது மற்றும் சூரியன் விரைவாக மறைந்துவிடுகிறது என்று கூறியதோடு, இதனால் தங்களது படிப்பு தடைபடுகிறது, விளையாடும் நேரத்தில் நாங்கள் படிக்க வேண்டி இருக்கிறது என்று தனது பிரச்சனைகளை சாரு மோங்காவிடம் கூறியுள்ளார்.

சாரு மோங்கா இந்த பிரச்சனையை கருத்தில் கொண்டு, Jugnu எனும் மாணவர்கள் பள்ளிக்கு கொண்டு செல்லும் பையை உருவாக்கியுள்ளார். அதாவது ஒரு சோலார் விளக்கை மறுசுழற்சி செய்யப்பட்ட பிளாஸ்டிக்கால் செய்யப்பட்ட ஒரு பையுடன் ஒருங்கிணைத்தார் பேராசிரியர். சாரு. மேலும் இது மழைநீரில் நனையாது. சூரிய ஒளியால் ஏரியும் விளக்கை தனியாக தூக்கிச்செல்ல வேண்டும் என்கிற கட்டுப்பாடும் இல்லை. அது பைக்குள்ளேயே இணைக்கப்பட்டிருக்கும்.

குறிப்பாக மாணவர்கள் இந்த புதுவகை பேக்கை பள்ளிக்கு கொண்டும் செல்லும் போது வழியில் கிடைக்கும் சூரிய ஒளியில் சார்ஜ் ஆகிவிடும். மின்சாரம் துண்டிக்கப்பட்டாலும் கூட இந்த பேக் தரும் வெளிச்சத்தில் மாணவர்கள் படிக்க முடியும் என்று கூறியுள்ளார் சாரு மோங்கா.

அதேபோல் பல சிறப்பம்சங்களை கொண்ட Jugnu பையை உருவாக்கிய பேராசிரியர்.சாரு இதுவரை 2500-க்கும் மேற்பட்ட மாணவர்களுக்கு அறிவியல் பயிற்சி வகுப்புகளை நடத்தியிருக்கிறார். மேலும் தான் உருவாக்கிய Jugnu பையை 7 மாவட்டங்களில் இருக்கும் 200 மாணவர்களுக்கு கொடுத்திருக்கிறார் என்பது குறிப்பிடத்தக்கது.